خلاص زهقت و محتار

[beihoo]

بعد طول إنتظار مع البنك الوطنى للتنمية للحصول على الفابيا سبورت المانيوال و بعد ما رجعت من السفر لقيتهم بيقولولي إننا مش هانقدر ننفذ مع التوكيل عشان الشيك و هاننفذ مع معرض بره و طبعا الكلام ده هاياخذ حوالي اسبوع كمان .. طبعا إتنرفزت عليهم و قلتلهم مش عاوز العربية و انا كرهت سكودا بسببكم و قفلت معاهم

المهم رحت شفت الابيزا كوردوبا لقيتها زي ما توقعت نفس الشاسيه و الموتور و الجير اللي بينزل في الفابيا و لقيت الفروق كالتالي (موجود في الكوردوبا و مش موجود في الفابيا):
- الفتيس تيبترونك مش مانيوال
- فتحة سقف
- شنطة كبيرة 480 لتر (أكبر بحوالي 180 لتر).
- مرايات كهرباء
- العربية طبعا سيدان مش هاتش باك
- زيادة في السعر 5000 جنيه.
- الشكل الخارجي أفضل من الفابيا.

و الكماليات التالية موجودة في الفابيا سبورت و مش موجود في الكوردوبا:
- نظام الفرامل يزيد MSR+DUAL Rate + ASR
- الفوانيس الامامية مقاومة للكسر (هالوجين) و بخاصة ال CORNERING
- رشاشات لغسيل المصابيح الامامية
- جنوط 16 ألومنيوم و ليس 15 عادية
- مثبت سرعة
- شاشة إلكترونية لعرض البيانات
- مسند ذراع أمامي يمكن التحكم في إرتفاعه.
- حساس ركن Parking Sensor
- فتحة تبريد في درج التابلوه
- الشكل الداخلي أفضل و بجودة أفضل من الكوردوبا.


بصراحة محتار جدا .. أجيب الفابيا مع معرض بره و لا أروح أجيب الكودوبا من التوكيل بتاعهم؟

يا ريت تساعدوني في الموضوع ده.

[zyadahmed]

من خلال كلامك الفابيا افضل بمراحل .... لو انت اصلا من هواة الهاتشباك زى حالاتى
وكمان كماليات الفابيا ممتازة + انها أأقل فى السعر 5000 جنيه

[beihoo]

معاك ...

من خلال كلامك الفابيا افضل بمراحل .... لو انت اصلا من هواة الهاتشباك زى حالاتى
وكمان كماليات الفابيا ممتازة + انها أأقل فى السعر 5000 جنيه

لكن طريق الفابيا مش سالك و الله أعلم.

نسيت أضيف إن الكوردوبا فيها طارة ملتي فانكشن (أوديو & سي دي فقط)

ما تنساش إن فيه فرق في الجير (تيبترونك) و فتحة سقف و شنطة أكبر .. صحيح مش مستفيد بيها طول السنة إلا في حالات السفر لكن بتبقى في الأوقات اللي محتاجها مهمة. لكن كل الحاجات دي من الصعب جدا إضافتها على العربية لأنها هاتكلف كتير و مش هاتبقى زي ما تكون نازلة مع العربية.

على فكرة من خلال مراجعتي لموقع الكوردوبا (بره إسمها Exeo) لقيت إن كل الكماليات الزيادة اللي بتتفوق بيهم الفابيا نازلة دا غير إن الفوانيس ورا و قدام متغييرين و العربية أعرض من الموجودة و ده بيقول إن التوكيل بتاع سيات منزل العربية بتاعة السنة اللي فاتت مش السنة دي.

انا فعلا نفسي في الفابيا بس بصراحة زهقت جدا و توكيلها زبالة في حكاية البيع و الشرا لدرجة إني خليت معرض بره يحاول يجيبهالي .. الراجل رجعلي و قالي يا عم فكك من الناس دول دول مش عاوزين يبيعوا .. بيردوا عليا بقرف و بيلطعوني على التليفون كأني بستعطى منهم !!

و من حبي للفابيا و إقتناعي بيها دورت على أقرب حاجة ليها و كانت الكودروبا .. انا حتى لاغي الابيزا من إختياراتي لأنها أقل من الفابيا و مفيهاش حاجة تزيد -أو تقنعي بأني أفكر فيها- غير الجيربوكس التيبترونك عكس الكوردوبا اللي فيها المميزات اللي ذكرتها.

[Fadi Ezzat]

انا من راى بصراحة فبيا بردة
وهفضل اقولك فابيا بردة

[osamaz]

أنا شايف برد إن الفابيا أحسن بكتير من الكوردبا عشان الكوردوبا 7álas أحر شكل ليها السنة ده..و بعد كدا شكل جديد هينزل..واللي موجودة فالتوكيل دلوقتي ده بيأل انها موديل السنة إلي فاتت عشان أصلاً الشكل الجديد نزل و ممكن تجيب الفابيا التيبترونيك هي ب حوالي 120,000...و أنا ناوي برد على الفابيا انشالله بس مستني فلوسي تكمل.
يا رجل الفابيا ده بجد ملهاش حل..و ربنا يصبرك على التوكيل ولاد ال تيييييت!

[beihoo]

انا من راى بصراحة فبيا بردة
وهفضل اقولك فابيا بردة

يا فادي إنت عارف القصة من أولها و إنت عارف إني سكوداوي جدا و حتى لو قدر الله و اشتريت الكوردوبا برضه هافضل بحب سكودا و يوم ما أغير هاجيب ال a5 إن شاء الله.

لكن هاعمل إيه مع العالم ال ......... دول .. زهقوني في العربية منهم لله .. و الله كأنهم مش عاوزين يبيعوا العربية .. الراجل بتاع سيات مستعد يعمل أي حاجة عشان أخد العربية و بيتصل دايما و يتابع.

[beihoo]

أنا شايف برد إن الفابيا أحسن بكتير من الكوردبا عشان الكوردوبا 7álas أحر شكل ليها السنة ده..و بعد كدا شكل جديد هينزل..واللي موجودة فالتوكيل دلوقتي ده بيأل انها موديل السنة إلي فاتت عشان أصلاً الشكل الجديد نزل و ممكن تجيب الفابيا التيبترونيك هي ب حوالي 120,000...و أنا ناوي برد على الفابيا انشالله بس مستني فلوسي تكمل.
يا رجل الفابيا ده بجد ملهاش حل..و ربنا يصبرك على التوكيل ولاد ال تيييييت!

شكرا يا أسامة على ردك .. النقطة دي فعلا كانت قالقاني و في توكيل سييات قالولي الشكل ده هاينزل في 2011 .. التغيير هايبقى في شكل الفوانيس الخلفية و الأمامية هي نفس الشكل تقريبا لكن فيها عدسات و بخاصية ال cornering و أعرض بحوالي بضعة سنتيمترات.

اما بقى إني أجيب الفابيا التيبترونيك اللي ب 120 ألف فالموضوع مش إني عاوز أجيب الكوردوبا عشان هي تيبترونك لكن لأني حاولت أجيب الفابيا و مش عارف بسبب سخافة التوكيل .. و الله حسيت إن عندهم حد عاوزين يدوه العربية اللي أنا حاجزها عشان لونها و لأنها أخر واحدة باللون ده! لدرجة إني لما كلمت الراجل بتاع المبيعات و قولت له ممكن أخدها عن طريق معرض بره قالي بس هايبقى نفس اللون !!!!!! رغم إنها واقفة عندهم في الجراج!!

عموما يفعل الله ما يريد و يقدم الخير إن شاء.

[Fadi Ezzat]

يا فادي إنت عارف القصة من أولها و إنت عارف إني سكوداوي جدا و حتى لو قدر الله و اشتريت الكوردوبا برضه هافضل بحب سكودا و يوم ما أغير هاجيب ال a5 إن شاء الله.

لكن هاعمل إيه مع العالم ال ......... دول .. زهقوني في العربية منهم لله .. و الله كأنهم مش عاوزين يبيعوا العربية .. الراجل بتاع سيات مستعد يعمل أي حاجة عشان أخد العربية و بيتصل دايما و يتابع.

طيب انت ينفع تتعامل مع بنك تانى غيرة

[beihoo]

طيب انت ينفع تتعامل مع بنك تانى غيرة

لازم أتعامل مع بنك إسلامي .. مش أي بنك هاتعامل معاه و أدخل في ربا و فوائد .. انا بحاول قدر الإمكان إني أبعد عن الموضوع ده .. و لو مكنش فيه غير الطريق ده مش هاجيب عربية من أصله.

بعدين أنا إتعاملت مع بنك فيصل و لما رفضوا بنك فيصل رحت لبنك التنمية الوطني اللي قالوا إنهم بيتعاملوا معاه و إن الإجراءات معاه سهلة و سريعة لكت إيه النتيجة 3 أسابيع و النتيجة صفر و في الاسبوع الرابع قالولي هانجيب العربية عن طريق معرض بره .. حسيت كده إنها حاجة مش مضبوطة عشان أدفع فلوس زيادة رغم إنهم زعموا إن مفيش أي تكاليف زيادة عليا ناهيك عن التأخير اللي معدتش مستحمله منهم.

صحيح إني كده كده إتأخرت بس بصراحة أنا كنت كرهت التعامل معاهم و كلامهم المايع و اللي بخمسين ميعاد.

أنا في البيع و الشراء بالذات أحب الالتزام و الوضوح في كل شيء حتى لو هادفع فلوس زيادة أو هاتنازل عن فلوس بحب أبقى عارف من الأول و ما بحبش شغل التلت ورقات بتاع السوق المصري ده.

[kareemhisham]

طبعا الفابيا

[beihoo]

يا ريت ...

يا جماعة شكرا لكل اللي رد عليا و جزاه الله خيرا

لكن يا ريت لما تقولولي ليه رجحتوا دي عن دي بغض النظر عن الميول الشخصية.

الفابيا إختياري الأول منذ البداية لكن العقبات المتتالية هي اللي خلتني أفكر في غيرها و عاوز أعرف هل فعلا لو جبت الكوردوبا فهل هي إختيار موفق و لا فعلا الفابيا ما تتعوضش و لا حتى بالكوردوبا.

[kareemhisham]

انا من رأى ان الفابيا متتعوضش بأى حاجة ,,

موتور قوى ,,

اوبشنز كتير ,,

شكل تحفة و جدييييد

و بسعر زاى دة ,,

انا شايف انها تكسب الكوردوبا

[Migo123]

مش عارف اقولك ايه ؟؟
ربنا يكون في عونك

بس لو العمليه ممكن تخلص في شويه وقت زياده .... وانت في الاصل العربيه عجباك ... مش مشكلع شويه الوقت دوول .... أول ما تستلم العربيه هتنسى كل امشاكل اللي قابلتك وانت بتشتريها

بصراحه انا عاينت الاتنين كويس
بغض النظر عن اي فنيات في الموضوع خصوصا انك مغطيها تقريبا في مقارناتك السابقه

صالون الفابيا سبورت احساس تاني خالص غير الابيزا و القرطبه حسيت انها كئيبه قوي من جوه.

ربنا يكتبلك الخير باذن الله

[beihoo]

مش عارف اقولك ايه ؟؟
ربنا يكون في عونك

بس لو العمليه ممكن تخلص في شويه وقت زياده .... وانت في الاصل العربيه عجباك ... مش مشكلع شويه الوقت دوول .... أول ما تستلم العربيه هتنسى كل امشاكل اللي قابلتك وانت بتشتريها

بصراحه انا عاينت الاتنين كويس
بغض النظر عن اي فنيات في الموضوع خصوصا انك مغطيها تقريبا في مقارناتك السابقه

صالون الفابيا سبورت احساس تاني خالص غير الابيزا و القرطبه حسيت انها كئيبه قوي من جوه.

ربنا يكتبلك الخير باذن الله

و الله مش عارف أقول لك إيه يا ميجو .. و الله توكيلها كرهني إني أجيبها للأسف

حتى لما بحاول أجيبها من معرض بره بنفس اللون بينكروا إن عندهم العربية !!!

بصراحة حسيت إنهم حاجزينها لحد تاني أو عارفين إن اللون ده مطلوب فبيحاولوا يزحلقوا الباقي

دا غير السمسرة اللي بيعملوها بتوع المبيعات مع البنك و بيعقدولك الدنيا عشان تجيبها عن الطريق اللي هما عاوزينه و بس .. و الله النهاردة شفت ورق في بنك فيصل لنفس الفرع مخلصين فيه عربية مع بنك فيصل بنفس طريقة تعامل بنك فيصل !!! و أكتر من حالة كده .. لدرجة إن بتوع بنك فيصل كانوا مستغربين جدا من الحكاية دي.

هاعمل إيه .. هي دي مصر و ذمم الناس في مصر .. الناس معندهاش أي مانع تطلع عينك و تعذبك عشان تاخد قرش من هنا أو هناك بغض النظر حلال و لا حرام.

عموما قدر الله و ما شاء فعل و ربنا يهدينا للي فيه الخير ..

[Migo123]

انا عارف معاناتك و متخيلها تماما ...... المبيعات في سكودا مليئة بعلامات الاستفهام من اول مسئولين المبيعات اللي بيقابلوك في المعارض لحد اكبر راس في الادارة
تجربتي مع سكودا بتقول ان الناس دي مستغنيه مش عايزه تبيع ....... وفي تربيطات كتير ومصالح مع الموزعين (يعني انت رايح تشتري من الوكيل تلاقيه بيبعتك لموزع)

التوكيل ده لو مع شركه مهتمه بيه كانت بقت عربيه مصر الاولى ...... خصوصا ان عتدهم تنوع في الموديلات من اول 87 الف لغايه 200 الف