رجرجة فى الفابيا

[mado_xxx]

يا جماعة انا عربيتى فابيا مانيول موديل 2002
امبارح وانا واقف فى زحمة وجاى اطلع لقيت رجرجة فى الطلعة
ولما ركنت العربية شوية وجيت اطلع الرجرجة راحت بس لما دخلت فى زحمة تانى ابدت ترجع
وكل ما ادوس دبرياش اسمع اصوات غريبة ولما اشيل رجلى من على الدبرياش الاصوات دى بتروح
مع العلم ان سحب العربية ممتاز جدا ومفيش اى مشاكل فى الغيارات

[المنسي]

احتمال تكون بلية الدبرياج الصوت يكون جاى منها

[ahmedsrs]

خد بالك الدبرياش كده بيودع

[mezo73]

بلا شك اسطونة وديسك وبلية يعني طقم الدبرياج
الصوت من البلية
الرجرجة من الديسك لان الريش بتاعتة ضعفت وبيحصل فيها تاكل من ناحية البلية والعيب دة بيظهر لما العربية تسخن يعني في الغالب العربية وهي لسة مركونة ماتعملش العيب دة
ربنا معاك حاول تجيب طقم ساكس او فاليو بس من حد مضمون
واياك من الانواع المجهولة او الصيني او يكون ماركة معروفة بس مضروب يعني الكتابة مش طباعة
الاصلي مابيكونش علية اختام الكتابة علية محفورة

[mo7madbakr]

لسه مغير طقم دبرياج ساكس اصلى لعربيتى فابيا 1000 سى سى مانوال
و الحمد لله كلو تمام
عملته عند محمد أصلان فى الحى السابع
جبته ب 900 جنيه من عند المهدى الي جنب محمد اصلان على طوول ( هو مكانش عنده, هو بعت جابه من حته تانيه, و انا عارف ان سعره كده غالى بس الحمد لله على كل شئ )
و محمد أخد مصنعيه 500 عشان غيرت معاه تيل فرامل امامى و خلفى و غيرت جلب مقصات

[mado_xxx]

انا لما مونت بنزين الرجرجة راحت
ولما سئلت الميكانيكى قالى ممكن تكون المشكلة من البنزين يكون اثر على المكنة

[windofchange]

طب طقم الدبرياج يختلف من مكنة 1000 سي سي لمكنة اكبر 1400 او 1600 سي سي؟ وده لأني مسقط 1600 وعندي طقم الدبرياج بتاع المكنة ال1000 القديم فهل ينفع اركبه؟

[windofchange]

لسه مغير طقم دبرياج ساكس اصلى لعربيتى فابيا 1000 سى سى مانوال
و الحمد لله كلو تمام
عملته عند محمد أصلان فى الحى السابع
جبته ب 900 جنيه من عند المهدى الي جنب محمد اصلان على طوول ( هو مكانش عنده, هو بعت جابه من حته تانيه, و انا عارف ان سعره كده غالى بس الحمد لله على كل شئ )
و محمد أخد مصنعيه 500 عشان غيرت معاه تيل فرامل امامى و خلفى و غيرت جلب مقصات

مبرووك يامحمد بس مش كتير المصنعية ولا ايه رأيكم يارجالة؟