تكييف علي موتوري ولا موتور 1.6 بتكيفه

[askar]

السلام عليكم
معايا سكودا فليشيا 97 1300 وطالع عيني في الحر اخيرا قررت اركب تكييف و ادامي اختيرات:
1-تكييف استيراد و يعمل بتركيبه 2500
2-تكييف ساندن جديد و يعمل 3000
و بصراحه مقلق من اداء الموتور بعدها
3-الحلم اللي نفسي فيه من زمان
موتور 1600 انجيكشن بتكيفه و هاركب باور كمان (عايز ايه اكتر من كده) حوالي 6500-7000
ايه رأيكم و لا الموضوع ما يستحقش اساسا بس انا بحب العربيه بجد و لو بعتها مش هاجيب حاجه في نفس المزايا(نضافة التقفيل و سعر قطع الغيار و كتييييير) و اصلا خيار اني اغير مش مفضل
شكرا مقدما علي مشاركتكم

[ahmed1981]

مش عارف أفيدك

لكن لو أنا مكانك ممكن هفكر في تكييف إستيراد بتاعها ويركب على حالته بدون فبركه
وأستلمه من اللي هيركبه شخال صح وخلاص

لكن 7000 جنيه على عربية مستعملة كثير
ممكن نبيعها ونحطهما على سعرها ونجيب حاجة أعلى أحسن

والله أعلم

[faragalla]

انا جربت الموضوع ده بس منصحكش بيه لان اداء العربيه هيقل و السحب هيضعف جدا و تحس انك راكب سيات 133 و كمان اداء التكييف مش حيبقا مرضى ليك
الاحسن انك تسقط موتور بالتكييف بتاعه و ياريت انه يكون 1600 هتحس انك راكب عربيه جامده جدا و اداء التكييف هيبقا جميل جدا

[askar]

شكرا يا استاذ احمد بس التكييف اصلا الناس مش مشكره فيه و التركيب معظمهم بيقول زي الاستاذ فرج الله ف انا مش عايز اتكلف علي الفاضي فقررت يا اما اخد عربيه بجد يا اما هلغي الموضوع اصلا
faragalla شكرا انا ان شاء الله ربنا يقدرني و اعمل كده فعلا و هاقلكوا ايه النتيجة

[crazylambada]

حضرتك انا باذن الله حسقط موتور 1600 انجشكشن بالتكييف بتاعه بتاع فيليشيا في عربيتي
انا خلاص باذن الله الموضوع حيتكلف 7.25 ده شامل الموتور بدوره التكييف كامله بدوره التبريد كامله ب البارو بالخراطيم بتاتعته بالاسكترا الباور بالتابلهو و الكونسوله بالالتنك بالطلمبه
بالنسبه ليك الموضوع حيبقى اوفر شويا
النتيجه باذن الله الجمعه الاسبوع اللي جاي حقول لحضرتك على النتيجه

[Meshfaker]

مستنين النتيجة يا باشا وربنا معااااااااااك

هو انا برضه زيك كده معايا فيليشيا 97 بس فيها تكييف اصلى بتاعها بس مش عايز اقولك اعتبره مش موجود يعنى ولا بيعمل اى حاجه وعشان كده فكرت انى بدل ما اشيل واحط موتور واعمل الكلام ده كله بالفلوس دى احط عليهم شويه كمان صغيرين كده واجيب فابيا 2001 او على حسب السعر بقى وبالمره تبقى اوتوماتيك اهو ترحم الواحد من ذل المنيوال اللى بنشوفه فى الزحمة وربنا يسهل

[ahmed1981]

مستنين النتيجة يا باشا وربنا معااااااااااك

هو انا برضه زيك كده معايا فيليشيا 97 بس فيها تكييف اصلى بتاعها بس مش عايز اقولك اعتبره مش موجود يعنى ولا بيعمل اى حاجه وعشان كده فكرت انى بدل ما اشيل واحط موتور واعمل الكلام ده كله بالفلوس دى احط عليهم شويه كمان صغيرين كده واجيب فابيا 2001 او على حسب السعر بقى وبالمره تبقى اوتوماتيك اهو ترحم الواحد من ذل المنيوال اللى بنشوفه فى الزحمة وربنا يسهل

تفكير منطقي جداً
المهم الجديدة تكشف عليها كويس عشان متطلعش مقلب بعد الشر

[askar]

carzy lambada
ممتاز والله بس هايكون اوفر ليه أنا تقريبا هاخد نفس الحاجات ولا انت قصدك ب التابلوه تابلوه كامل
سؤال انت هانركب فين انا متشجع بص بصراحه عايز اطمن اكتر للتركيب
و هتاخد ضفيرة طبعا صح؟
mesh faker -nice nickname-
اعترف ان الفابيا احلي من الفلشيا وفكرت في كده بس كده الموتور هايكون 1000 او 1200 سي سي و مش هاتلاقي فابيا اتوماتيك بزيادة بسيطه عن الفليشيا يعني الفليشيا هاتجيبلك كام 26-28 و هاتزود 10 يبقي 38 ممكن تجيب فابيا بس مانيول متهيئالي
عموما اقتنعت بحاجه اللي يدور هيلاقي و شوف اللي يناسب ظروفك يعني لو بتحمل كتير في العربيه الموتور ال1000 صغير شويه و 3 سلندر فموفر في البنزين ربنا يكرمك ان شاء الله بعربية حلوة

[mazenossama]

طب سؤال عشان بفكر في الموضوع بتاع تسقيط متور 1600
هل فطع غيار 1600 متوفرة زي الجونات والسيور وخلافة عند بتوع قطع الغيار جديدة ولا هنعيش عند الحرفيين عشان الاستيراد

[crazylambada]

بص اولا الموضوع بالنسبه ليا بعتبره موفر
ال8 الاف دول ممكن احطهم في عربيه تانيه
بس هل حتبقى عربيه حديثه موتور 1600 تكييف جبار على ما سمعت من استطلاعات الراي
الموتور ال1600 هو هو الموتور بتاع البولو 1600
و بتاع سيات ابيزا موديل 94
فالموتور الماني تبع شركه جولف و ليس تشيكي دي اول حاجه
تاني حاجه بالنسبه لقطع الغيار فهي متوفره للاسباب اللي انا ذكرتها قبل كده لانه مشترك في عربيات كتير
انا مشرف على عمليه الحل و التركيب لاني في الاساس طالب في كليه الهندسه قسم ميكانيكا واتدربت في مراكز خدمه في الصيف
الموضوع باذن الله لو نجح
حيبقى انشالله عندي احسن سكودا فيفوريت فيالعالم كله مفيش غير كام واحد بس اللي عملوا اللي انا عملته
سكودا فيفوريت 1600موتور حلو جدا على العربيه و تكييف جامد
و باور
إن شاء الله التجربه لما تنجح حنزلها على المنتدى بالتفاصيل
لكن زي ماقولت الموضوع بعتبره اوفر من انك تبيع العربيه و تزود على تمنها

[askar]

الف مبروك يا ياشا و طمنا عملت ايه و ايه الحاجات اللى واجهتها و انت بتركب و ركبت فين و جبته منين انا سألت في الوكالة و عزبة شلبي و الحرفيين برغم ان في الوكاله اغلي لكن حسيته انضف موتور و التركيب من طرفه انت جبته منين و ركبته فين؟
خلاص محتاج كلمة تشجيع منك تطمني و ابدأ ان شاء الله
انا كمان طالب في هندسة و قسم ميكانيكا كمان يا سيدى بس اعترف انى ممكن اقيم الشغل لكن اني اوجهه صح لو غلط مش متأكد منها!! انت في سنه كام؟
شكرا و احييك علي جراتك في القرار ده

[a_hejazy]

السلام عليكم
معايا سكودا فليشيا 97 1300 وطالع عيني في الحر اخيرا قررت اركب تكييف و ادامي اختيرات:
1-تكييف استيراد و يعمل بتركيبه 2500
2-تكييف ساندن جديد و يعمل 3000
و بصراحه مقلق من اداء الموتور بعدها
3-الحلم اللي نفسي فيه من زمان
موتور 1600 انجيكشن بتكيفه و هاركب باور كمان (عايز ايه اكتر من كده) حوالي 6500-7000
ايه رأيكم و لا الموضوع ما يستحقش اساسا بس انا بحب العربيه بجد و لو بعتها مش هاجيب حاجه في نفس المزايا(نضافة التقفيل و سعر قطع الغيار و كتييييير) و اصلا خيار اني اغير مش مفضل
شكرا مقدما علي مشاركتكم

أنا معايا سكودا فليشيا 97 1300 ومركب عندى تكيف ساندن وبصراحه فوق الممتاز تبريده كويس قوى وبالنسبه للسحب تأثيره مش للدرجه الى يخليك تغير موتور عادى زىه زى أى عربيه بتشغل التكيف ولو حابب تشوف التكيف عندى انا معنديش مشكله قبل متتخذ أى قرار

[crazylambada]

اولا متشكر جدا لحضرتك يا استاذ اسكار
الحمد لله التجربه نجحت الحمد لله
تم تسقيط الموتور و تركيب الباور و التكيف
لم يتم شحن التكييف بعد
إن شاء الله انا نازل بكره القاهره اروح بيها التوكيل يشيكوا على الشغل اللي اتعمل علشان ابقى في الامان
العربيه الحمد لله سحبها فرق تماما لدرجه تقلق
لان العربيه بقت بتفرق بسم الله ما شاء الله و هي ماشيه
الموتور طلع فيه تشارجر نازل مع الموتور زي التربو تشارجر كده بس على احسن في رايي
لان بدل ما شكمان يحرك المروحه لا موتور كهربا
الباور شغال ساعات بيعلق شويا بس العربيه انا بعتبرها بتلين
الموتور بسم الله ما شاء الله بيعرق و دي حاجه كويسه
انا جبت نص امامي كامل من واحد في الزقازيق لان انا نزلت الحرفيين كله كان ناقص
و عملته في ميكانيكي شاطر اوي هنا و الموضوع نجح فعلا
الكهربائي جازفت بواحد مجهول اعرفه لان كان عنده ميزه حلوه اوي
انه بيحفظ كويس و ده مهم في فك الضفاير و تركيبها
بالنسبه ليك الموضوع موفر اكتر مني
زي ما قولت قبل كده
نزلت اشوف قطع غيار المكنه ملقتلهاش حاجه عند بتوع السكودا بس ليها قطع غيار عند بتوع الجولف
العربيه بقت انعم بكتيييييييييييييييييييير جدا الحمد لله
اللي عملته ده حسيت اني نقلت عربيتي لعشر سنين قدام و انها موديل 2004 مش 94
انا طالب في الفرقه التالته ميكانيكا باور
و اي استفسار انا تحت امرك

[askar]

أولا 1000 مبروك علي العربية و ربنا يديك خيرها و يكفيك شرها
جاي بكرة القاهرة! ممتاز علي كدة ممكن افابلك :) لو وقتك يسمح طبعا لو ممكن قولي
و حلو اوي موضوع التشارجر الكهربا دة بسمع عنه كتعديل لكن اول مره اسمع عنو في موتور ستوك ويا تري هو موجود في كل المواتير؟
بس صعب اوي اني اركب في الزفازيق لأن الموضوع مش يوم و خلاص اكيد شغل اكتر من يوم و انا معنيش اقامه -برغم اني واثق في كرمك d:
ليه كويس ان الموتور يعرق
و قطع الغيار ايه نظام اسعارها
سؤال برضه الكوبلن ايه نظامه هو هو بتاع ال 1300؟
تمام كده دفعه واحده و لا انت لسه داخل 3؟ انا ان شاء الله رايح 4 ميكاترونكس

[crazylambada]

الله يبارك في حضرتك
إن شاء الله نازل القاهره بكره و بعده
و ممكن نتقابل يحصلي الشرف
هو نازل فيها ستوك و هو في الموتور ال1600 بس
حضرتك تشرفنا في الزقازيق
انا ركبته في الزقازيق لان انا من الزقازيق
غير كده الميكانيكي عملي خصم علشان يعمل لنفسه سمعه في عالم التعديل سقطلي المكنه بالعفشه بالباور بالتكييف بالتنك و تغيير خراطيم البنزين و تعديلها ب500 جنيه بس
على فكره بين الزقازيق والقاهره ساعه ان مكنش اقل
حضرتك لو ناوي تسقط انا بفضل لحضرتك تعمله عند الميكانيكي بتاعي لسببين
اولا انه حيبقى ارخص من القاهره حيقولولك الف و انتا طالع
السبب التاني انه اشتغل في تسقيط المكنه و مش حيبقى واحد بيجرب لاول مره
الموتور لما يعرق يعني يطلع ميه من الشكمان معناه ان كبس الموتور حلو جدا
الفتيس هو هو ال1300 و بالتالي فالكبالن هي هي لانها مرتبطه بصفه اساسيه بالفتيس و الكرونه
لا انا لسه داخل تالته
بالنسبه لحضرتك كل اللي حتشتريه
موتور بس بالضفيره بدوره التكيف بدوره التبريد بالاسكاترا الباور علشان عربيتك تبقى باور لان المكنه فيها طلمبه باور
و الكنترول بتاع المكنه و طلمبه البنزين في التنك بس
انا زودت على ده علشان عربيتي فيفوريت
تابلوه فيليشيا و الكونسوله بتاعتها و تنك و طلمبه بنزين و قنطره الاماميه اللي بتمسك الشاسيه من تحت
يعني الموضوع حيبقى اوفرلك مني بحوالي 1500 جنيه تقريبا