فوجات الفابيا

[Amr_Azab]

دلوقتي أنا حبيت أركب فوجات لـفابيتي
فدورت علي الفوجات الآصلي فلاقيت شكلهم صغير ومعجبنيش بصراحة فحبيت أفتكس افتكاسة كده
ولاقيت أقرب حاجة ليهم هي فوجات الآوبترا 2008 نفس الشكل بس أكبر فجبتهم
بس عشان يركبو لازم الفوج يتقلب عكس ألاوبترا وفعلا قلبته ووسعت في الآكصطدام وركبته
شكلا : فهو رائع بصراحة جدا
أداءا : فنوره ضعيف أوي مش زي مكنت متخيل
فهل الحل أنني أركب زينون في الفوجات ولا أيه الكلام ؟ وهل السبب انني قلبت الفوج ولا أيه ؟

[aymanshebl]

حضرتك تقصد اتقلبوا راسا على عقب ولا اليمين شمال و الشمال يمين لو راسا على عقب اكيد النور هيختلف الى الاضعف طبعا

[Amr_Azab]

اتقلبوا رأسا علي عقب
طيب حلهم أني أركب زينون ولا ايه ؟

[aymanshebl]

لا طبعا هيبقو ضعاف فى الاضاءة لان العاكس بتاع النور بدل ما بيكسر الضوء لاسفل علشان يفرش فى الارض فى الوضع اللى المفروض يتركب فيه صح هيضرب النور لاعلى فى الوضع الحالى اللى العاكس معكوس فا مش هتحس بقوة الاضاءة حتى لو جبت زينون

[Amr_Azab]

امممم
طيب في رأيك أيه الحل ؟!

[aymanshebl]

و الله انا مش لاقيلها حل خالص غير انك للاسف تجيب الفوجات الاصلية بتاعتها و تركب فيها زينون علشان قوة الاضاءة

[Amr_Azab]

انا روحت لواحد بتاع فيبر النهارده وقالي ممكن يتوطوا شوية لآسفل لآنهم كده مش متركبين مظبوط وفيهم ميل لفوق وده مش مظبط الآضاءة فحيلهم ويخلي فيهم ميل لآسفل شوية وربنا يسهل أن شاء الله

[aymanshebl]

بالتوفيق

[aw2100]

انا روحت لواحد بتاع فيبر النهارده وقالي ممكن يتوطوا شوية لآسفل لآنهم كده مش متركبين مظبوط وفيهم ميل لفوق وده مش مظبط الآضاءة فحيلهم ويخلي فيهم ميل لآسفل شوية وربنا يسهل أن شاء الله

طب طالما حتعدل فى الفيبر ماتعدل الفوجات على وضعهم الطبيعى والراجل يعدل القاعدة بتاعتهم علشان يديلك اضاءة صح ؟؟

[Amr_Azab]

والله انا فكرت في الموضوع ده بس حيبقي أصعب وحيحتاج تعديل أكبر
فأنا حعمل محاولة توطية الفوانيس لآسفل ولو معجبتنيش حقلبهم زي الآوبترا وأعدل في الآكصطدام
شكرا علي الآقتراح يا باشا

[mehles]

امممم
طيب في رأيك أيه الحل ؟!

الحل انك تبيع العربية !!!!!
صباح الفل ....هات الفوجات الاصلية ولا زينون ولا غيرة

[Amr_Azab]

الحل انك تبيع العربية !!!!!
صباح الفل ....هات الفوجات الاصلية ولا زينون ولا غيرة

انا بفكر في كده برده حبيعها علي عيبها بقي ههههههههه
بس الحمدلله الموضوع أتظبط والأضاءة بقت فرشة في الآرض كويس بعد ما تم توطية الفوجات
حركبلهم زينون بقي بلمض 4300K وتبقي زي الفل كده

[aw2100]

مبروك على التظبيط !!!!!!!!!!

[Amr_Azab]

مبروك على التظبيط !!!!!!!!!!

الله يبارك فيك يا باشا وشكرا لآهتمامك

[forti]

مبروك بس مش كنت تصورهمملنا