مساعدة لقرار شراء الفابيا

[5aled3li]

اولا السلام عليكم ورحمة الله وبركاته :)

احب اشكر الناس الخدومه هنا جدا على اضافاتهم الجميلة و المفيدة اللي كونت منها معلومات كويسة عن العربية :)

السؤال بكل بساطة و تفصيل في نفس الوقت ..
أنا بدور على عربية في حدود ال 45000 حتى 50000 .. وقع تحت عيني الفابيا و عجبني امكانيتها المترافقة مع سعرها .. لكن كطبيعة السوق المصري مش امكانيات العربية هي الحكم الفيصل في قرار زي ده ..
لذلك هقسم الاستفسار ده في صيغة اسئلة صغيرة و محددة و ارجو من أي حد عنده خبرة في العربية دي يفيدني ربنا يجازيه خير :)

1- امكانيات العربية
.... a- أنا عارف إن العربية نزلت بكذا سعة للموتور 1000 و 1200 و 1400 و كل واحد ليه المواصفات بتاعته من حيث الصمامات و إذا كان HTP أو MPI و ده كله بيفرق في الPower ...... لو حد يعرف إيه اللي نزل السوق في مصر هنا و إيه المنتشر و الاقل شكوى منه
.... b- الثبات و عوامل الأمان

2- الشكاوى المتكررة ؟؟ "يعني إيه أكتر جزء بيحصل فيه اعطال .. و هل دي اجزاء حيوية ؟؟" كل عربية ليها جزء مميز كده بيبوظ ديما :D

3- اعتمادية و توافر قطع الغيار و اسعارها ؟ " أنا عارف إنها مشتركة مع كذا حاجة تانية خصوصا إنها تحت مظلة "VW" و إن الاجزاء ليها serial و ليست مقتصرة على نوع واحد"

4- إيه هي الحالة اللي اقدر اقول عليها حالة جيده ؟؟
من حيث الكيلوات و إيه اتغير و إيه لسة

5- لو جيت اكشف عليها .. إيه اهم حاجة اركز عليها و إيه ممكن يكون ثانوي ؟؟


أنا عارف إني اطلت جدا جدا .. لكني فعلا حيران و اكيد حضراتكم عارفين الإحساس ده لما جيتو تشتروا :)

ملحوظة: أنا هندسة ميكانيكا .. بحب افك و أركب و افهم ده ليه وإزاي و كده و أعمل حاجتي بنفسي فإن شاء الله ناوي اعلم نفسي عليها كتير .. فهل ده هينفع معاها ولا العربية هتزعل مني ؟؟ :D

شكرا مقدما ليكم و ارجو الرد قريبا قبل ما البس في الجوليت :D " مع تقديري ليها و إنها ايضا عربية مناسبة لإحتياجاتي" بس قلبي اقرب للفابيا

[noureldenadel4]

متابع بشده عشان بصراحته نفس ظروفي و كمان عايز ابعد عن الانوس
وشكرا مقدما

[eng_hsntawfik]

اولا فابيا عربية ممتازه تحت اي بند من اللي بتدور عليه
لها مميزات وعيوب كأي عربية
عيوب :
- غير منتشره في مصر
- تقيله في بيعها بس في ناس بتدور عليها وبتحبها وعلشان الناس فاكرا انها غااااااليه وملهاش قطع غيار
المميزات :
- ثبات ممتاز ( انا كنت ماشي 160 ) ومش حاسس ان في فرق في العربية عن وانا ماشي 100 مثلا
- صاج وشاسيه مافيش وصف غير انها عربيه متينة ( خبطت عربية فيرنا فيا من ورا ) الفيرنا جابت كبوت ورفرف- واكسدام وفانوس - وانا الحمد لله دخلت حتة كده من الشنطه جوه شويه وتترد على البارد (الحمد لله)
- عربية فخمة في صالونها زي الاكتافيا - مناسبة لخمس اشخاص عائلية
- شنطتها اوسع من اي فئه ليها زي البكانتو مثلا
سحبها كويس رغم انها معقوله في الغيار التاني
* قطع الغيار اللي هو سمعتها السيئة ) كل حاجة ليها موجوده سواء استيراد او جديد وزي اي تجار ممكن يغشو في قطع الغيار عادي
انا عربيتي 1400 موديل 2001 - الحمد لله كل حاجة ليها موجوده - بالاضافة إلى ليها بديل في عائلة vw
متقلقش بس سمعنها مش حلوه بسبب النقطة ديه -
- اسعار قطع غيرها زيها زي الالماني مش غالية اوي ومش رخيصة مقارنتا مثلا بالبولو
الصنايعية لما بتشوفها بيرفض انه يشتغل فيها وده غباء منه لانها سهله جدا زي أي عربية - ليه لان صاحبها في الغالب مش بيدفع كتير زي صاحب الاكتافيا - - لما تعمل شغلانه بخمسين في الفابيا بتاع الاكتافيا هايدفع 200 وهكذا
افضل موديلات العربية صاحبة ماتور 1400 ثم 1000 وياريت تبعد عن 1200 لان ديه هي اللي مطلعة عين اصحابها في الاخر بيسقط ماتور 1400 وبيريح دماغة

ياريت اكون افدتك فيها استخير ربنا واستشير كتير واكشف كويس جدا - وفي الاخر زيها زي البطيخة ممهما تطبل عليها مش هاتعرف حلوة ولا لأ إلا لما تجربها


مهندس / حسن توفيق

[5aled3li]

اولا فابيا عربية ممتازه تحت اي بند من اللي بتدور عليه
لها مميزات وعيوب كأي عربية
عيوب :
- غير منتشره في مصر
- تقيله في بيعها بس في ناس بتدور عليها وبتحبها وعلشان الناس فاكرا انها غااااااليه وملهاش قطع غيار
المميزات :
- ثبات ممتاز ( انا كنت ماشي 160 ) ومش حاسس ان في فرق في العربية عن وانا ماشي 100 مثلا
- صاج وشاسيه مافيش وصف غير انها عربيه متينة ( خبطت عربية فيرنا فيا من ورا ) الفيرنا جابت كبوت ورفرف- واكسدام وفانوس - وانا الحمد لله دخلت حتة كده من الشنطه جوه شويه وتترد على البارد (الحمد لله)
- عربية فخمة في صالونها زي الاكتافيا - مناسبة لخمس اشخاص عائلية
- شنطتها اوسع من اي فئه ليها زي البكانتو مثلا
سحبها كويس رغم انها معقوله في الغيار التاني
* قطع الغيار اللي هو سمعتها السيئة ) كل حاجة ليها موجوده سواء استيراد او جديد وزي اي تجار ممكن يغشو في قطع الغيار عادي
انا عربيتي 1400 موديل 2001 - الحمد لله كل حاجة ليها موجوده - بالاضافة إلى ليها بديل في عائلة vw
متقلقش بس سمعنها مش حلوه بسبب النقطة ديه -
- اسعار قطع غيرها زيها زي الالماني مش غالية اوي ومش رخيصة مقارنتا مثلا بالبولو
الصنايعية لما بتشوفها بيرفض انه يشتغل فيها وده غباء منه لانها سهله جدا زي أي عربية - ليه لان صاحبها في الغالب مش بيدفع كتير زي صاحب الاكتافيا - - لما تعمل شغلانه بخمسين في الفابيا بتاع الاكتافيا هايدفع 200 وهكذا
افضل موديلات العربية صاحبة ماتور 1400 ثم 1000 وياريت تبعد عن 1200 لان ديه هي اللي مطلعة عين اصحابها في الاخر بيسقط ماتور 1400 وبيريح دماغة

ياريت اكون افدتك فيها استخير ربنا واستشير كتير واكشف كويس جدا - وفي الاخر زيها زي البطيخة ممهما تطبل عليها مش هاتعرف حلوة ولا لأ إلا لما تجربها


مهندس / حسن توفيق

أولا أنا شكر جدا جدا لحضرتك يا باشمهندس حسن و اهتمامك و ردك الوافي جدا :)
كلام حضرتك فعلا جميل و واقعي بعيد عن أي مبالغة جيدة أو سيئة تجاه العربية ..
المشكلة فعلا اللي واقفة قصادي في الموضوع ده هو إني ألاقي منها معروض و إني الاقي من المعروض ده حالة نضيفة ..
أنا لسة مكلم واحد عارض عربيته و مواصفاتها كالآتي :
موديل 2003 .. 1200cc
111000 كم
رشة بره
رخصة حتى شهر 11
عامل فيها صيانتها .. مغير طقم شنبر و حاجات في العفشه
مطلوب فيها 42000

هل السعر ده قليل ؟؟ .. هل يدل إن العربية حالتها مش جيدة ؟؟
أنا سألته هل هو يمنع لو اخدتها اكشف عليها قال لي اطلاقا و إن هو عايز يبيعها بس عشان يجيب حاجة اكبر انما العربية مريحاه جدا و انه تاني يد
أنا عارف إنها 1200cc و ده point ضدها بس حضرتك عارف العرض و الطلب عليها في السوق بيكتف الواحد في الاختيارات
رأي حضرتك إيه ؟؟

[Amr_Azab]

طبعا مهندس حسن شرحلك كل حاجة بشكل وافي
وموضوع الـمحرك الـ 1200 سي سي فهو ليه قطع غيار ولكنه أصعب شوية من باقي الفئات
يعني بالترتيب من الآفضل يبقي
الـ 1400 16 صباب ثم الـ 1400 8 صباب ثم الـ 1000 سي سي 8 صباب ثم الـ 1200
والموضوع بيرجع علي حسب أستخدامك للعربية برده هل عايزها للجري والشد ؟ ولا أستخدام عادي ولا ... ؟

وأهم حاجة بقي أن حضرتك متجبش فابيا غير وحالتها ممتازة ولا تتنازل أبدا عن الحالة حتي لو حتدفع أكتر شوية

[eng_adel83]

سلام عليكم
انا عندى عربيتى سكودا فابيا 1000 سى سى 4 سلندر حالتها الحمد لله كويسه وانا لسه مغيرلها حاجات كتير زى كبالن داخلى وبيض مقصات من 7 شهور
والموتور لسه مغيرله طقم شنبر مع طقم جوانات كامل جديد من ايام
سير الكاتينه لسه جديد المانى من ايام
طلمبة ميه وسير مجموعه جداد من 7 شهور
2 جنط امامى هانكوك جداد من 7 شهور
والعربيه للبيع لو حد عايز يشترى مطلوب فيها 42 هي سعرها 40 بس انا لسه صارف عليها مبلغ كبير يعنى مش محتاجه صيانات
اللون نبيتى

[EngAhmedSayed]

اولا فابيا عربية ممتازه تحت اي بند من اللي بتدور عليه
لها مميزات وعيوب كأي عربية
عيوب :
- غير منتشره في مصر
- تقيله في بيعها بس في ناس بتدور عليها وبتحبها وعلشان الناس فاكرا انها غااااااليه وملهاش قطع غيار
المميزات :
- ثبات ممتاز ( انا كنت ماشي 160 ) ومش حاسس ان في فرق في العربية عن وانا ماشي 100 مثلا
- صاج وشاسيه مافيش وصف غير انها عربيه متينة ( خبطت عربية فيرنا فيا من ورا ) الفيرنا جابت كبوت ورفرف- واكسدام وفانوس - وانا الحمد لله دخلت حتة كده من الشنطه جوه شويه وتترد على البارد (الحمد لله)
- عربية فخمة في صالونها زي الاكتافيا - مناسبة لخمس اشخاص عائلية
- شنطتها اوسع من اي فئه ليها زي البكانتو مثلا
سحبها كويس رغم انها معقوله في الغيار التاني
* قطع الغيار اللي هو سمعتها السيئة ) كل حاجة ليها موجوده سواء استيراد او جديد وزي اي تجار ممكن يغشو في قطع الغيار عادي
انا عربيتي 1400 موديل 2001 - الحمد لله كل حاجة ليها موجوده - بالاضافة إلى ليها بديل في عائلة vw
متقلقش بس سمعنها مش حلوه بسبب النقطة ديه -
- اسعار قطع غيرها زيها زي الالماني مش غالية اوي ومش رخيصة مقارنتا مثلا بالبولو
الصنايعية لما بتشوفها بيرفض انه يشتغل فيها وده غباء منه لانها سهله جدا زي أي عربية - ليه لان صاحبها في الغالب مش بيدفع كتير زي صاحب الاكتافيا - - لما تعمل شغلانه بخمسين في الفابيا بتاع الاكتافيا هايدفع 200 وهكذا
افضل موديلات العربية صاحبة ماتور 1400 ثم 1000 وياريت تبعد عن 1200 لان ديه هي اللي مطلعة عين اصحابها في الاخر بيسقط ماتور 1400 وبيريح دماغة

ياريت اكون افدتك فيها استخير ربنا واستشير كتير واكشف كويس جدا - وفي الاخر زيها زي البطيخة ممهما تطبل عليها مش هاتعرف حلوة ولا لأ إلا لما تجربها


مهندس / حسن توفيق

مفيش كلام بعد كلامك الصراحة
وبخصوص قطع الغيار الحمد لله تعالى تم حل المشكلة و على اسس علمية

بالتوفيق للجميع

[eng_hsntawfik]

شكرا على زوقك - والرأي أمانه سوف نسأل عليها يوم القيامه ومش مبالغة في العربية

[esamyounes]

السلام عليكم من فضلكم انا اشتريت فابيا ٢٠٠٣ ١٢٠٠ سي سي للاسف محتاجة طقم شنبر لانها بترعش في السلانسية فقط و دة بالرغم ان سحبها ممتاز و الرعشة بتختفي لما بزود بنزين استشرت ٢متخصصين في السكودا و اتفقوا على نفس الكلام ان الصباب التالت مش شغال كويس بيعلق في السلانسة فقط كنت بستفسر عن سعر طقم الشنبر و احسن حد يغيره مين يا ريت الرد سريعا من فضلكم و شكرا

[Amr_Azab]

في عندك تامر خطاب عضو معانة هنا
عندو مركز صيانة في حته اسمها صقر قريش في القاهرة
وماعه فابيا وفاهم فيها جدا وعنده قطع غيار

[eng_hsntawfik]

تامر خطاب راجل محترم وعن تجربه - ورشة في المعادي- ورقمه 01111180050
وفي وحد انا مجربتوش بس شغال في الفابيا وسكودا عامة اسمه محسن سكودا عند محطة الكهرباء - جسر السويس - الجراج 01004737808
وبقى طمنى عملت أيه

[eng_hsntawfik]

انا لاحظت ان السؤال ده مكرر مع ناس كتيير - يشتري فابيا ولا لأ - علشان الناس قالتو ابعدعنها من غير ما بسألو اصحاب الفابيا نفسهم وفي نفس الوقت العربية تحفه وسعرها حنين بنسبه لموديلها اللي فوق 2000 - - وكلنا خضنا نفس التفكير - وعلشان كده هاقلول للناس اللي بدور على الفابيا وبتسألنا عليها - هي عربية محترمة جدا - شكلا وموضوعا - وقطع الغيار زي البولو و قريبة من الاكتافيا - ف
-فلو بتحب الركوب الالماني يبقى توكل على الله - بس اعمل حسابك انك هاتصرف - معليش اصلها هاتكون مستعمله
لو عاوز تبيع وتشتري عربية بيقى خليك في الكوري