حادثة غلسة اوى حصلتلى الحمد لله

[Fadi Ezzat]

كل سنة وانتو طيبين

انا النهاردة حصلتلى حاجة غلسة اوى
كنت ماشى عادى بالعربية وكنت على طريق بطئ
والدنيا زى العادة زحمة اوى والطريق واقف بعدين ركنت نزلت من العربية رحت اشترى حاجة وكانت دهان حائط
وابص الاقى عربية فيات 125 جاية بسرعة اوى وكان فى واحد بتاع 131 راح خابط الحرف بتاع الاكصدام راح اكصدام ال131 طار كلة وطبعا لقيتة جاى على عربيتى قلبى نزل فى رجليا
راح اراجل حود بسرعة اوى وعدانى الحمد للة وراح خابط فى عربية لانوس
الحمد للة محلصلش حاجة للانوس
بس بتاع التاكس 131 الاكصدام اتكسر خالص
رجت زقيت معاة العربية ال 125 وركنهالة وكانت اعصابة بايظة
وجة الراجل طالبة بفلوس وكدة سواق تاكس بياكل عيش بقى
المهم صالحناهم وراضينا لاتنين ومشيت
رحت بقى عند غبور الى فى ابو سنة
الى هو على مطلع الدائرى
على فكرة بابا الى عامل الوجهة بتاعتة كلها
عايز رئكم فيها
هههههههه
المهم وانا رايح الطريق واقف زى العادة واقف مستنى الطريق يمشى
والاقى واحد بتاع فيرنا راجل كبير هوب راح لازق فيا من ورا معرفش كان ماشى على كام بصراحة
المهم فتحت الباب باقصى سرعة ونزلت للراجل وكانت اول حاجة لمحتها وانا نازل الاكصدام بتاع الراجل
لقيتة مدمر خالص طبعا زاد قلقى على عربيتى قولت خلاص الاكصدام ادمر
رحت اشوف العربية لقيت مفيش اى حاجة خالص لقيت بس الفبرة السودة الى تعتبر صدادة اتخلعت وركبتها فى لحظة وانا واقف
الراجل لقيتة بيقولى تطلب اية ياباشا
قولتلة انا اساسا مش باخد عوض
ثانيا عربيتى سليمة
ثالثا قولتلة بضحكة كدة انت الى تطلب اية
راح ضاحك ولقيت جرى من جمبى تانى
بعد كدة بابا اتصل بيا بيقولى اتاخرت لية قولتلة حصل كذا كذا
طبعا مصدقش وحس انى عملت حادثة وقربت اموت وكدة ومطمنش غير اما جيت
وشافنى وشاف العربية لقى كل حاجة تمام
بعد كدة بفتح الشنطة ويارتنى مافتحتها
ابص الاقى بستلة الدهان الى جبتها وقعت كلها فى الشنطة وعنك ماتشوف الا النور
كلها الشنطة ابيض فى ابيض
ورق الشغل كلة باظ وفرش العربية كلة باظ الى هو بتاع الشنطة باظ باكملة
والاتين اتغرق وطفاية الحريق وشوية حاجات كدة بتاع 400 جنية كنت جايبهم من كارفور
طبعا كان اهم حاجة عندى فرش العربية وورق الشغل
وكلة راح
وكانت البسلتة دايتون 30 30 بلاستيك
حاجة كدة اما بتلزق فى الفرش مش بتطلع بس بتطلع بصعوبة اوى
المهم قولت لازم انضف كل دة
وابتديت الشغل
5 ساعات يارجالة بدون استراحات وكانت العدة كالاتى
بيريل غسيل وجردل وفرشة خشنة وسلك مواعين
وخش يامعلم ظهرى اتقطم وكنت كتير بقد الامل لان الفرش اتشرب بالدهان
والحمد للة بعد خمس ساعات شغل
خليتة احسن مما قبل الحكاية دى
وبقى تمام بس طبعا زعلان على ورق الشغل الى راح والحاجات الى من كارفور دى وحاجات تانية كتير
زى غطة العربية مثلا ومش فاكر الباقى لانى حاسس انى فقدت الذاكرة
ومعلش ياشباب مصوورتش الفرش بعد الحادثة دى
لانى كنت متجنن ساعتها اما شفت المنظر الى ربنا مايورية لحد
معلش طولت عليكم

[A.Saad]

معنى كدة ان الخبطة كانت شديدة فاتاكد وشيك على العربية
انا اعرف ان الدهان ممكن يطلع بمياة او جاز

[beihoo]

كل سنة وانتو طيبين

....
الراجل لقيتة بيقولى تطلب اية ياباشا
قولتلة انا اساسا مش باخد عوض
........

كل سنة و إنت بخير يا فادي و ربنا يكفيك شر الطريق و يبارك لك في عربيتك.

بخصوص حكاية العوض .. مفيش حاجة اسمها تقبل العوض في الإسلام .. في الاسلام من أفسد شيئا فعليه إصلاحه و إلا بقت فوضى و ضاعت حقوق الناس .. يعني قبولك لمبلغ معين نظير إصلاح ما أفسده الأخر .. المشكلة إنك بتتكلف أكتر بكتير من ثمن الإصلاح .. كفاية إن العربية بتبقى مخبوطة و وقتك و مجهودك و أعصابك اللي بتتحرق من الحادثة والتعامل مع الصنايعية اللي معندهمش ضمير إلا من رحم ربي.

[Fadi Ezzat]

كل سنة و إنت بخير يا فادي و ربنا يكفيك شر الطريق و يبارك لك في عربيتك.

بخصوص حكاية العوض .. مفيش حاجة اسمها تقبل العوض في الإسلام .. في الاسلام من أفسد شيئا فعليه إصلاحه و إلا بقت فوضى و ضاعت حقوق الناس .. يعني قبولك لمبلغ معين نظير إصلاح ما أفسده الأخر .. المشكلة إنك بتتكلف أكتر بكتير من ثمن الإصلاح .. كفاية إن العربية بتبقى مخبوطة و وقتك و مجهودك و أعصابك اللي بتتحرق من الحادثة والتعامل مع الصنايعية اللي معندهمش ضمير إلا من رحم ربي.

شكرا يابيهو على كلامك الحلو دة
سوال بقى
انت سبت اسكودا ولا اية نستنا خلاص ولا اية ؟

[Fadi Ezzat]

معنى كدة ان الخبطة كانت شديدة فاتاكد وشيك على العربية
انا اعرف ان الدهان ممكن يطلع بمياة او جاز

شكرا اولا على ردك
بس ياباشا الخبطة كلها اكنت فى الاكصدام والاكصدام الحمد للة سليم مية فى المية
اما بخصوص الدهان انا طلعتة خلاص بعد اما اتهد حيلى

[ashour]

ربينا يديك الصحة و يعوضك عن أعصابك اللي اتلفت...

[MohamedGafar]

حمد الله على السلامة وفداك.

تحياتي.

[Fadi Ezzat]

ربينا يديك الصحة و يعوضك عن أعصابك اللي اتلفت...

ربنا يخليك ياباشا
انا فرحان ان فى ناس حاسيين بيا

[Fadi Ezzat]

حمد الله على السلامة وفداك.

تحياتي.

ربنا يخليك يباشا
والف شكرا على ردك

[كابوس الليل]

معلش يا ابنى يا حبيبى
ده كان اسهل لو الاكصدام هوا الى باز
من ان الشنطة يقع فيها الدهان
معلش بقا

[Fadi Ezzat]

معلش يا ابنى يا حبيبى
ده كان اسهل لو الاكصدام هوا الى باز
من ان الشنطة يقع فيها الدهان
معلش بقا

مش اوى كدة ياعمرو الاكصدام بردة غالى لانى الصاج بتاعة ناشف
علشان كدة متعوجش
فاكيد علشان الكرفات والشغل الى فية هتلاقية غالى بردة

[كابوس الليل]

مش اوى كدة ياعمرو الاكصدام بردة غالى لانى الصاج بتاعة ناشف
علشان كدة متعوجش
فاكيد علشان الكرفات والشغل الى فية هتلاقية غالى بردة

هههه
الصراحة الاتنين خسارة كبيرة

[mostafa3000]

يا باشا مش كنت تبلغنا وكنا جبنا الفرش والمقشات ونظفنا معاك
عموما تصرفك مع اللي خبطلك تصرف حضاري جدا وربنك يجازيك عنة كل خير

[Fadi Ezzat]

[QUOTE=mostafa3000;3871956673]يا باشا مش كنت تبلغنا وكنا جبنا الفرش والمقشات ونظفنا معاك
عموما تصرفك مع اللي خبطلك تصرف حضاري جدا وربنك يجازيك عنة كل خير[/QUOTE

ربنا يخليك ياباشا

[Fadi Ezzat]

الحمد للة