يا ريت المساعدة أوكتافيا 2003 معاقين

[Hulagu]

أنا كنت فى بورسعيد و شفت عربية حكاية أوكتافيا 1600 موديل 2003 وارد ألمانيا تقفيل ألمانى
Full Option
Automatic
Airbags
فتحة سقف
Sensors
و عاملة 16000 كم و مش ملعوب فيها و باين عليها إنها أكييييييييييييد كانت مرفوعة
العربية داخلة معاقين و مطلوب فيها 84000 جنيه قبل الترخيص

عايز أعرف السعر ده مغالى فيه ولا كده حلو على حالة العربية و كمان تقريبا سعر المستعمل الملاكى منها كام؟؟؟

شكرا يا جماعة

[inspiron]

إوعي تشتريها..دي عربيات تجيب وجع الدماغ خصوصا في ترخيصها((ده لو عرفت ترخصها)).بعدين صعب تعرف العربية ملعوب في عدادها ولا لا..و مش بيبان من الشكل...أنا عربيتي a4 98 و عاملة حاليا 108000 كم..و لو شوفتها هتقول إنها عاملة بالكتير 50000 كم....إذا حضرتك ناوي تجازف..أنا شايف السعر ده إستهبال شوية.

[ezzat1]

نصيحه لله ، بلاش تدخل الموضوع ده نهائى ، وجع قلب و هتندم على فلوسك اللى دفعتها فى الموضوع دهو من الدوخه اللى هتيجى من ورى العربيات دى

[aaooaa2004]

انت لازم تحط في دماغك حوالي عشرين الف كمان لزوم فك الحظر المشاوير وخلافه وكمان انا سمعت ان الترخيص بقى شبه مستحيل الايام دي
من رايي بلاش تجازف بكل المبلغ ده وخصوصا اني مريت بنفس الموضوع

[Fadi Ezzat]

اولا صعوبة ترخيص ووجع قلب لحد اما هتقول يابس وهتقعد فترة كبيرة عقبال اما ترخصها وكدة
لانك هتعمل كمان رخصة للمعاق وحاجات كتير اوى اوى
المهم انت هتشتريها ب 83 دة كتير اوى اوى
دة غير انك هتحط عليهم 18 الف جنية على الاقل ترخيص وفلوس للمعاق وفك حظر
وقرف
احسنلك بلاش

[kareemafifi]

انا جايب واحدة a4 اوتوماتيك مجهزة طبيا ( معاقين ) بس ليا انا شخصياً 2003 اوتوماتيك فول اوبشن شهر 10 2009 ب 62000 من اسكندرية المنطقة الحرة و ناس زي الفل هناك و الله و العربية ما شاء الله جميلة و كانت ماشية 38500 كم لما أخدتها

[inspiron]

انا جايب واحدة a4 اوتوماتيك مجهزة طبيا ( معاقين ) بس ليا انا شخصياً 2003 اوتوماتيك فول اوبشن شهر 10 2009 ب 62000 من اسكندرية المنطقة الحرة و ناس زي الفل هناك و الله و العربية ما شاء الله جميلة و كانت ماشية 38500 كم لما أخدتها

سعر رخيص جدا جدا ..بجد أحييك عليها ربنا يباركلك فيها.