لو هاتحجز عربيتك مع الوكيل...

[beihoo]

الوكيل بيشترط تسليم العربية بعد الحصول على المبلغ نقدا أو بشيك أو بتحويل على حسابه في البنك و لا يقبل التفويض أو التعهد الذي تتعامل به البنوك إطلاقا.

الوكيل بيتعامل مع 3 بنوك:
- العربي الإفريقي
- بنك أبو ظبي
- البنك الوطنى للتنمية (إسلامي)

و دول مفيش مشاكل معاهم خالص لأنهم بيدفعوا للتوكيل بمجرد تسليم العربية و قبل الترخيص و بالنسبة للأخير لو هاتدفع 25% بيبقى النسبة 9.5% و لو 40% أو 50% هاتبقى 9%

انا كنت رحت لبنك فيصل الإسلامي و عملت كل حاجة و خلصوا و كان ميعادي معاهم الثلاثاء قبل الماضي (7 يوليو) لكن لظروف سفري أجلت للأحد الماضي (19 يوليو) و رحت فعلا البنك و خلصت الورق و الشيكات و الجوابات كلها في ساعتين و رحنا الوكيل .. طبعا مندوب البنك كان معاه تفويض (تعهد) من البنك بسداد كامل القيمة بعد الترخيص لكن في سكودا رفضوا الموضوع تماما و أصروا على الاستلام بالشيك!! و اضطريت إني الغي التعاملات كلها مع فيصل و أعملها تبع البنك الوطني للتنمية و استنى كمان اسبوع أو اكتر (الله أعلم) عشان توكيل سكودا هو الوحيد في مصر اللي بيتعامل بالطريقة دي.

خلاصة الكلام:
لو هاتتعامل مع توكيل سكودا يبقى يا إما نقدا أو بالتقسيط تبع أحد البنوك الثلاثة السابق ذكرها توفيرا للوقت و المشقة.

ملحوظة: حاولت إلغاء حجز العربية عشان أقدر اشتريها من معرض تاني تبع بنك فيصل قالولي هانخصم 400 جنيه عشان ما كملتش إجراءات التعاقد !!! رغم إن المشكلة عندهم مش عند حد تاني! طبعا إخترت أخسر 100 جنيه مصاريف إستعلام مع فيصل و أنتظر كام يوم على ما البنك التاني يخلص إجراءاته خاصة إن اللون اللي كنت عاوزه مش موجود في المعارض بره.

[Migo123]

هو حضرتك حجزت الفابيا ولا رومستر ؟؟!!!

[beihoo]

هو حضرتك حجزت الفابيا ولا رومستر ؟؟!!!

لا حجزت فابيا.

[gbeshay]

انت عارف يا باشا عملوا معاك كده ليه؟
علشان كل التوكيلات و المعارض بتاخد نسبه كبيره او بيسموه كده عموله من البنوك الي بيكونو متعاقدين معاهم لاكن لو جبت انت بنك من بره مش بيخدوه العموله دي منوا ونفس الكلام بيحصل مع شركات التامين بيخدو منها عموله كبيره
حسب الله و نعم الوكيل فيهم بجد
يدبسوك في بنوك بنسبه عاليه في الفوائد و شركات تامين زي الزفت ده كله علشان عمولتهم يخدوها علي داير مليم

انتوا عارفين ان فيه معارض مش بترضا تبيع غير قسط يعني لو جبتلهم فلوس كاش يقولك لا معنديش العربيه ؟

مش هقدر اقولك غير ربنا يكون في عونك واستحملهم لحد متخلص ورقك وتستلم و يباركلك فيها يا رب و يكفيك شرها

[Migo123]

الف مليون مبروك ............ وتسلتمها على خير ان شاء الله
عربيه جميله ربنا يباركلك فيها واختيار موفق
اول ما تستلم بقه عايزين تقييم جامد ........... كعاده مواضيعك الجامده

[halloween]

لا حجزت فابيا.

مبروك مقدما
اى موديل فى الفابيا؟

[kareemhisham]

انا مش عارف ليه بتعذبوا نفسكم فى التقسيط مع توكيلات و بتاع ,,

حضرتك كان ممكن تروح البنك البتتعامل معاه و تاخد قرض شخصى و تقسط للبنك و بتبقى فايدة اقل كمان ,,

عامة الف مبروك على العربية و انشاء الله تستلم على خير

[beihoo]

انت عارف يا باشا عملوا معاك كده ليه؟
علشان كل التوكيلات و المعارض بتاخد نسبه كبيره او بيسموه كده عموله من البنوك الي بيكونو متعاقدين معاهم لاكن لو جبت انت بنك من بره مش بيخدوه العموله دي منوا ونفس الكلام بيحصل مع شركات التامين بيخدو منها عموله كبيره
حسب الله و نعم الوكيل فيهم بجد
يدبسوك في بنوك بنسبه عاليه في الفوائد و شركات تامين زي الزفت ده كله علشان عمولتهم يخدوها علي داير مليم

انتوا عارفين ان فيه معارض مش بترضا تبيع غير قسط يعني لو جبتلهم فلوس كاش يقولك لا معنديش العربيه ؟

مش هقدر اقولك غير ربنا يكون في عونك واستحملهم لحد متخلص ورقك وتستلم و يباركلك فيها يا رب و يكفيك شرها

الفارق في التقسيط كان نصف في المائة فقط و أعتقد إن عندك حق في إنهم بياخدوا عمولة من البنوك
لكن بالنسبة للتأمين هو معندهمش أي مشكلة إنك تأمن مع أي شركة أعتقد إن العائق ممكن يكون من البنك اللي هاتقسط معاه

أخر حاجة .. أعتقد إن توكيل سكودا الوحيد اللي مش بيقبل تفويض البنك (التعهد) لأني شفت ناس من توكيلات تانية جاية تستلم من بنك فيصل الشيك بعد ترخيص العربية. بتوع التوكيل نفسهم قالولي إنهم فعلا مختلفين لكن ده بتوجيه من الإدارة .. صاحب المال حسب تعبيرهم.

[beihoo]

الله يبارك في حضرتك ...

الف مليون مبروك ............ وتسلتمها على خير ان شاء الله
عربيه جميله ربنا يباركلك فيها واختيار موفق
اول ما تستلم بقه عايزين تقييم جامد ........... كعاده مواضيعك الجامده

إن شاء الله أول تقييم بعد 1000 كم ثم تاني تقييم بعد 10000 كم لإضافة أي مميزات أو عيوب

[beihoo]

حجزت ...

مبروك مقدما
اى موديل فى الفابيا؟

فابيا سبورت مانيوال.

[beihoo]

السبب بسيط...

انا مش عارف ليه بتعذبوا نفسكم فى التقسيط مع توكيلات و بتاع ,,

حضرتك كان ممكن تروح البنك البتتعامل معاه و تاخد قرض شخصى و تقسط للبنك و بتبقى فايدة اقل كمان ,,

عامة الف مبروك على العربية و انشاء الله تستلم على خير

إني بحاول أبعد عن الشبهات .. يعني كل الكلام ده عشان ألاقي تقسيط بصيغة إسلامية بحيث يكون البيع و الشراء و تفاصيل العقد مطابقة للشريعة الإسلامية و مفيش فيها شبهة ربا.

فعلا كان سهلا جدا أخد قرض من البنك بتاعي و أروح أجيب العربية بدون حظر بيع و لا تأمين و لا نص المعاملات دي و بفايدة أقل فعلا .. لكن الواحد بيعملها معذرة إلى ربنا.

[Migo123]

بحاول أبعد عن الشبهات .. يعني كل الكلام ده عشان ألاقي تقسيط بصيغة إسلامية بحيث يكون البيع و الشراء و تفاصيل العقد مطابقة للشريعة الإسلامية و مفيش فيها شبهة ربا.

فعلا كان سهلا جدا أخد قرض من البنك بتاعي و أروح أجيب العربية بدون حظر بيع و لا تأمين و لا نص المعاملات دي و بفايدة أقل فعلا .. لكن الواحد بيعملها معذرة إلى ربنا.

ربنا يباركلك ..... نفس الكلام اللي بفكر بيه .... ربنا يسترها معانا ويوفقنا لما فيه رضاه

انا بس عنمدي له سؤال طالما هتدفع 110 طب ما تدفع كمان 4 وتاخد الرومستر السبورت مانيوال فيها كل اللي موجود في الفابيا السبورت وتزيد الشنطه الكبيره والكراسي الخلفيه التحفه بتاعت الرومستر واعتقد انها عمليه على المدى الطويل اكتر من الفابيا

هي فيها اوبشن زياده اللي هو السقف البانوراما
وده انا بحسبه عيب في العربيه
لانه هيقلل اداء التكييف في مصر
وفي نفس الوقت الازاز بتاعه مابيتفتحش
بس ممكن يتعالج ب V.cool بتكلفه بسيط

[beihoo]

ربنا يباركلك ..... نفس الكلام اللي بفكر بيه .... ربنا يسترها معانا ويوفقنا لما فيه رضاه

انا بس عنمدي له سؤال طالما هتدفع 110 طب ما تدفع كمان 4 وتاخد الرومستر السبورت مانيوال فيها كل اللي موجود في الفابيا السبورت وتزيد الشنطه الكبيره والكراسي الخلفيه التحفه بتاعت الرومستر واعتقد انها عمليه على المدى الطويل اكتر من الفابيا

هي فيها اوبشن زياده اللي هو السقف البانوراما
وده انا بحسبه عيب في العربيه
لانه هيقلل اداء التكييف في مصر
وفي نفس الوقت الازاز بتاعه مابيتفتحش
بس ممكن يتعالج ب v.cool بتكلفه بسيط

أمين يا رب.

فعلا فكرت في اللي حضرتك بتقول عليه زيادة 4أو 5 ألاف جنيه و أجيب الرومستر و زيادة مساحة الشنطة و الكراسي الخلفية و السقف البانوراما الجميل و الزجاج الخلفي الفيميه .. بس بصراحة اللي كان واقف معايا حاجتين
1- سقف سعر العربية خاصة إني كنت بدأت أدور في عربيات في حدود 80-90 ألف لغاية ما وصلت 110 !!! طبعا كل زيادة كانت هاتفتح معايا إختيارات أخرى بمبلغ زائد تاني فعقدت العزم إني خلاص كده استقريت و الحمد لله.
2- شكل الفابيا عاجبني أكتر من شكل الرومستر رغم إن الرومستر عملية أكتر و شكلها في بعض الألوان زي الفيراني.

غير إني كنت خلاص زهقت من كتر التنقل بين الاختيارات و الألوان و كنت صليت إستخارة و الحمد لله و حسيت إني مستقر على الفابيا سبورت.

[beihoo]

هي فيها اوبشن زياده اللي هو السقف البانوراما
وده انا بحسبه عيب في العربيه
لانه هيقلل اداء التكييف في مصر
وفي نفس الوقت الازاز بتاعه مابيتفتحش
بس ممكن يتعالج ب v.cool بتكلفه بسيط

أعتقد التكييف مش هايتأثر لأن فيه حاجة زي ستارة جرارة كده بتغطي السقف البانوراما من جوه
كمان السقف نفسه متفييم

[Migo123]

ستارة جرارة كده بتغطي السقف البانوراما من جوه

الستاره شفافه وبتمنع الشمس بنسبة 80% مثلا
المشكله بقى لو واقف في اشاره في عز الحر ........ ال 20% الباقيه هتاكل دماغك وشويه الهواء الساقع اللي تكييف عملهم هيطيرو
انا حاولت مع التوكيل قبل كده انه يجبلي عربيه سبورت من غير البانوراما بس رفضوا