سؤال لخبراء الفليشيا

[bi_fathy]

انا لسه مشتري فليشيا موديل 97 من شهر المهم كانت ميه ميه ومفيش اي مشكله بس فجأه مبقتش تسحب وصوتها عليي (علي فكره ديه اول عربيه اجيبها و انا مليش خبره في الميكانيكا خالص) المهم رحت لميكانيكي وطلع ان البوجيهات كان اتنين منهم تقريبا ضايعين وكانوا مهبيبين وغيرتهم والعربيه رجعت تمام بس الميكانيكي قالي ان العربيه بتاكل بنزين انا حسبتيلها لقيتها تقريبا 9 كيلومتر لكل لتر فهل ده قليل فعلا وايه الاستهلاك الامثل ولو العربيه بتاكل بنزين يبقي الحل هو تظبيط التاكيهات زي الميكانيكي مقال ولا في حاجه تانيه
وحاجه تانيه مهمه جدا لو حد يعرف ميكانيكي كويس يكون بيفهم كويس في الفليشيا و للعلم انا من عين شمس
وشكرا يا جماعه علي المنتدي المفيد جدا بس يريت اللي يعرف حاجه يرد بسرعه لان انا عايز اروح بيها لميكانيكي في اقرب وقت

[A.Elsheikh.01]

انا متهيالى ان الاسكودا الفليشيا مش على تكيهات وانها على بلوف زيت

[hanysofisticated]

أقرب حد بيفهم فى الفليشيا هو سيد الميكانيكى هتلاقيه عند بنزينة كالتكس الراجل ده امين لابعد الحدود

[hanysofisticated]

نسيت أقلك على جسر السويس بعد أول مزلقان

[EngAhmedSayed]

فى ميكانيكى كويس اسمه ................*
عند المركز الالميى لرياضه و ده راجل فاهم جدااااااااااااااااا
فى الاسكودا الفليشيا و ده على تجربه معاه و امين جداااااااااااا
و محترم و تلفونه ....................

الأعلانات التجارية ممنوعة دون الرجوع الى إدارة المنتدى
2 أ

[dr.hany]

لا طبعا فيها تكيهات

انا متهيالى ان الاسكودا الفليشيا مش على تكيهات وانها على بلوف زيت

[bi_fathy]

الف شكر يا جماعه علي الاهتمام والرد و ان شاء الله هقول لكم علي التطورات وكان ايه المشكله

[د.محمود صلاح]

الفليشا عربية محترمة وهتحبها جدا جدا , واظب على الصيانة بتاعتها وما تهملهاش

[bi_fathy]

الفليشا عربية محترمة وهتحبها جدا جدا , واظب على الصيانة بتاعتها وما تهملهاش

انا برده شايف انها عربيه كويسه وانا ان شاء الله ناوي احافظ عليها وان شاء الله هروح يوم السبت لميكانيكي واحد زميلي قالي عليه كويس في صقر قريش في المعادي وان شاء الله كله يبقي تمام بس لسه محدش قالي هو الاستهلاك الطبيعي للفليشيا في البنزين بيبقي كام مع الاخذ في الاعتبار اني بمون بنزين 90 وشكرا

[DONYO]

كدة حضرتك الاستهلاك زي الفل انا معايا فيفوريت وهو نفس موتور الفليشيا وبتعمل 180كم / صفيحة

[bi_fathy]

كدة حضرتك الاستهلاك زي الفل انا معايا فيفوريت وهو نفس موتور الفليشيا وبتعمل 180كم / صفيحة

شكرا يا باشا علي الرد و اعتقد ان الاستهلاك ده كويس ولو في حد تاني شايف ان المفروض يبقي اكتر يريت يقولنا.

[bi_fathy]

علي فكره يا جماعه انا رحت للميكانيكي اللي قلتلكم عليه وظبط التاكيهات. لكن كان في مشكله ان العربيه ممكن تبطل وانا بسخنها قلت يمكن عشان العربيه لسه بارده لكن ديه عملتها وانا علي الدائري وكنت ماشي علي ميه فجأه تلاقيها بتبطيء ودواسه البنزين بتخف ولو دوست دبرياج تبطل, المهم انا رحت للميكانيكي وقالي ان الكهرباء مظبوطه وانه شاكك في طرومبه البنزين وفعلا غيرتها والحمد لله بقالها 3 ايام معملتش الحركه الغبيه ديه سواء وانا بسخنها او علي الطريق و ربنا يسهل وميحصلش مشكله تانيه
علي فكره الميكانيكا مخدش مني سعر الطرمبه لغايه اما اجربها كام يوم ونتأكد ان العيب كان منها فالسؤال هنا طرمبه البنزين ديه سعرها يبقي كام (علي فكره هي استيراد) وشكرا

[rafeee2]

شكرا يا باشا علي الرد و اعتقد ان الاستهلاك ده كويس ولو في حد تاني شايف ان المفروض يبقي اكتر يريت يقولنا.

أعتقد كده عالى شوية
العربية ماشية قد ايه؟
و شوف حد بتاع شكمانات يشوف الشكمان كويس و لا مكتوم

[bi_fathy]

أعتقد كده عالى شوية
العربية ماشية قد ايه؟
و شوف حد بتاع شكمانات يشوف الشكمان كويس و لا مكتوم

العربيه ماشيه 135 الف كيلو. و الحمد لله زي ما قلت الموضوع اتحل بعض تغير طرمبه البنزين لكن الشكمان كان واحد بتاع شكمانات شافه من فتره قريبه وكان كويس مفهوش حاجه

[nezamy71]

اللي عاوز يروح لميكانيكي من بتوع زمن الامانة

سيد الميكانيي اللي هو عند بنزينة كالتكس في جسر السويس امام حديقة بدر راجل من زمن الامانة
فعلا من النادران الواحد يتعامل مع شخص مثل هذا الرجل الله يبارك له في ماله وعياله
هذه شهادة لوجه الله