سكودا أوكتافيا a5...سيارة تستحق الاحترام!

[NaderNabil]

أولا ألف مبروك...اختيار موفق جدا :)

بالنسبة للمثبت.....عندك في الدراع الشمال بتاع الاشارات هتلاقيه من فوق فيه زرار On\off هاته علي الon و فيه في الجنب بتاع الدراع زرار + و -.....اطلع علي الطريق و عند سرعة 100 مثلا دوس علي - هتلاقي في علامة عداد في التابلوه لونها اصفر ظهرت ...كده يبقي السرعة اتثبتت...و ممكن تستخدم ال + و - في زيادة او نقصان السرعة من غير الدواسة...

و في حاله انك فرملت و عايز تطلع تاني للسرعة اللي كنت عليها ممكن تدوس + و هيه هترجع لوحدها بدون تدخل منك...
علي فكرة لا أنصح باستخدامه علي الدائري او الأوتوستراد...عشان بيشتت الواحد و مبتعرفش تركز...لازم طريق سفر.

بالنسبة للفوج متجبش غير اللي في التوكيل...العربية مش رخيصة و متستخصرش حاجة زي دي فيها

ربنا يحافظلك عليها:)

[crazylambada]

طب بالمرة كمان
ذراع المساحات من فوقيه فيه زي مؤشر باربع حركات ده ايه بالظبط

[mostafast]

الف شكر يا باشا وهجربه ان شاء الله
صحيح هى الدوسه على - اللى فى الاول دوسه خفيفه ولا دوسه طويله

والفوجات ان شاء الله خلاص هجيبها م التوكيل وامرى لله

[mostafast]

يا جماعه انا جربت المثبت مشتغللللللللللللللللللللللللللللللللش
مش عارف ده يعنى هو مفيش اصلا
ولا المثبت بايظ
وللا ايه
يا ريت اللى عنده فكره يقولللى
يعنى العربيه اللى من غير مثبت بتنزل بالدراع بتاع المثبت وللا الدراع بيبقى متغير
معلش افيدونى افادكم الله

[Goodle]

يا جماعه انا جربت المثبت مشتغللللللللللللللللللللللللللللللللش
مش عارف ده يعنى هو مفيش اصلا
ولا المثبت بايظ
وللا ايه
يا ريت اللى عنده فكره يقولللى
يعنى العربيه اللى من غير مثبت بتنزل بالدراع بتاع المثبت وللا الدراع بيبقى متغير
معلش افيدونى افادكم الله

انت كده خليتني أقلق يا مصطفي (أتمنى إني أكون بقول اسمك صح)

أنا كنت ناوي أجيب الأوكتافيا الجديدة (بمثبت السرعة).. هل فكرت تروح بيها التوكيل وتشوف إيه النظام ؟؟

أرجو الرد..

وأرجو من أستاذ نادر نبيل يشرح موضوع الدراع التاني اللي أستاذ (crazylambada) عليه

ممكن ؟؟؟

[crazylambada]

هو حضرتك جايب عربية مستعملة و متخفش ممكن حضرتك معرفتش تشغله
انا النهاردة بليل اول ما اخلص اللي ورايا حفتح الكاتالوج بتاعها متخفش
و بالنسبة للاستاذ جودل
متخفش العربية تمام اوي و حلوة
بس هو فيه حاجة انا سمعت ان شكلها حيتغير السنة اللي جاية
فحرام تشتريها دلوقتي لانك كده حتخسر على الفاضي
لو عاوز تشتري دلوقتي اشتري الجيتا ما بينهم عشرين الف جنيه بس

[Goodle]

هو حضرتك جايب عربية مستعملة و متخفش ممكن حضرتك معرفتش تشغله
انا النهاردة بليل اول ما اخلص اللي ورايا حفتح الكاتالوج بتاعها متخفش
و بالنسبة للاستاذ جودل
متخفش العربية تمام اوي و حلوة
بس هو فيه حاجة انا سمعت ان شكلها حيتغير السنة اللي جاية
فحرام تشتريها دلوقتي لانك كده حتخسر على الفاضي
لو عاوز تشتري دلوقتي اشتري الجيتا ما بينهم عشرين الف جنيه بس

يا تري تعرف إيه اللي هايتغير في موديل السنة الجاية يا باشا ؟؟

[mostafast]

على فكره عربيه جامده جدا جدا جدا فوق ما تتخيل ماشاء الله
بس انا مخنوق عشان انا شاريها مستعمله والراجل قاللى ان فيها مثبت وروحنا التوكيل وقالو كله تمام
يمكن انا مسالتش على المثبت على اعتبار انه شغال بس
انا بس كنت بسال العربيات اللى من غير مثبت بتنزل بالدراع اللى فيه الزراير دى كلها ولا ايه ؟

[NaderNabil]

بالنسبة لموضوع المثبت:

هل أصلا العربية فيها طارة مالتي فانكشن؟

عشان لو فيها يبقي اللي انا قولته ده كله هيبقي من الدركسيون مش من الدراع.

تاني حاجة لو العربية مافيهاش مثبت مش هيبقي فيه ولا زرار في الدراع الشمال...فقط استخدامه هيكون للاشارات و تقليب النور.

في حالة وجود الازرار...القي نظرة سريعة علي الكتالوج...أكيد انت مفهمتش من كلامي أو انا مشرحتش كويس:)

بالنسبة للزرار اللي في الدراع التاني ده خاص بالوقت اللي بين كل مسحة و مسحة في حالة المسح المتقطع...(تقريبا مش فاكر قوي)

[mostafast]

ألف ألف شكر يا نادر انت طمنتنى
انا هروح التوكيل وانا بركب الفوج اسالهم ع الحوار دا ربنا يسهل
باكرر شكرى وتقديرى ليك
وعلى فكره هى فيها طره ملتى بس تقريبا من الدراع عشان الدراع فيه كل الزراير بتعت التثببيت

[mohameduoser]

هو حضرتك جايب عربية مستعملة و متخفش ممكن حضرتك معرفتش تشغله
انا النهاردة بليل اول ما اخلص اللي ورايا حفتح الكاتالوج بتاعها متخفش
و بالنسبة للاستاذ جودل
متخفش العربية تمام اوي و حلوة
بس هو فيه حاجة انا سمعت ان شكلها حيتغير السنة اللي جاية
فحرام تشتريها دلوقتي لانك كده حتخسر على الفاضي
لو عاوز تشتري دلوقتي اشتري الجيتا ما بينهم عشرين الف جنيه بس

اذا كلن ال A4 لسة موجودة 2008 يبقى A5 شكلها حيتغير السنة الجاية ازى

[mohamed1992]

نادر باشا انت ماشاء الله في كل الاقسام

[labibmh]

meya meya ya Nader...... Allah Yenwar...

Dr. Nader, momken tesa3edni? 3aez 2shteri Ostcavia A5 bas mehtar mabenha we been VW Jetta.

we Eltawkeeel 27'baroh eih ya ma3lem...

[NaderNabil]

meya meya ya Nader...... Allah Yenwar...

Dr. Nader, momken tesa3edni? 3aez 2shteri Ostcavia A5 bas mehtar mabenha we been VW Jetta.

we Eltawkeeel 27'baroh eih ya ma3lem...

السيارتين متقاربين جدا في كل حاجة...حتي شكل التابلوه و الكراسي و الكماليات....اختيار السيارة يعتمد علي ارتياحك الشخصي...و انصحك تركب الاتنين و تسوقهم...لأن فيه ناس بيعجبها دي و ميعجبهاش دي و العكس...

التوكيل بالنسبة لي ممتاز و طول فترة المعاملة معاهم ماقبلناش مشكلة واحدة...و قطع الغيار أسعرها معقولة

[crazylambada]

بس اعتقد ان توكيل سكودا احسن