الى اصحاب الخبره ايه رايكم فى سكودا نيو فابيا مينى الجديده

[xx7mada]

السلام عليكم ....
كنت عايز اعرف ايه رائكم فى العربيه دى تستهل الواحد يدفع فيها المبلغ ده
واكيد كوكلم عرفين السعر هوه 100000 الف جنيه

[dr_3eshoo]

على حسب الكلام الي في الجرايد فهيا عربيه كويسه و محترمه
اما في الحقيقه فاهيا ماتحطتش تحت اختبارات المصريه من قوة تحمل و اسعار قطغ غيار و اعاده البيع و الكلام الي بالك فيه ده انا عن نفسي معجب بيها
بس انت شكلك بتحب اسكودا قوي

[SaLM!Na]

انا بصراحة ما شفتش العربية دي في الجرايد و لا حتى سمعت عنها
و يوم شفتها في الشارع استغربت و قلت دي عملوها امتى و نزلت مصر امتى

هيا العربية دي كام سي سي و كام حصان و مواصفتها ايه يعني عشان تبقى ب 100 الف

[dr_3eshoo]

انا بصراحة ما شفتش العربية دي في الجرايد و لا حتى سمعت عنها
و يوم شفتها في الشارع استغربت و قلت دي عملوها امتى و نزلت مصر امتى

هيا العربية دي كام سي سي و كام حصان و مواصفتها ايه يعني عشان تبقى ب 100 الف

1600 100 حصان على ما اتزكر

[dr_3eshoo]

http://nilemotors.net/Nile/showthread.php?t=27454

راجعوا الينك ده

[iBiZa]

انا شفتها فى المعرض, هيا عربية لطيفة و Fully Loaded زى ما بيقولوا يعنى تقريبا مش ناقصها حاجة.

بس معجبنيش الخامات الى جوة, حسيت انها فقيرة رغم السعر دة.

[xx7mada]

على حسب الكلام الي في الجرايد فهيا عربيه كويسه و محترمه
اما في الحقيقه فاهيا ماتحطتش تحت اختبارات المصريه من قوة تحمل و اسعار قطغ غيار و اعاده البيع و الكلام الي بالك فيه ده انا عن نفسي معجب بيها
بس انت شكلك بتحب اسكودا قوي

متشكرين يادكتور على الرد
ومن ناحيه انا بحب الاسكودا فهى عربيه تستهال الواحد يحبها ولا ايه رائك

[xx7mada]

انا شفتها فى المعرض, هيا عربية لطيفة و Fully Loaded زى ما بيقولوا يعنى تقريبا مش ناقصها حاجة.

بس معجبنيش الخامات الى جوة, حسيت انها فقيرة رغم السعر دة.

يعنى ايه ياباشا الخامات الى جوه فقيره
ممكن تقولى هى من جوه عامله ازاى

[Migo123]

العربيه شكلها حلو بره
واسعه جدا من جوه (على عكس شكلها من بره)
شنطتها متوسطه
سكودا كجوده اعتقد انها عاليه جدا
والخامات الداخليه ممتازه ولا تقل ابدا عن مثيلاتها في نفس الئة
انا ركبت المانيوال الاسبورت ... ممتازه وفرش جلد رائع
تقييمات العربيه مصر كويسه
ومتنساش ان سكودا جزء من Vw

اعتقد مشكلتها الوحيد في البيع هتبقى سمعه الموديل السابق اللي مش حلوه في السوق
مش عارف ليه كان مش عاجب الناس؟؟؟

[Powert]

1600 100 حصان على ما اتزكر

لأ ال 1400 هي اللي ب 100 الف

[mohamed ibiza]

ال 1400 سي سي 86 حصان و ال 1600 سي سي بناقل حركة ستيبترونيك 105 حصان و عربية هاتش باك بطابع رياضي جذاب و مكوناتها الاساسية كلها الماني vw audi و في رأيي اي الماني يترفعلوا القبعة بدون كلام:):)

[fahd_628]

بس من جوة فقيرة

[dr_3eshoo]

يا جماعه لازم تفهموا ان سكودا تعتبر عربيه تجاريه من فولكس فاجن مش عربيه الي محترمه الي لازم تبقى 10 على 10
بس لو حسبتها
عربيه الماني متور و عفشه
صاج محترم
ثبات و تسارع
تيجي بقى للصالون و تقولي خامات ضعيفه هاتغض النظر عنها بجانب انت هاتركب ايه بالسعر ده
يعني الاوكتافيا ال 4 اتوماتك ب 130 الف زيرو و زيها زي البورا شوف انت بقى التويوتا بكام
الاوكتافيا ال 5 اتوماتك بكام
تلاقيها في الاخر حسبه صح و عربيه اكتر من قيمتها مش هانيجي و نقول الخمات ضعيفه من جوة حد فهمني ؟
بالنسبه للنيو فابيا انا ماعرفش عنها حاجه بالامانه و لو هيا ب 100 الف 1400 سي سي يبقى الابيزا احسن منها مليون مره على الاقل بياعه و سوقها ماشي

[ferari]

يعني الاوكتافيا ال 4 اتوماتك ب 130 الف زيرو و زيها زي البورا شوف انت بقى التويوتا بكام



أنا مش فاهم حاجة خاااااااالص

[SaNisSro]

والله بالنسبة لسؤالك حرد عليه بحاجة جميلة كان قالها هتلر قبل ما يموت عن بلاد اوروبا الي احتلها ...والمقولة دي بوصف فيها توكيل سكودا ....( جنة تسكنها الكلاب) ومعنى كدا ان العربية انا باكدلك انها ممتازة وفوق الوصف بالنسبة للجودة والاداء والسرعة والثبات لكن التوكيل كرهنا في الماركة دي وخلانا ناخد فكرة سيئة عنها ...وانا بقولك من دلوقتي ان العربية جديدة يعني ملكش مكان تاني تلاقي فيه لا مستعمل ولا تصدير ولا قطع غير اصلية وحتلف تلف وملكش برضو غير التوكيل اكيد شربت من نيلو برضو ...لو عندك استعداد تعيش المغامرة اديها ماونت ديو واتكل على الله الف مبروك :)

__________________________
العضو الفاضل برجاء مراجعة القواعد لتلافي الاتي
1 - الكتابة باللون الأحمرالمخصص للرسائل الادارية فقط
2- وضع صورة كبيرة الحجم في التوقيع

برجاء تعديل التوقيع
الإشراف...