صوت جاكمان الفابيا

[Amr_Azab]

استفسار بسيط بخصوص صوت جاكمان الفابيا
انا من ساعت ما اشتريت العربية وانا ملاحظ ان صوت الجاكمان عالي بس مش الصوت العالي اللي يدل علي انه مخروم او كده لا بالعكس هو اقرب الي صوت الديفل
فهل هي العربية نازلة بعلبة جاكمان سبور مثلا ولا ايه الموضوع ده ؟
فياريت اللي عنده فكرة يقولي اكون شاكر جدا

[mado_xxx]

انا عندى نفس المشكلة بالظبط
ومش عارف حلها
والمشكلة ان هو صوت عالى بس مش بتاع العلبة الاسبور
والنبى ياشيخ لما تعرف حلها ابقى قولى

[mado_xxx]

انا برضه عندى نفس المشكلة دى ومش عارف حلها
ياريت لو وصلت لحل تقلنا عليه

[mado_xxx]

وتلاقيه بيطلع هوا جامد مش عادم يعنى لوانت واقف على تراب يطيره كله

[Amr_Azab]

وتلاقيه بيطلع هوا جامد مش عادم يعنى لوانت واقف على تراب يطيره كله

بالظبط ده اللي بيحصل بس متهيالي ان ده مش عيب ده صوت العلبة بتاعت الجاكمان كده لان لما بشد شوية واقرص علي الغيار بتبقي عاملة زي صوت الديفل وعلي العموم مستنين راي باقي الاعضاء

[kemoooo2020]

انا عندى صوت الجكمان عادى جدا بس صوت الموتور عندى عالى و خشن شوية هو 1200 سى سى هل عندكم كده برضو ولا لا و بالنسبة للجكمان انا بسمع صوت عربيات كتير كده بس اعتقد ان ليها علاقة بالموتور اللى موجود فى العربية لانى اعرف واحد معاه واحدة 1000سى سى وصوتها عالى ذى ما حضرتك بتقول بالظبط فمتهيألى ده مش عيب

[Amr_Azab]

انا عندى صوت الجكمان عادى جدا بس صوت الموتور عندى عالى و خشن شوية هو 1200 سى سى هل عندكم كده برضو ولا لا و بالنسبة للجكمان انا بسمع صوت عربيات كتير كده بس اعتقد ان ليها علاقة بالموتور اللى موجود فى العربية لانى اعرف واحد معاه واحدة 1000سى سى وصوتها عالى ذى ما حضرتك بتقول بالظبط فمتهيألى ده مش عيب

مهو مش عيب يا باشا لان في فرق في الصوت من جاكمان مخروم ومن علو صوت (صوت رياضي)انا كنت حابب اتاكد بس هل المالك السابق مغير فيها حاجة ولا هي اللي نازلة كده
اما بالنسبة لصوت الموتور فصوته هادي تماما يعني انت لو دورت العربية واعدت شوية عملت اي حاجة مش حتعرف اذا كانت دايرة ولا لآ
انا كذا مرة حصلت معاية ومبقاش عارف انها دايرة غير من العداد بتاع الار بي ام فالصوت الطبيعي بتاعها هادي جدا جدا والعزل متاز فالمفروض انك مش بتحس بيه فده ممكن يكون في عيب عندك اكشف عليه
ممكن تكون الكاتينة محتاجة تتغير مثلا(عمرها الافتراضي) او كهربة الموتور مبرجلاه او فيوز عايز يتغير
هو حضرتك بتحط بنزين ايه ؟

[kemoooo2020]

مهو مش عيب يا باشا لان في فرق في الصوت من جاكمان مخروم ومن علو صوت (صوت رياضي)انا كنت حابب اتاكد بس هل المالك السابق مغير فيها حاجة ولا هي اللي نازلة كده
اما بالنسبة لصوت الموتور فصوته هادي تماما يعني انت لو دورت العربية واعدت شوية عملت اي حاجة مش حتعرف اذا كانت دايرة ولا لآ
انا كذا مرة حصلت معاية ومبقاش عارف انها دايرة غير من العداد بتاع الار بي ام فالصوت الطبيعي بتاعها هادي جدا جدا والعزل متاز فالمفروض انك مش بتحس بيه فده ممكن يكون في عيب عندك اكشف عليه
ممكن تكون الكاتينة محتاجة تتغير مثلا(عمرها الافتراضي) او كهربة الموتور مبرجلاه او فيوز عايز يتغير
هو حضرتك بتحط بنزين ايه ؟

انا بحط بنزين 92 والكاتينة مش عارف هى بتتغير كل اد ايه وهل هى جنزير ولا لا...؟ هو حضرتك غيرتها ولا لا

[Amr_Azab]

الفابيا علي كاتينة حديد وليس سير تقسيمة زي بعص العربيات وهو بيحتاج يتغير في حالة انتهاء عمره الافتراضي يعني مبيبقاش اقل من 170000 كم مثلا ومش حتحتاج تغيره تاني بس اتأكد واكشف الاول البرجلة اللي عندك دي من ايه ممكن تكون حاجة تانية وانا مغيرتهاش قبل كده لا
انا مرة كنت بكشف وبنظف الفيوزات اللي في جانب التابلوه وانا بركب الفيوز محتطوش كويس (كان فيوز الانجكشن تقريبا) لاقيت العربية بعديها بتدور بصعوبة شوية وصوت الموتور مبرجل اوي فشلته وركبته تاني رجعت زي الفل
عشان كده بقولك اكشف الاول ممكن تكون حاجة بسيطة

[kemoooo2020]

الفابيا علي كاتينة حديد وليس سير تقسيمة زي بعص العربيات وهو بيحتاج يتغير في حالة انتهاء عمره الافتراضي يعني مبيبقاش اقل من 170000 كم مثلا ومش حتحتاج تغيره تاني بس اتأكد واكشف الاول البرجلة اللي عندك دي من ايه ممكن تكون حاجة تانية وانا مغيرتهاش قبل كده لا
انا مرة كنت بكشف وبنظف الفيوزات اللي في جانب التابلوه وانا بركب الفيوز محتطوش كويس (كان فيوز الانجكشن تقريبا) لاقيت العربية بعديها بتدور بصعوبة شوية وصوت الموتور مبرجل اوي فشلته وركبته تاني رجعت زي الفل
عشان كده بقولك اكشف الاول ممكن تكون حاجة بسيطة

يبقى كده يا باشا اكيد مش من الكاتينة لان العربية ماشية 97000 يبقى ان شاء الله لازم اكشف عليها ولو تعرف حد كويس اكشف عنده يا ريت تقولى و شكرا ليك جدا على اهتمامك وذوق حضرتك

[Amr_Azab]

في مراكز كتير اوي في اسكندرية قولي انت منين بالظبط واقولك اقرب واحد ليك فين

[kemoooo2020]

انا من المنشية بس يا ريت حد تكون حضرتك جربته

[Amr_Azab]

T-VAG ده مركز متخصص سكودا وحافظ الفابيا حتة حتة واسمع انهم كويسين اوي من ناس اتعاملت معاهم بس انا متعملتش معاهم لسة
المركز ده في الطريق السريع وانت رايح علي كوبري ابيس قبل الكوبري علي اليمين
ELsanhoury ده مركز في المندرة جمب شيراتون المنتزة وده انا جربته واعاملت معاه لانه جمب البيت عندي
فمتهيألي اللي علي الطريق السريع اقربلك

[kemoooo2020]

t-vag ده مركز متخصص سكودا وحافظ الفابيا حتة حتة واسمع انهم كويسين اوي من ناس اتعاملت معاهم بس انا متعملتش معاهم لسة
المركز ده في الطريق السريع وانت رايح علي كوبري ابيس قبل الكوبري علي اليمين
elsanhoury ده مركز في المندرة جمب شيراتون المنتزة وده انا جربته واعاملت معاه لانه جمب البيت عندي
فمتهيألي اللي علي الطريق السريع اقربلك

الف شكر يا باشا على اهتمامك

[twister_mido]

يا رجاله انا ناوي اجيب فابيا بإذن الله وكل ما اقول اسئل حد عنها يقولي بلاش دي مشاكلها ايه ومش عارف ايه ومفيش قطع غيار الخ الخ
بما ان العربيه معا حضراتكم رايكم فيها ايه اتقالي ان ال 1200 سي سي الموتور بتاعها مش كويس وصيانته وقطع غساره مقرفين قالولي خليك في ال 1400 افضل بكتير
السؤال بقي قطع غيار العربيه موجوده ولا لا / ثانيا في ناس كتير بتشتغل فيها ولا لا
وسعر العربيه بيكون في حدود كام انا ادامي عربيه 2001-1400 سي سي علي 41000
و التانيه 2003- 1400 سي سي علي 43000
ياريت يا جماعه تردو عليا بسرعه