لو تكرمتوا تساعدوني في الميني فابيا حاجة لله

[hazembarakat]

انا ناوي أشتري الميني فابيا و بفكر في نفس الوقت فالرينو سيمبول
بس عايز أسالكوا سؤال هل سعر الميني فابيا حلو عليها والا غالية عليها
و هل سعر إعادة بيعها حلو والا اه نظامه ؟
مع العلم إن العجبني فالميني فابيا علوها على أرض مقارنة بالفابيا و انها الماني متقفلة في الصين
لكن الرينو فرنساوي متقفل في تركيا
الفابيا متجلربة و بيشكروا فيها لكن الرينو لم يتم إختبارها بعد
انا مش عارف صيانة الفابيا مع توكيلها عاملة اه بس عارف إن الرينو التوكيل فوق الممتاز
مش عايز نظام الييخوش يتصور جنب الموضوع و يطلع برا
تبرع والو بجنيه

[LanCeLoT]

استذي الكريم انا زيك بالظبط بس محتار بينها و بين السيريون ... انا سمعت فيها كلام حلو بس سمعت في السيريون كلام احلى ... المشكلة انا مش هتلاقي كتير يفيدونا ... لانها مش منتشرة ... و كمان انا سمعت ان سعرها لسه هينزل لان توكيلها عاوز يمشي سوقها ... بجد ما تفهمش ليه هيا مش منتشرة مع اني شايف انها عربية جميلة ...
و اخر اسعار انا سمعتها كانت 84000 لل 1400
و 110000 لل 1600

[hazembarakat]

فين لقيت ال1400 ب84 ألف ؟

[Busquets]

العربية ب-٨٩
العربية يا جماعة خرافة
السريون هتسمع عنها أحلى كلام لأنها منتشرة بس الوزن ول موتور وكلو ف صالح الفابيا
الموتور فولكس فاجن يعني مفيش أحسن من كدا
الوزن ١٥٠٠ كلو تقريباً
العربية خرافية وامكانياتها حلوة جداً
بس للأسف مش منتشرة مش عارف له

[medosylka]

ايوه فعلا المصريه كانت منزلاها بمقدم 8490
وده دايما بيبقي 10%

[Mustafa_Farouk]

انا مع العلم إن العجبني فالميني فابيا علوها على أرض مقارنة بالفابيا و انها الماني متقفلة في الصين

is that true?? Fabia finish in China !!!

[abou_ruqi]

فالرينو سيمبول

ايه الرينو سيمبول دي ؟؟
معندكش رابط نشوف صور ليها ؟

[abou_ruqi]

هيه دي ؟

http://www.renault.com.tr/model/gallery.asp?modelID=37

والله حلوة قوي ، يا رجل سيك من الفابيا صيني ايه و بتاع ايه

امال السيمبول مش منتشرة ليه ؟

[hazembarakat]

معلش أنا كتبتها غلطة هيا ألماني متقفلة في التشيك

[mahmoud_nov1985]

اعتقد ان الفابيا فى السوق اسمها احسن

[LanCeLoT]

يا جماعة في حد عنده مصدر تاني لاسعار السيارات غير contact cars احسن احيانا بحس انهم بيحدثوا كل 20 سنة ... لأان انا سألت على الميني فابيا في معرضkia اللي في النزهة ... قالي 1400ال ب84900 ولسه هتنزل

[hazembarakat]

ممكن نمرة المعرض ده لو تسمح يا أستاذ lancelot ؟
انا عندي فكرة لو في كذا واحد من المنتدى ناوي يجبها إن شاء الله ممكن نتجمع و ناخد تخفيض لو فيه إمكانية

[farahat]

يا جماعة في حد عنده مصدر تاني لاسعار السيارات غير contact cars احسن احيانا بحس انهم بيحدثوا كل 20 سنة ... لأان انا سألت على الميني فابيا في معرضkia اللي في النزهة ... قالي 1400ال ب84900 ولسه هتنزل

هل الأسعار دي موديل ٢٠٠٩ ولا ٢٠٠٨ ؟ و هل هي بالضمان ولا خليجي ؟
لأن التوكيل عمل عرض عليها و أصبحت ال-١٤٠٠ المنوال بتتباع ب٨٨٩٠٠ ، معتقدش انها ممكن برة تكون أرخص إلا إذا كانت خليجي

[eng.khater]

علي فكرة الاسكودا بتتقفل في الصين و روسيا و الهند بس مش عارف الي بتيجي مصر بتتقفل فين ؟؟؟؟
بس انا عارف ان اسعار الفابيا نزلت بس انا رائي شوف السيمبول

[histfox_2]

الفابييا تقفيل التشيك يا جماعة ..

وأسعارها حتى الآن 89 لموديل 2009 (من التوكيل) .. ولا أدرى إذا كان هناك أسعار أقل فى المعارض لموديل 2009 أم لا!