سكودا فابيا 2000 الى 2005 تعرف على قيمة و وظيفة كل فيوز ات العربية

[EngAhmedSayed]

سكودا فابيا
2000 الى 2005
تعرف على قيمة و وظيفة كل فيوز

و الفيوز يعتبر احدى مكونات العربية المهمة جداااا و يعتبر اداة حماية لركابى السيارة ثم السيارة نفسها و هام جدااااا ان يضع كل فيوز بقيمتها لانها عملية محسوبة جداااااا
يعنى مثلا على سبيل المثال
حصل قفلة فى سلك سلك انقطع و لمس فى جسم العربية كل دى احتمالات
مروحة التبريد قفشة و دة فيوزها 25 امبير طبعا المروحة فى الحالة دى الموتور قافش فا طبيعى هتسحب امبير فى تزايد مرتفع لو انا حطط فيوز 25 امبير هيعمل فصل فى دايرة المروحة و يبقى كدة امان
طيب لو حطينا فيوز 30 او 35 امبير اية اللى هيحصل طبعا زيادة الامبير على السلك هيؤدى الى سخونة و السخونة هتسيح العزل الخاص بالسلك ثم يؤدى الى اشتعال السلك و هنا بقى شرارة الحريق و يمتد الى بقيت السيارة و الفيوز مش هيفصل لانى قيمة الفيوز الامبير اعلى من قيمة سحب الامبير

طيب اية اللى حصل و اية التحلييل العلمى
سيادتك السلك مصمم انو يتحمل قيمة 26 او 27 امبير و متأمن بفيوز 25 امبير اولا ما الامبير يعلى الفيوز يفصل ليه علشان القيمة هنا مظبوطة
طيب لو حطينا فيوز قيمته اعلى هيحصل اية السلك مش هيتحمل و هيسيح و الفيوز مش هيفصل و يحصل حريق لا قدر الله

الموضوع ده مهم جداااا اغلبية الكهربائية و الميكانكية بيحطو اى فيوز و خلاص و مش فاهم هو عاوز يقلب الزبون و الزبون بيفرح لما بيدور العربية

تحياتى بالتوفيق للجميع
م / احمد سيد
منسق قسم سكودا

[karamfone]

سوال وشكرا على صورة كارت الفيوزات مع ان الكارت اللى عندى فى علبة الفيوزات فيه بعض التغيرات وانا كنت متاكد انه مش للفابيا ال 2004 - 3 سلندر واهم ما فى موضوعك بالنسبالى ان الفيوز رقم 33 كان مش موجود اساسا فى العربية لما اشتريتها بس مكنش مقصر معايا فى اى حاجة حتى لما ركبتو بردو مفيش اى تاثير وكنت عايز اعرف هو كام امبير بالظبط كنت عايز اسالك
سوال تانى بخصوص الكباس هل ليه لمبة فى الطبلوه بتظهر شكل الكباس جمب لمبة الهاند بريك عندك فى عربيتك ؟؟؟؟؟؟ زى لمبة الدينمو ولمبة البور ؟؟

[pharaoh8880]

موضوع مهم. شكرا جزيلا