حد يساعدني يا رجالة سكودا....من فضلكم

[zico900]

المشاركه دي اول مشاركه ليه في قسم سكودا و عملت وحده شبها في سيات...

ناس ارايبنا عايزين عربيه تكون نسائي و وكلوني علشان اخترلهم حاجه.....المشكله انا بعد البحث على الكوري و الياباني(الياريس) و وجع الدماغ....حسرت الموضوع في عربيتين...سكودا فابيا و السيات ابيزا....فانا هسأل هنا عن الفابيا

1-هل الفئه السبورت (سواء مانيول او تبترونيك) فيها الحاجات دي:
قياس ضعط الاطارات
دركسيون بثلت دراعات ولا اربعه
تكيف اتومتيك (امو شاشه!)
ESP
انزار ضد السرقه بمفتاح اموبليسر
مثبت سرعه
الفوانيس البتلف دي!

2-هل قطع غيارها متوفره بره التوكيل ولا لأ؟

اخر حاجه اه نظام التوكيل؟؟ محترم و لا؟
بيسلم في مواعيد اد اه؟؟ (لان مثلا توكيل كيا بسلمك بعد 4 شهور يعني ثلت سنه!)

معلش يا جماعه دوشتكو بس لو حد يساعدني اكون شاكر لي

شكرا

[Fadi Ezzat]

اول سوال مش متاكد منة بس اعتقد الاجابة اة



الدركسيون باربع دراعات


التكييف بتاعها كليماتيك اوتو فى الفئة الاسبورت واسئل بردة للتاكد


اة فيها esp



فيها فعلا انذار ضد السرقة ومفتاح امبوليزر




فيها مثبت سرعة




اخر سوال مش متاكد منة اسئل بردة

[mido_919]

الفئة السبورت المانيوال مفهاش تكييف اوتوماتيك بس فيها حاجة مختلفة عن السبورت التيبترونك ان فيها جلد طبيعي
الفابيا السبورت المانوال الطارة بتاعتها جلد طبيعي ووهم
انما التيبترونك مفهاش كل الاجزاء من الجلد الطبيعي بس فيها اتكييف اوتوماتيك
والفئتين السبورت فيهم امبلويزر
الفئة المانوال السبورت فيها abs+msr
الفئة السبورت التيبترونك فيها abs+msr+asr+esp
الطارة الثلاثية موجودة في الاثنين
واي معلومات ثاني انا تحت امرك
وعلي الفكرة العربية دي انا معجب بيها جدا وناوي اشتيها بس مستني الاسعار تخف حبة

[zico900]

الفئة السبورت المانيوال مفهاش تكييف اوتوماتيك بس فيها حاجة مختلفة عن السبورت التيبترونك ان فيها جلد طبيعي
الفابيا السبورت المانوال الطارة بتاعتها جلد طبيعي ووهم
انما التيبترونك مفهاش كل الاجزاء من الجلد الطبيعي بس فيها اتكييف اوتوماتيك
والفئتين السبورت فيهم امبلويزر
الفئة المانوال السبورت فيها abs+msr
الفئة السبورت التيبترونك فيها abs+msr+asr+esp
الطارة الثلاثية موجودة في الاثنين
واي معلومات ثاني انا تحت امرك
وعلي الفكرة العربية دي انا معجب بيها جدا وناوي اشتيها بس مستني الاسعار تخف حبة

اشكر حضرتك و برده العضو فادي

يعني الاسعار احتمال تنزل....طب والله كويس

طب اخر حاجه معلش: سمعة التوكيل و قطع الغيار؟؟

[Fadi Ezzat]

سمعة التوكيل تحفة ماشاء اللة


كلة بيدعى علية ههههههه

[zico900]

بس اكيد برده مش وحش زي غبور او توكيل فولكس..!

يعني هوا احسن ولا بتاع سيات؟؟

[kareemhisham]

بس اكيد برده مش وحش زي غبور او توكيل فولكس..!

يعني هوا احسن ولا بتاع سيات؟؟

بص ,, بعد تجارب ناس قاريبى هوا دة الفرق ما بين غبور و ارتوك اوتو

غبور : بيستهبل و هما عارفين انهم بيستهبلوا و بيقولولك احنا بنستهبل

ارتوك اوتو : بيستهبل و هما عارفين انهم بيستهبلوا بس عاملين فيها ملايكة و فاكرينك مش فاهم حاجة

[beihoo]

المشاركه دي اول مشاركه ليه في قسم سكودا و عملت وحده شبها في سيات...

ناس ارايبنا عايزين عربيه تكون نسائي و وكلوني علشان اخترلهم حاجه.....المشكله انا بعد البحث على الكوري و الياباني(الياريس) و وجع الدماغ....حسرت الموضوع في عربيتين...سكودا فابيا و السيات ابيزا....فانا هسأل هنا عن الفابيا

1-هل الفئه السبورت (سواء مانيول او تبترونيك) فيها الحاجات دي:
قياس ضعط الاطارات
دركسيون بثلت دراعات ولا اربعه
تكيف اتومتيك (امو شاشه!)
ESP
انزار ضد السرقه بمفتاح اموبليسر
مثبت سرعه
الفوانيس البتلف دي!

2-هل قطع غيارها متوفره بره التوكيل ولا لأ؟

اخر حاجه اه نظام التوكيل؟؟ محترم و لا؟
بيسلم في مواعيد اد اه؟؟ (لان مثلا توكيل كيا بسلمك بعد 4 شهور يعني ثلت سنه!)

معلش يا جماعه دوشتكو بس لو حد يساعدني اكون شاكر لي

شكرا

- قياس ضغط الإطارات المفروض يكون في العربية الاسبورت حسب owner manual بس لازم تتأكد من التوكيل
- الدركسيون بثلاثة أذرع في الاسبورت بس (جلد طبيعي)
- الاسبورت المانيوال تكييف مانيوال و التيبترونك التكييف أوتو
- حسب تلبروشور بتاع العربية ال ESP الكامل في الفئات التيبترونك و ده بيبقى زايد عن العربيات التانية إن فيها نظام ASR و ده النظام اللي بيوزع القوة على العجل عشان ما يتزحلقش لو فيه تلج على الأرض (أو أي حاجة تانية تزحلق) لكن بقية الأنظمة متواجدة في كل الفئات.
- الانذار و الايموبلايزر موجودين في الاسبورت
- مثبت السرعة و الفوانيس الأمامية بخاصية الحركة الجانبية موجودين في الاسبورت بس
- قطع الغيار هتلاقيها عن بتوع الاسكودا بس مش كتير
- التوكيل مش غبور و مش رينو حاجة كده في النص (و العهدة على استفتاء نايل موتورز).
- بالنسبة لتسليم العربية فبيسلمها لو خلصت إجراءاتك فورا أو بعدها بيوم على الأكثر (الكلام ده حاليا و قبل نفاذ الدفعة).

كنت عامل زيك و بصيت على فابيا و إبيزا لكن لقيت الفابيا كماليات أعلى لكن الاتنين نفس الموتور و الفتيس بتوع فولكس.

[zico900]

اشكركم يا جماعه على ردودكم ولو ان شاء الله قريبي لو اشتروا فابيا...هحاول استلفها ساعه و اعمل ليها تقرير علشان اي حد بعد كده...اشكركم