ملاك الـ Mini Fabia....ما هو تقيمك للسيارة؟

[Busquets]

حبيت اعمل الموضوع دا مع انى عارف انى مش هلاقى تجاوب كبير لان الفابيا المينى مش منتشرة مع انها عربية قوية جدا

حبيت اعرف اراء اللى جربها و اللى معاه و اللى مع واحد صاحبه

خاصة الـ 1400, و خصوصا بعد نزول تمنها الى 88900, و دا خلاها تنافس عربيات كتير فى نفس الفئة.

ما يميز الفابيا عن بقية السيارات فى مصر ان امكانياتها الداخلية لا تختلف فى اى من فئاتها! و دا افضل شئ فيها ان الامكانيات ثابته مش زى معظم العربيات اللى فى مصر بيتشال الكاسيت مثلاً و يتركبلك بلاستكه شكلها حقير مكان الكاسيت, حتى العدادات ثابته بـ الشاشة اللى فيه لقياس الرحلات و استهلاك البنزين

على فكرة الفابيا الـ 1400 هى هى الابيزا الشيب الجديد 1400 يعنى نفس الموتور و نفس كل شئ مع اختلاف الشكل الداخلى لصالح الابيزا, بس الامكانيات واحده كموتور فى السيارتين.

ما علينا العربية امكانياتها حلوة جدا, احلى حاجة فيها التكيف اللى بيخلى العربية نص ساقع و نص سخن لو حبيت, عاجبنى اوى :), ياريت لو فى حد يعرف عنها حاجة ما يبخلش علينا

[Busquets]

ايه يا جدعان ماحدش شاف العربية دى قبل كدا ولا ايه :)

[crazylambada]

العربية تحفة خصوصابعد ما حطوها في السعر المظبوط بتاعها
يكفي انك بتشتري عربية مطمن عليها
بس نصيحةمنياستنى شويا
متخفش منكلمةلفترة محدودة دي للتهويش بس
اصبر لحد معرض فورميلا الاهرام
لان كل حاجة حتبان ساعتها
و متخفشالعربيةمش حتغلى
في جميعالاحوال حترخص

[Busquets]

كدا كدا اللون اللى انا عايزه مش عندهم و هيجيى بعد شهر من الحجز

يعنى لازم استنى

شكرا ليك

[crazylambada]

كل ده كلام و حركات
مش حيبقىاكتر من لما قالوا على اسعار 2008 ومحدشاشترى كانوا منزلين5الاف وقالوا للدفعة الاولى فقط
و بعد كده السعر فضل متثبت بس مشالوش كلمة للدفعة الاولىفقطفيالاعلانات
رغمبقى ان اول دفعة كانتدفتين اصلا بينهم اسبوعواحد بس

[Busquets]

انا العربية عجبانى لانها المانى اولا و ثانيا فيها امكانيات حلوة اوى و اكتر من سعرها كمان

موتورها حلو على جسمها و ستابل زى ما قريت فى احد الموضيع هنا

بس بردو الواحد عايز يشوف اراء الناس فيها و خاصة بعد سعرها الجديد اللى انا شايف انو لقطة

[KHALED AYMAN]

فعلا انا احترمت العربيه اوى بعد مسعرها نزل و كمان انا شايف انها اوكتافيا على صغير و دى ميزه مش عيب

[Busquets]

venus-doom
عضو برونزي



اه وش هو حد طايل اوكتافيا بـ 89 زيرو :)

بس دى على صغير اوى اوى موتورها 1400

بس فولكس فاجن يعنى تمام التمام

صحيح انت معاك اوكتافيا

استحمل الكم سؤال دول!

توكيلها نضيف؟؟ و ليه مكان تانى غير غمره؟ اصل فى واحد قال لى ان فيه توكيل فى التجمع بس مش متأكد منو فعايز اتأكد؟

شكرا ليك مقدما

[KHALED AYMAN]

venus-doom
عضو برونزي



اه وش هو حد طايل اوكتافيا بـ 89 زيرو :)

بس دى على صغير اوى اوى موتورها 1400

بس فولكس فاجن يعنى تمام التمام

صحيح انت معاك اوكتافيا

استحمل الكم سؤال دول!

توكيلها نضيف؟؟ و ليه مكان تانى غير غمره؟ اصل فى واحد قال لى ان فيه توكيل فى التجمع بس مش متأكد منو فعايز اتأكد؟

شكرا ليك مقدما

يا باشا انت تؤمر و انا انفذ .بالنسبه للتوكيل اعتقدا ان الى فى التجمع الخامس ده اسمه وهدان و ده كان شغال فى العربيات الخليجى و بعد كده بقى معتمد من ارتوك (بس مش متاكد من العنوان ان كان هو ولا لا )الى متاكد منه ان فى فرع فى اسكندريه على الصحراوى اسمه نور الدين شريف .
التوكيل نضيف الى حد ما يعنى شغله كويس بس مش ممتاز .
الفابيا فى منها 1600 على فكره و دى هيكون جبار عليها

[crazylambada]

على فكرةموتور الفابيا اقوىمنالوكتافيالانه105
ومكتوب انالفابيابتجيب ال100في 10ثواني بس
طبعا جامد لان الاوكتافيا بتجيبهم 12.5

[Mustafa_Farouk]

tab eih nezam el3arabiya ?? i mean is anybody make test drive ??

[Busquets]

يا باشا انت تؤمر و انا انفذ .بالنسبه للتوكيل اعتقدا ان الى فى التجمع الخامس ده اسمه وهدان و ده كان شغال فى العربيات الخليجى و بعد كده بقى معتمد من ارتوك (بس مش متاكد من العنوان ان كان هو ولا لا )الى متاكد منه ان فى فرع فى اسكندريه على الصحراوى اسمه نور الدين شريف .
التوكيل نضيف الى حد ما يعنى شغله كويس بس مش ممتاز .
الفابيا فى منها 1600 على فكره و دى هيكون جبار عليها

يا باشا الله يخليك :)

عارف ان فى منها 1600 بس فى فرق 20 الف جنية :)

فـ المانويل 1400 حلوه بردو و بتجيب الـ 100 فى 12.8 ثانية و بعدين انا مش داخل بيها سباق انا عايز حاجة حلوة و مضمونه و تعيش 5 سنين مثلا

و الفابيا و الجراند بونتو كذلك

شكرا ليك على الرد السريع و كل سنة و انت طيب هابى نيو ييير:)

[د.محمد الشيخ]

العربية فعلا ممتازة خاصة ال 1600 منها لان موتورها حيبقى جبار وقوى جدا

انا زرت التوكيل من يومين وشفتها على الطبيعة فعلا جميلة
وشفت كمان ال Combi وعجبتنى جدا لانها كبيرة وفخمة
وطبعا شفت كمان ال Roomster الجديدة بموديلاتها المختلفة .
انا عموما بحترم جدا سكودا خاصة الموديلات الجديدة لانهم حطوا فيها تكنولوجيا جديدة ومتطورة
وعلى فكرة هى نفس المواتير والتكنولوجى اللى موجود فى الجولف والباسات الجديد

لو تحبوا انا ممكن انزلكم المواصفات الكاملة للموديلين ال 1400 وال 1600 من واقع الكتالوجات اللى اخدتها من التوكيل .

[Busquets]

العربية فعلا ممتازة خاصة ال 1600 منها لان موتورها حيبقى جبار وقوى جدا

انا زرت التوكيل من يومين وشفتها على الطبيعة فعلا جميلة
وشفت كمان ال Combi وعجبتنى جدا لانها كبيرة وفخمة
وطبعا شفت كمان ال Roomster الجديدة بموديلاتها المختلفة .
انا عموما بحترم جدا سكودا خاصة الموديلات الجديدة لانهم حطوا فيها تكنولوجيا جديدة ومتطورة
وعلى فكرة هى نفس المواتير والتكنولوجى اللى موجود فى الجولف والباسات الجديد

لو تحبوا انا ممكن انزلكم المواصفات الكاملة للموديلين ال 1400 وال 1600 من واقع الكتالوجات اللى اخدتها من التوكيل .

بس الـ 1400 تفى بالغرض على ما اظن

و لو تحط امكانيات الـ 1400 يبقى كتر خيرك

لما سألت فى التوكيل قاللى ان ال1600 ول1400 نفس الامكانيات!

[د.محمد الشيخ]

بس الـ 1400 تفى بالغرض على ما اظن

و لو تحط امكانيات الـ 1400 يبقى كتر خيرك

لما سألت فى التوكيل قاللى ان ال1600 ول1400 نفس الامكانيات!

حاضر طبعا ...ادخلها على الاسكانر حالا وانزلها عشان تبقى مرتبة اكتر .