كماليات لعربيتي a4 ( شارك يا فادي)

[inspiron]

أنا عاوز حد يقولي ممكن أجيب كماليات إيه للعربية عشان عاوز أظبطها شوية كده.وكمان عاوز أخد رأيكم في حاجة..في واحد عاوز يبيعلي فلتر رياضي شكله غريب أوي مش زي السيموتا والحاجات اللي إحنا عارفينها..لا ده فلتر كده لونه إسود وهو ستانلس كده و فيه 3 مراوح و شكله عجيب.الواد بيقولي ده يخلي العربية صوتها رعد و تطير.إيه رأيكم...هو عاوز يبيعهولي علي 400 جنيه.وشكله بصراحة تحفة..هل هيفرق في العربية فعلا..ولا زي ما سمعت إن الفلاتر دي مش بتعمل حاجة؟؟؟

[modiabbas]

مين قال ان الفلاتر ديه مش بتعمل حاجه بالعكس دى بتوزود القدره الحصانيه حوالى 5 او 6 هورس باور و بعدين جرب الفلتر ده لو عجبك و حسيت بفرق هاتو معجبكش ممكن تجيب واحد k&N و على فكره الاوكتافيا بالذات حلوه و شيك جدا من غير اضافات او لعب سواء حاجات نيكل و كده انا عن نفسى مش مركب غير ديل للشكمان شكله حلو و بيعمل صووت جامد مووت بعد 45000 RPM

[inspiron]

أستأذنك يا باشا تقولي يعني إيه ديل شكمان وأجيبه منين..وبعدين العفو يا فندم عربية حضرتك A5 ربنا يملهالك بركة ويكفيك شر عيون الحاقدين والحساد (ربنا يهديهم).أنا عربيتي A4 أعتقد إنها بسيطة من جوة و عاوزة شوية شقلبة

[modiabbas]

ديل الشكمان ده عباره عن حليه كده بتكون نيكل بتتركب فى الشكمان و ديه عامله 30 جنيه
و من نحيه الحسد الحمد لله مفيش حته مفيهاش خبطه الحمد لله يعنى
عايز بقى تشقلب من جوه بقى يبقى هات فرش جلد كده لونه جامد
و هات ستاير كبس للزجاج و ديه عامله بالظبط زى الفاميه و مش مخالفه للمرور
و يا سلام بقى لو طقم صوت كده يبقى تمام اووى ده من جوه
من بره بقى ممكن تركب الحليه ديه شكلها جميل اووى هات من اى محل اكسسوارات و فى منه انواع فيه حاجه بيكون قيها من جوه حاجه عامله زى الفلتر ده لما بعد ال 4500 rpm بيعمل صوت زى ما تكون دوست نايتروس ده بجد و الله و فى منه العادى و الاسعار ما بين 25/ 30
و خلى الفوانيس رنجات تبقى مشكله
و فايم الفوانيس اللى ورا بس فاتح شويه
و شوف انت بقى
اسف طولت عليك

[inspiron]

يا باشا طولت إيه بس إنت منور والله متشكر لمشاركتك..طيب في حاجة كمان..أنا عندي العربية لما بمشي في شارع مكسر بسرعة بسمع أصوات زي ما يكون العربية مفككة شوية من جوة...في حد يربط المسائل دي

[modiabbas]

اه بس لو تعرف تروح التوكيل يكون احسن و ربنا يكفيك شرها و ابقى طمنى عملت ايه

[Fadi Ezzat]

أنا عاوز حد يقولي ممكن أجيب كماليات إيه للعربية عشان عاوز أظبطها شوية كده.وكمان عاوز أخد رأيكم في حاجة..في واحد عاوز يبيعلي فلتر رياضي شكله غريب أوي مش زي السيموتا والحاجات اللي إحنا عارفينها..لا ده فلتر كده لونه إسود وهو ستانلس كده و فيه 3 مراوح و شكله عجيب.الواد بيقولي ده يخلي العربية صوتها رعد و تطير.إيه رأيكم...هو عاوز يبيعهولي علي 400 جنيه.وشكله بصراحة تحفة..هل هيفرق في العربية فعلا..ولا زي ما سمعت إن الفلاتر دي مش بتعمل حاجة؟؟؟

بص يامعلم
1-هتفيم الفونيس الى ورا اسود غامق
2-هتيجى على الاشارات الى قدام وتفيهما بردة
3-تعالى على الشبكة هنجيب شريط نيكل من عند بتاع الكماليات
ويتقسم على الشبكة تعمل اتنين نيكل وواحدة سودة
4-تعالى بقى على ممتص الصدام الاسودا الى بيبقى فى الاكصدامات
والابواب وحط علية شريط من فوق نيكل نص سم
على ممتص الصدمات كلة
5-تعالى بقى على الحتة الى ورا فى الازاز
الى جمب الازاز الى ورانى
هيا ازاز بردة فيمها بقردة وملوجظة مش عليها اى مخالفات


بالنسبة للفلتر صورهولى اشوفة الاول

[inspiron]

إنت راجل برنس..حاضر هصورلك الفيلتر أو ممكن أجيبلك زيه من علي النت

[Fadi Ezzat]

إنت راجل برنس..حاضر هصورلك الفيلتر أو ممكن أجيبلك زيه من علي النت

ربنا يخليك ياباشا



ابقى هات الفلتر بسرعة علشان االايام دى ببقى فى الشغل وباجى متاخر بنام وبروح الصببح تانى


مستنى بس الاب توب اما يتظبط علشان اخش وانا فى الشغل

[spider6666]

عاوزين نشوف عربية متضبطة يا جدعان a4

[mga747]

أسكودا A4 موديل 1999

هل يوجد منها 1800cc ؟؟

[inspiron]

لا يوجد منها 1800 سي سي..وإن وجد و ده إحتمال ضعيييف تبقي أوروبي