سوال بخصوص سكودا فابيا 2002 ال 1000 cc

[ehabomar1987]

انا معروضه قدامى سكودا فابيا 2002 ال 1000 cc على 35000
بس انا كلمت الميكانيكى بتاعى و قالى شغلها صعب و قطع غيارها غالية و قالى مش اى حد يشتغل فيها بس هو الصراحة شكرلى فيها و قالى انها المانى و عربية محترمة
بس انا دلوقتى محتار اجيبها ولا لآ و ديه ان شاء الله هاتكون اول عربية ليا
يا ترا كدا سعرها كويس ولا لآ و مشكلها كتيرة ولا لآ و قطع غيارها غالية ولا لآ
و فين الميكانيكيه بتوعها و لو حد معله العربية ممكت يفيدنى باى معلومات عنها
و انا ان شاء الله عايز لو هى معقولة اجيبها قبل العيد
و شكراا

[ahmedyehia515]

أنا معايا ال1400 و المفروض انو الفرق الأساسى هوا الموتور، أسعار قطع الغيار مش رخيصة أوى بس معمرة ، العربية بقالها معايا 4 سنين و كلل اللى غيرته
-الرادياتير ( عشان كنت فى الأول بحط ميه من الحنفية)
-الكبالن الأمامية
-الطنابير
-جلب المقصات

ده طبعاً جنب الصيانات الدورية المعتادة ، كل شغل الميكانيكا بعمله فى ارتوك العبور بوديلها العربية و يقولولى إيه اللى عايز يتغير و ممكن هما يجيبوهولك او تجيبه انت . شغل الكهربا ( و العربية ده كل مشاكلها بتكون كهربا) بروح لواحد فى الحرفيين اسمه المهندس تامر ورشته اسمها كهربائى الكوربة فى بلوك 8 و لحد دلوقتى الموضوع ماشى و مشاكلها مش كتيرة مقارنة انها عاملة 307 ألف كيلو و موديل 2001. فرأيى انك ترفع العربية و تشوف حالتها عشان بالمبلغ ده لازم تكون العربية حالتها نضيفة أوى و على الاقل فابريكة من جوه و بالكتير رشه اكصدامات من بره.

ربنا يوفقك و لو فى أى استفسارات انا فى الخدمة بس انا خبرتى مع ال1400

[ahmedsaidm]

انا رحت للشرقاوي في صيانة ال 60000 انا معايا فابيا 2004 اوتوماتك قلي 4500 جنيه ده طبيعي ولا شمبرنيز كمان حد جرب الراجل ده ولا اشوف مركز الاقصى احسن؟؟؟

[ahmedyehia515]

هوا كده اكتر من العادى بس ممكن عشان فى حاجات بتتعمل للأوتوماتيك مبتتعملش للمانيوال بس متهيألى الفرق كبير. ممكن تكلم التوكيل تسألهم على السعر عشان تكون مطمن. انا شخصياً عمرى كا جربت الشرقاوى او الأقصى ، انا بتعامل مع كارتك العبور و ارتوك دير الملاك و كارتك أحسن بمراحل.

بس نصيحتى شوف إيه الحاجات اللى هتتعمل فى الصيانة عشان بصراحة فى حاجات بتكون نصب أوى يعنى مثلاً فى حاجة اسمها كشف انوار تمنها 20 جنيه لمجرد انو يتأكد انو نور العربية شغال ده طبعاً غير تمن اللمبة لو طلعت محروقة غير مصنعية تغيير اللمبة

سؤالى ليك: الفابيا ال2001 الهاتش باك سير الكاتينة بتاعها جنزير ، انت عندك نفس النظام ولا سير عادى

و مبروك الصيانة مقدماً

[ahmedsaidm]

انا معايا سيدان 1400 سي سي وفيها سيرين للكاتينة مش جنازير المشكلة انا دخلت عند الشرقاوي حسيت انهم بيستكشفو العربية لسه فبصراحة اتضايقتك جدا.

[ahmedyehia515]

انا معايا سيدان 1400 سي سي وفيها سيرين للكاتينة مش جنازير المشكلة انا دخلت عند الشرقاوي حسيت انهم بيستكشفو العربية لسه فبصراحة اتضايقتك جدا.

انا معايا الهاتش باك و سير الكاتينة جنزير