رابطة ال a4

[inspiron]

كان عندي نفس المشكلة و لما غيرت البوجيهات والفلاتر المشكلة إتحلت.لكن أنا عربيتي 98.عربية حضرتك 2009 صعب تكون محتاجة تغيير حاجة من دول إلا لو عاملة كيلومتر كتير و صيانتها متعملتش.بالنسبة للتسقيفة محتمل يكون البنزين مش كويس.جرب تحطلها بنزين من إمارات مصر.و جرب الـ 95 و شوف المشكلة إتحلت ولا لا.لو إحتجت أي إستفسار تاني أنا تحت أمرك.

[inspiron]

عايز أعرف الأسعار :-
-----------------
1- عدد 2 مساعدين أمامي.
2- عدد 2 بطاحة.
3- عدد 2 ذراع.
4- عدد 2 بارات طرف.
5- عدد 2 بيض مقص.

[hyoussef]

العربية مش عملة غير 3000كم و على أى حال هجرب احط 95 و هقلك

[Mohamed.Ramah]

عاوز اعرف سعر الاوكتفيا a4 موديل 2005 و 2006 مانيوال مستعملة بكام

[inspiron]

من 75 لـ 85 تقريبا حسب الحالة.

[Mohamed.Ramah]

شكرا على الرد وبالنسبة للسعر دة للموديلين ام ل2006 فقط

[inspiron]

للـ 2006 فقط علما بإن الموديلين واحد.فرق سنة الصنع

[Mohamed.Ramah]

شكرا على التوضيح وعلى المساعد بس حبيت اعرف كماليات موديل 2006 وعيوبها

[inspiron]

permalink
1- موتور 1600 سي سي 102 حصان عند 148 نيوتن و تسارعه من 0-100 في 10.5 ثواني.
2- عفشة خدمة شاقة(قوية جدا).
3- سنتر مركزي,زجاج كهرباء ( أمامي و خلفي ), مرايات كهرباء مزودة بسخانات.
4- وحدات رفع للأربع أبواب ( الموديل المزود بفتحة السقف بها وحدة رفع أيضا)
5- فوانيس ضباب مدمجة مع فوانيس السيارة الأمامية ( عدسات ) و الخلفية.
6- إيراباج للسائق.
7- كمبيوتر يعرض متوسط السرعة وإستهلاك البنزين لكل 100 كم ( حوالي 4.9 لتر) وبيان الرحلات.
8- مقابض نيكل للأبواب من الداخل.
9- تكييف ( مستفز جدا ).بمعني أن درجة برودته قوية جدا بشكل رهيب.
10- طي الكنبة الخلفية لتوفير مساحة زيادة ( مش هتحتاجها لأن الشنطة ممكن أفرش وأنام فيها).
11- كاسيت سي دي مزود بعدد 6 سماعات مع إيريال رياضي.

* معلومات تهمك :-
--------------
1- وزن السيارة 1700 كجم بالتقريب ( والموتور ما شاء الله كفاءة عليها ).
2- السيارة مزودة بمبخر بنزين ووظيفته الإستفادة بكل كمية البنزين الداخلة لغرف الإحتراق.
3- ممكن تسمع صوت تكتكة بسيييييط أوي من ناحية اليمين ( تكتكتكتكتك ) ده حاجة عادية جدا في الأوكتافيا و ده صوت مبخر البنزين وهو شغال.والصوت ده موجود في الجولف والبورا والباسات.
4- السرعة القصوي للعربية 215كم/س و من غير ما تاخد بالك لو علي طريق مفتوح تلاقي نفسك جايبهم من غير ما تحس ( لأن عزل العربية قوي من وجهة نظري و صوت الموتور هادي مش ملحوظ علي السرعات العالية ).
5- ثبات العربية دي منقطع النظير و ده يخليك متحسش إنك ماشي علي 200 مثلا.

6- ودي أهم نقطة إن العربية دي إتظلمت من شعبنا اللذيذ بعد نزول الـ A5 و كل من هب و دب يقلل من قدرها.والحقيقة عكس ذلك تماما, الـ a4 والـ a5 وجهان لعملة واحدة في الأداء و الثبات.تفوق الـ a5 يأتي في فخامة المنظر والكماليات فقط.

- لو إحتجت حاجة أنا تحت أمرك,,,

[zizomsk]

اية الجمال دة الرابطة ماشاء اللة عليها بتزيد كل يوم
ربنا يبارك فيها لان فعلا الاوكتافيا ال a4 عربية مش واخدة حقها

[wawamoha]

A4

عل فكره ان كنت ها اموت عل ال a4 بس جيبت الايه فايف علشان اوسع للاولاد من ورا
و في رايي ده عيب الا ايه 4 الوحيييييييييد

من ناحيه الشياكه في رايي ان الا يه 4 اشيك .
سلام

[Mohamed.Ramah]

شكرا ياجماعة لكل من رد على الموضوع وشارك وبجد انتم متعاونين جدا معايا شكرا ليكم مرة تانية انا فعلا نزلت ودورت لاقيت ان كل الموديلات اللى بالمبلغ اللى معايا موديلات قديمة وحالتها غير جيدة وفقيرة من الداخل واقل من موديل 2006 وانا اتصدمت ان موديل تمنينات بيعدى ال70.000 فصرفت نظر عنها لاكن اكتسبت معلومات منكم
ربنا يجازيكم خير

[moonnight000]

أشكر أعزائي المشاركين في هذه الرابطة الممتازة .....
خايف اثقل عليكم بس كان عندي اكثر من سؤال :
أريد شراء a4 اوتوماتيك زيرو ومعلوماتي الضئيلة تقول ان آخر انتاج a4 الاوتوماتيك 2008 خليجي بالنسبة للمانيوال يوجد 2009 ....
1- هل يوجد منها اتوماتيك زيرو وما الفرق بين الخليجي والمصري ؟
2- ماهي امكانيات السيارة ؟
3- سعرها ؟
4- أين استطيع شرائها ؟
5- ظروف الضمان ....
اسف جدا ً للتطويل .....

[inspiron]

1- العربية مفيش منها أوتوماتك 2009.
2- الكماليات مفيش فيها فروق بين المنوال والاوتوماتك.
3- كماليات السيارة هي:-
1- موتور 1600 سي سي 102 حصان عند 148 نيوتن و تسارعه من 0-100 في 10.5 ثواني.
2- عفشة خدمة شاقة(قوية جدا).
3- سنتر مركزي,زجاج كهرباء ( أمامي و خلفي ), مرايات كهرباء مزودة بسخانات.
4- وحدات رفع للأربع أبواب ( الموديل المزود بفتحة السقف بها وحدة رفع أيضا)
5- فوانيس ضباب مدمجة مع فوانيس السيارة الأمامية ( عدسات ) و الخلفية.
6- إيراباج للسائق.
7- كمبيوتر يعرض متوسط السرعة وإستهلاك البنزين لكل 100 كم ( حوالي 4.9 لتر) وبيان الرحلات.
8- مقابض نيكل للأبواب من الداخل.
9- تكييف ( مستفز جدا ).بمعني أن درجة برودته قوية جدا بشكل رهيب.
10- طي الكنبة الخلفية لتوفير مساحة زيادة ( مش هتحتاجها لأن الشنطة ممكن أفرش وأنام فيها).
11- كاسيت سي دي مزود بعدد 6 سماعات مع إيريال رياضي.

* معلومات تهمك :-
--------------
1- وزن السيارة 1780 كجم بالتقريب ( والموتور ما شاء الله كفاءة عليها ).
2- السيارة مزودة بمبخر بنزين ووظيفته الإستفادة بكل كمية البنزين الداخلة لغرف الإحتراق.
3- ممكن تسمع صوت تكتكة بسيييييط أوي من ناحية اليمين ( تكتكتكتكتك ) ده حاجة عادية جدا في الأوكتافيا و ده صوت مبخر البنزين وهو شغال.والصوت ده موجود في الجولف والبورا والباسات.
4- السرعة القصوي للعربية 215كم/س و من غير ما تاخد بالك لو علي طريق مفتوح تلاقي نفسك جايبهم من غير ما تحس ( لأن عزل العربية قوي من وجهة نظري و صوت الموتور هادي مش ملحوظ علي السرعات العالية ).
5- ثبات العربية دي منقطع النظير و ده يخليك متحسش إنك ماشي علي 200 مثلا.

6- ودي أهم نقطة إن العربية دي إتظلمت من شعبنا اللذيذ بعد نزول الـ A5 و كل من هب و دب يقلل من قدرها.والحقيقة عكس ذلك تماما, الـ a4 والـ a5 وجهان لعملة واحدة في الأداء و الثبات.تفوق الـ a5 يأتي في فخامة المنظر والكماليات فقط.

- لو إحتجت حاجة أنا تحت أمرك,,, بالنسبة للسعر أعتقد 120000 جنيه.

[am79]

فيه سؤال
هو فيه عيب في الفتيس اتوماتيك منها ?????
لاني شوفت ناس كتير بتسأل عن فتيس استيراد اتوماتيك بالمنتدي وموديلات حديثه يعني 2006 وانا عندي 2004 وفيها نفس المشكله غيرت فتيس

هل الاتوماتيك به عيب بيخلي عمره صغير

وهل المانويل افضل ام الاتوماتيك في a4
لاني ناوي اغير واجيب موديل 2007