عيوب سكودا فابيا

[twister_mido]

عاوز اجيب سكود فابيا المشكله ان في ناس تقولي العربيه كويسه وقطع غيارها موجوده
وناس تانيه تقولي العربيه وحشه وملهاش قطع غيار ومحدش كتير بيفهم في صيانتها ؟؟؟؟!
انا بصراحه عجباني العربيه جدا كإمكانيات وكشكل طبعا بس الخوف من اني اجيبها واعد اغني ظلموه جنبها و ابقي لبست في الحيط
عاوز اعرف من حضراتكم تقييم العربيه دي ايه انا بتكلم علي ال 1400 سي سي
ادامي عربيتين

Model 2001 - 1400CC- 41000 L.E
Model 2003 - 1400CC- 43000 L.E

وهل في فرق في العربيه باختلاف الموديلات يعني ال 2003 او 2004 بتزيد في حاجه عن ال 2000 او ال 2001
وشكررااااااااااااااااااااااااااااااااا

[windofchange]

مداخلتي البسيطة لك ياميدو .... المواتير ياريت تجيب كود الموتور من عالمكنة وهو مطبوع بالليزر عالمكنة يكون معاك فوطة وتمسح التراب وتشوف وهو بيتكون من 3 حروف انجليزي APQ مثلا والمواتير ال1400 نزلو بالنسبة لموديلات من 1999 ل2003 نزل 3 مواتير 1400 من 59 حصان ل63 حصان ل74 حصان طبعا الافضل ال74 حصان وده كوده هيكون واحد من دول وكلهم بتوع ال74 حصان APE/AUA/BBY/BKY والصفحة دي توضح لك Škoda Fabia - Wikipedia, the free encyclopedia

[Amr_Azab]

عاوز اجيب سكود فابيا المشكله ان في ناس تقولي العربيه كويسه وقطع غيارها موجوده
وناس تانيه تقولي العربيه وحشه وملهاش قطع غيار ومحدش كتير بيفهم في صيانتها ؟؟؟؟!
انا بصراحه عجباني العربيه جدا كإمكانيات وكشكل طبعا بس الخوف من اني اجيبها واعد اغني ظلموه جنبها و ابقي لبست في الحيط
عاوز اعرف من حضراتكم تقييم العربيه دي ايه انا بتكلم علي ال 1400 سي سي
ادامي عربيتين

Model 2001 - 1400CC- 41000 L.E
Model 2003 - 1400CC- 43000 L.E

وهل في فرق في العربيه باختلاف الموديلات يعني ال 2003 او 2004 بتزيد في حاجه عن ال 2000 او ال 2001
وشكررااااااااااااااااااااااااااااااااا

متقلقش ابدا من قطع الغيار والصيانة لانها متوفرة لا تقلق ( أسأل مجرب )
ولو بتحب الشد يبقي اكيد 1400 16v وده مش موجود كتير فممكن يبقي الـ8v

[twister_mido]

متشكر جدا لحضراتكم انا ليا استفسار كمان هوا في من الموديلات بتاعه العربيه بيكون في كمبيوتر رحلات و تلاجه موجوده في التابلوه الحاجات دي موجوده في كل الموديلات ولا لا

[Amr_Azab]

موجودة في الموديل الكامل

[twister_mido]

طيب يا رجاله اسعار قطع الغيار غاليه اوي اوي يعني ولا في المعقول
انا عارف ان في فرق بين المقارنه بس يعني تفرق كتير اوي عن اسعار الهيوناداي ولا ايه

[HAITHAM1985]

متشكر جدا لحضراتكم انا ليا استفسار كمان هوا في من الموديلات بتاعه العربيه بيكون في كمبيوتر رحلات و تلاجه موجوده في التابلوه الحاجات دي موجوده في كل الموديلات ولا لا

أولا إنت بتتكلم على العربية المظلومة إعلاميا على الرغم من أنها تجمع بين متانة التصنيع وجمال الشكل النسبى ........ دى نقطة

النقطة التانية ......... قطع الغييييييييار الصداع الأزلى لسوء السمعة اللى هوا وهم ....... فده بيختلف حسب مكان سكنك يعنى لو فى القاهرة أو الإسكندرية مش هتغلب كل حااااااااجة موجودة ولو من بورسعيد تماااااااام بردوه لو من الزقازيق أو المنصورة مقبووووووووول جدا أما لو من محافظات الأقاليم التانية ممكن تتعب شوية بس هتلاقى أو تبقى تنزل القاهرة تعمل الصيانات وترجع

قطع الغيار أغلى من الكورى واليابانى كمان بس إسأل بتتغير كام مرة فى عمر العربية هتتصدم الكل هيقولك إن الحاجة اللى بتتغير مش بتتغير تانى تقريبا ده لو العربية أساسا تمااااام

الموديلات من 2000 الى 2003 شبه بعض بالظبط

الموديل 2004 مختلف إختلافات بسيطة وفيه تلاجة فى التابلوه

[Flamingo]

أولا إنت بتتكلم على العربية المظلومة إعلاميا على الرغم من أنها تجمع بين متانة التصنيع وجمال الشكل النسبى ........ دى نقطة

النقطة التانية ......... قطع الغييييييييار الصداع الأزلى لسوء السمعة اللى هوا وهم ....... فده بيختلف حسب مكان سكنك يعنى لو فى القاهرة أو الإسكندرية مش هتغلب كل حااااااااجة موجودة ولو من بورسعيد تماااااااام بردوه لو من الزقازيق أو المنصورة مقبووووووووول جدا أما لو من محافظات الأقاليم التانية ممكن تتعب شوية بس هتلاقى أو تبقى تنزل القاهرة تعمل الصيانات وترجع

قطع الغيار أغلى من الكورى واليابانى كمان بس إسأل بتتغير كام مرة فى عمر العربية هتتصدم الكل هيقولك إن الحاجة اللى بتتغير مش بتتغير تانى تقريبا ده لو العربية أساسا تمااااام

الموديلات من 2000 الى 2003 شبه بعض بالظبط

الموديل 2004 مختلف إختلافات بسيطة وفيه تلاجة فى التابلوه

افهم من كلامك يا باشا انها لا تختلف عن ولاد عمها زى الجولف او الأبيزا لأنهم من اصل واحد فولكس فاغن
بصراحة انا اعشق الركوبة الألمانى ونفسي اركب الفابيا... نصيحتك اية من ناحية انها مناسبة كعائلية ام لا؟؟؟

[windofchange]

كعائلية من 4افراد بالسائق وشنط قليل كويس 5افراد فالصالون يعتبر صغير عليهم والشنطة ايضا صغيرة بس لو طويت الكنبة كلها او كرسي واحد منها بتبقي زي الربع نقل بس هتنزل الناس من العربية ! وهيبقي معاك راكب واحد ارجو ان اكون اوضحت

[فتح الباب]

واسعار الموديل ده كام (2004)

[Amr_Azab]

بص يا باشا انا معاية فابيا هاتش باك واسرتي من 5 افراد والعربية بتكفينا والكل بيبقي قاعد مرتاح جدا
انا ببقي سايق ووالدي جمبي ووالدتي واخواتي في الكنبة اللي ورا
لما تشوف العربية من برا بيتهيقلك انها صغيرة لكن الصالون جوا كويس
بالنسبة للشنطة فهي مش كبيرة فعلا بس بتأدي الغرض خصوصا لو طويت الكنبة او جزء منها

[M.Anwer]

بس في ناس قالتلي علي الفيتيس انه في مشاكل الكلام ده صح

[mohamedmmm2]

بص يا باشا الفابيا والابيزا والبولو 2001 نفس قطع الغيار ميكانيكا وعفشه ونفس المواتير والشاسيه.. كل حاجتها موجودة بوفرة وانا معايا بولو 2009 وحاجتها كلها موجوده ومتوفرة جدا وقطع غيارها كويسه جدا فى السعر.. ماتفكرش وتوكل على الله بس اهم حاجه تبقى حالتها كويسه عشان ماتتعبكش