اشترى سكودا فابيا دى ولا بلاش

[mohamedbmw]

السلام عليكم ... يا اعضاء قسم سكودا المحترمين
كنت عاوز اخد رأيكم فى عربية سكودا فابيا معروضة عليا وعاوز اعرف غالية ولا رخصية وكمان أرجو افادتكم بخصوص اسعار قطع غيارها متوسطة ولا غالية ، وبردة بالنسبة لأعادة البيع
العربية موديل 2003 - 1400 سى سى
اللون نحاسى
الناقل اتوماتيك
العداد 250 ألف
فابريكا برة وجوة
فيها خبطة بسيطة فى القايم بتاع الباب الخلفى اللى فى اخر العربية وطبعا مش مستعدلها عشان العربية فابريكا وصاحبها مش عاوز يرشها بعد ما يستعدلها
ومن جوا العربية رايقة وحلوة
السعر النهائى 50 الف

[fares_311]

هيه سعر الفابيا المستعمل 2003 ال 1400من 40 الف - 55 الف حسب نظافه العربيه

مواصفات العربيه اللي بتقول عليها أوكي بس ماشيه كيلو كتير لازم تتأكد من حالتها تماما

ولو سليمه ممكن تخلصها ب 48 او 49

[mohamedbmw]

هيه سعر الفابيا المستعمل 2003 ال 1400من 40 الف - 55 الف حسب نظافه العربيه

مواصفات العربيه اللي بتقول عليها أوكي بس ماشيه كيلو كتير لازم تتأكد من حالتها تماما

ولو سليمه ممكن تخلصها ب 48 او 49

شكرا للأفادة

[fares_311]

العفو يا باشا

[Moratoz]

اعتقد بالسعر دا تجيب حاله افضل من كدة والعربيه متتعبش فبطريقة برة وجوة لأنك لما هتشتريها هتروح تعمل القايم وترشده وساعتها العربيه هتبقي رشه دواخل وسعرها هيقل كتير بالاضافة الي الكيلو متر العالي

[ahhazem]

اعتقد بالسعر دا تجيب حاله افضل من كدة والعربيه متتعبش فبطريقة برة وجوة لأنك لما هتشتريها هتروح تعمل القايم وترشده وساعتها العربيه هتبقي رشه دواخل وسعرها هيقل كتير بالاضافة الي الكيلو متر العالي

المشكلة ان اللي بيبيع عربيته وفيها حاجة عاوزه تتعمل يقوللك انا مش مضايقاني كده ولو انت عاوز تعملها دي بتاعتك وانا معملتهاش علشان تفضل فابريكا
الكلام ده سمعته كتير
شوف لو تقدر تنزل من سعرها على اساس انه معترف ان الخبطه دي تعيب الفابريكه اللي بيتكلم عليها يبقى شيء كويس
ولو غير كده فكر تاني واستخير ربنا كويس وكمان فكر في موضوع الكيلومتر الكتير ده
وخصوصآ انا اسمع ان العربية دي حاجتها غالية وبعضها نادر غير ان صيانتها كمان مكلفة وده في مقابل انها بالطبع عربية محترمة جداً
وربنا يوفقك ويباركلك ان شاء الله

[المنسي]

شوف حالة الموتور ايه .... بس خلاص

[A.Roushdy]

عداد الكيلوات عالي يا باشا
صعب تكون فبريقة جوا وبرا وهي عاملة كل الكيلوات دي، حاول تتأكد من الموضوع دة
انا عربيتي طالع ايمانها من كل النواحي حك ورزع وترييحات وتقشير عدا الكبوت والسقف وعاملة 90 الف كيلو وهي موديل 2005

[Amr_Azab]

عداد الكيلوات عالي يا باشا
صعب تكون فبريقة جوا وبرا وهي عاملة كل الكيلوات دي، حاول تتأكد من الموضوع دة
انا عربيتي طالع ايمانها من كل النواحي حك ورزع وترييحات وتقشير عدا الكبوت والسقف وعاملة 90 الف كيلو وهي موديل 2005

عادي ممكن علي فكرة لان موضوع الكم ده مش المقياس الآساسي
يعني ممكن تكون مشاويره كتيرة بس محافظ عليها كويس وممكن واحد تاني ممشاش كتير بس محافظش عليها
انا عربيتي 180000 كم وفابريقة برا وجوة ماعدا ألاكصطدامات ورفرف واحد وموديل 2002
فالموضوع ليه علاقة أكثر بالآستخدام مش الكم

[Amr_Azab]

أكشف عليها كويس يا باشا في أي مركز متخصص
موتور
عفشة ويفضل ترفعها وتفك التصفيح من أسفل عشان تعرف تكشف عليها كويس
اتأكد ان العدادات كلها شغالة
دواخل العربية متكنش مرشوشة
وبالنسبة لقطع الغيار فهي موجودة متقلقش وفي منها المعقول ومنها الغالي شوية بس لما بتدور بتجيبها بسعر كويس وهي معمرة جدا جدا
فخلاصة الكلام : الفابيا ياتجيبها عربية حالتها ممتازة يا متجبهاش متقولش حجيبها وأصلحا وأصرف عليها وربنا يوفقك

[A.Roushdy]

عادي ممكن علي فكرة لان موضوع الكم ده مش المقياس الآساسي
يعني ممكن تكون مشاويره كتيرة بس محافظ عليها كويس وممكن واحد تاني ممشاش كتير بس محافظش عليها
انا عربيتي 180000 كم وفابريقة برا وجوة ماعدا ألاكصطدامات ورفرف واحد وموديل 2002
فالموضوع ليه علاقة أكثر بالآستخدام مش الكم

ربنا يباركلك فيها يا باشا
مع ان والله انا سواقتي محترمة جدا شبة سواقة العواجيز كدة، بس زي ما تقول العين وحشة، منين ما اركنها في مكان لازم ارجع الاقيها مخبوطة او محكوكة، مع اني حاططها في جراج تحت عمارتنا، ومع ذلك لازم تتحك مرة ولا حاجة كل اسبوع وهي واقفة مكانها، شكل فلوس ابويا مش حلال

[Amr_Azab]

ربنا يباركلك فيها يا باشا
مع ان والله انا سواقتي محترمة جدا شبة سواقة العواجيز كدة، بس زي ما تقول العين وحشة، منين ما اركنها في مكان لازم ارجع الاقيها مخبوطة او محكوكة، مع اني حاططها في جراج تحت عمارتنا، ومع ذلك لازم تتحك مرة ولا حاجة كل اسبوع وهي واقفة مكانها، شكل فلوس ابويا مش حلال

ربنا يخليك يا باشا
وفي الاول والاخر موضوع الخبطات ده بيبقي نصيب الواحد بيبقي راكن وينزل يلاقيها مخبوطة فعلا
أهم حاجة بس انك تعمل اللي عليك ومتحطهاش في ملطش مثلا وتعمل صيانتها اول بأول لآن العربيات دي بالذات زي متقول كده حساسة شوية
حتهتم بيها كويس حتلاقي منها أحلي أداء وأحلي شغل وحتتمتع بيها
حتهملها يبقي حتكره اليوم اللي جبتها فيه