مقدم على شراء فابيا كومبي ومتاج مشورتكم يا اهل الخير

[أبو زياد]

السلام عليكم يا اهل الخبرة

دي اول مشاركة لي بعد طول فرجة على منتداكم الراقي جدا جدا جدا

انا ناوي اشتري سهم مزاياها وأهم عيوبها وهل تستاهل 54 ألف ماشية حوالي 70 ألف فابريكة ونظيفة جدا
اخبار قطع غيارها من حيث التواجد والأسعار
والاعتمادية وخلافه وسعر اعادة البيع

برجاء سرعة الرد

[أبو زياد]

ايه الحكاية يا شباب بقالي دقيقتين وما حدش رد هههههههههههه

[EngAhmedSayed]

انا هرد عليك بالنيابه عن تيم الفابيا لانهم عاملين بيات شتوى
المهم

المميزات

الفابيا عربيه اعتماديه
خامات عالية الجودة
ثبات فوق الممتاز
صالون واسع جداااااا
يعنى ركوبه
عربيه فى مجاملها جميله
و اتمنى انى اجيب واحده
رافاهيه عاليه جدااااااااااااا
الفابيا قليله جداااااااا فى شوارع المحروسه و دى انا بعتبرها ميزة علشان مبقاش من عامة الشعب ههههههههههه

العيوب

اعادة البيع صعب بس لو انتا ناوى تجيبها و تخليها معاك فتره كبيره يبقى ده مش بالنسبالك عيب
قطع الغيار غاليه شويه و تدور عليها شويه
مش اى ميكانيكى بيشتغل فيها و مش اى ميكانيكى فاهم فيها

نسيت تقولنا هى موديل كام
انتظر بردك بقيت الزملاء وافكرهم ايه
وربك المستعان
يارب اكون قادرة افيدك

[أبو زياد]

يا باشا تسلم الايادي والمعلومات القيمة جدا جدا العربية موديل 2004
يا ترى تسوى المبلغ ده ؟؟؟
سألت واحد بيقولي دي ضيقة من جوة وعفشتها فيها مشاكل كتيرة ؟؟؟

بس انا باصدق اهل الخبرة في منتداكم المحترم

بص انا عايزها علشان عندي اربع عيال يعني اسرية كمان انا مش عايش في القاهرة تفتكر ممكن تقرفني في موضوع قطع الغيار ؟؟؟ والاصلاحات العادية

[YHYAKOTB]

54 الف يجيبولك هيونداى فيرنا 2009 ماشية 60 الف عربية جميلة وعائلية وقطع غيارها متوفرة فى السوق

[YHYAKOTB]

نصيحتى كل ماجبت موديل سنة اعلى كل ماهترتاح طبعا الكلام دة مش على العربيات الصينى وطبعا مع مراعاة الكيلوات المقطوعة للسيارة عشان متجبش عربية موديل السنة بس كانت بتتاجر

يعنى عندى اركب عربية فيرنا جديدة ب 70000 احسن مركب عربية سكودا a4 بنفس السعر موديل 2006 دة مثل طبعا مع حبى واحترامى لعربيات اسكودا الجديد جديد

[Moratoz]

54 الف يجيبولك هيونداى فيرنا 2009 ماشية 60 الف عربية جميلة وعائلية وقطع غيارها متوفرة فى السوق

او نوبيرا

[المنسي]

مع احترامى للاراء اللى بتقول اركب فيرنا زيرو بدل اوكتافيا انا ضد الرأى ده لسبب بسيط الالمانى ولا الكورى بس خلاص مش هقول اكتر من كده ولصاحب الموضوع اللى بيسال لو عايز عربية متصرفش عليها لمدة 5 سنين قدام يبقي هات زيرو لو انت عايز عربية اعتمادية وهتهتم بصيانتها يبقي خليك فى الالمانى

[Moratoz]

مع احترامى للاراء اللى بتقول اركب فيرنا زيرو بدل اوكتافيا انا ضد الرأى ده لسبب بسيط الالمانى ولا الكورى بس خلاص مش هقول اكتر من كده ولصاحب الموضوع اللى بيسال لو عايز عربية متصرفش عليها لمدة 5 سنين قدام يبقي هات زيرو لو انت عايز عربية اعتمادية وهتهتم بصيانتها يبقي خليك فى الالمانى

طبعا رأي سيادتك في الأغلب صحيح ولكن الفابيا مش منتشرة قوي وفعلا قطع غيارها مش متوافرة بسهوله انا كنت بسأل عليها من سنتين علشان اجيبها للبيت وكان الأجماع من عند بتوع قطع الغيار ان قطع الغيار ممكن نلف عليها شويه هوا دا الموضوع مش أكثر

[HAITHAM1985]

بعد ما رديت على صاحبنا فى رسالة خاصة بعرض نص اللى أنا قولته :

بص يا صاحبى ......

التقييم كالأتى :

متانة الصنع : 9/10

العملية كركوبة عائلية : 10/10

العملية كركوبة شبابية : 6/10

قوة المكنة بالنسبة للوزن : لراكب واحد 9/10 بدون تشغييل التكييف
لعدد من الركاب 7/10 بدون تشغييل التكييف
وبتكلم على المكنة 1200 سى سى 12 فالف

الثبات : 10/10

السحب : 8/10 لراكب واحد مع التكييف و 6/10 للركاب مع التكييف

إستهلاك البنزين : 8/10 بتعمل 250 كيلو فى الصفيحة لو البنزين تمااااااام

الصيانة : لو من سكان القاهرة أو إسكندرية أو بورسعيد متشلش هم أى صيانة أو أعطال ولككككككككككككككككككككككك ككككككككككككككككككككككن لو أنت من سكان الأقاليم هتتعب شويتيييييييين فى صيانتها وممكن تتضطر تنزل بيها الحرفيين مثلا علشان فلتر زيت بش هيا للأمانة قليلة الأعطال جداااااااااااا


بالنسبة للسعر :

غاااااااااااااااالى أوى العربية رينجها من 43 : 48 حسب الحالة

وإعادة بيعها صعبة لة أنت بتحب تغير ولازم تخسر فيها يجى 5 بواكى

تحياااااااااااااااااااااا تى

[YHYAKOTB]

مع احترامى للاراء اللى بتقول اركب فيرنا زيرو بدل اوكتافيا انا ضد الرأى ده لسبب بسيط الالمانى ولا الكورى بس خلاص مش هقول اكتر من كده ولصاحب الموضوع اللى بيسال لو عايز عربية متصرفش عليها لمدة 5 سنين قدام يبقي هات زيرو لو انت عايز عربية اعتمادية وهتهتم بصيانتها يبقي خليك فى الالمانى

الجديد جديد يامنسى وبعدين الاوكتافيا ممتازة بمعنى الكلمة بس بقى تقدر تقولى الى هجيبها مستعملة حالتها اية وطبعا مفيش مقارنة بين الكورى والالمانى ولا اوكتافيا وفيرنا لان دى فئة ودى فئة المقارنة كانت بين جديد ومستعمل و الكورى ممتاز بردو وخصوصا لو كانت اول رجل

[darehawk]

يظل قسم الاسكودا الاروع في عرض الاراء والنصائح .....وواضح من كلام خبراءنا الكرام ان الفابيا عربية قيمة فعلا وتستاهل الاقتناء ...... حضرتك توكل على الله ونزل في سعرها شوية

[المنسي]

الجديد جديد يامنسى وبعدين الاوكتافيا ممتازة بمعنى الكلمة بس بقى تقدر تقولى الى هجيبها مستعملة حالتها اية وطبعا مفيش مقارنة بين الكورى والالمانى ولا اوكتافيا وفيرنا لان دى فئة ودى فئة المقارنة كانت بين جديد ومستعمل و الكورى ممتاز بردو وخصوصا لو كانت اول رجل

انا عارف والله ان الجديد جديد وعلشان كده انا قلت ان لو عايز يجيب حاجة ويكون اخره فى مصاريفها بنزين وزيت يبقي خليه فى الجديد ولو هو من هواة الالمانى يبقي يجيب حاجة فى الالمانى ده اللى انا قصدته

[أبو زياد]

والله انا فعلا شاكر لكل للأراء التي عرضت واهتمامكم بالموضوع فعلا انا كسبت منتدى محترم جدا