إعـــــــلان

Collapse

.

,
See more
See less

سكودا فيليشيا و بعض اسعار قطع الغيار

Collapse
X
 
  • Filter
  • الوقت
  • Show
Clear All
new posts

  • سكودا فيليشيا و بعض اسعار قطع الغيار

    الاول انا كنت باشتكى من زيت بينزل من تحت العربية و ابتدى يزيد الموضوع جامد
    فروحت لميكانيكى جنب البيت متعود عليه من زمان قالى يا باشا الطبة مفوتة و زيت الموتور و كلام من ده ماشى يا عم ايه الحل خراط و ظبط و 50 جنية فى 50 تانية مصنعية و كلو تمام
    رجعت ركنت العربية فى الجراج و حطيت كرتونة تحتها و تانى يوم لسة فى زيت
    روحتلة تانى فتح الكابوت و بص على الموتور قالى العربية ناشفة و مفيش حاجة قمت مطلعله الكرتونة بزيتها قام قايلى كدة حنفك و جوان كرتيرة و كلام كتير كدة ماشى سبتهاله رجعت ها ايه الكلام الواد الصنايعى ابن ال..... كان ناسى يربط معرفش ايه قلتله من الاخر يعنى مفيش زيت حايجى تانى قالى عيب يا باشا بس ممكن حاجة خفيفة كدة كل شهر من الفتيس و ده شغلانة كبيرة و مش حتاثر على حاجة و مش حافك الفتيس عشان مايبوظش رجعت و كرتونة و لسة الزيت بينزل!!
    دخلت على المنتدى لقيت كاتبين على ميكانيكى كويس فى شارع النصر روحتلة قالى ده مش زيت موتور ده زيت فتيس فكه وشويت جلب ورجع الفتيس تمام و الغيار مبقاش سايب زى الاول و الزيت اختفى يس قلت الراجل ده تمام اخليه يكمل على العربية بقى قلتله على المضايقنى فيها طلع جربها قالى العربية مفيهاش عفشة ولا سكاترا مع انى كنت جايب سكاترا تركى جديدة من سنة بس فعلا علبة الدريكسيون كانت تخبط و ترزع كمان و المساعدين قدام ضاربين و ال حامل الكاليبر بايش و تيل الفرامل بيصوت و العربية كاننت تعوم و ترج جامد عند ال 90 وبصراحة انا كنت مكبر و كنت ناوى ابيع بس حصلت ظروف و قلت حاخليها معايا سنة ولا اتنين كمان
    فقلت من الاخلر اظبط كل حاجة و فعلا ظبطلى كله و سلملى العربية تمام(و خد منى 130 مصنعية على كل حاجة)بس فرقت جامد جدا الدريكسيون ناعم و بيلف بسهولة الترزيع راح من العربية العفشة حاجة تانية و كانت فعلا قرفانى بس الحمدلله دلوقتى تمام و ده شوية اسعار لحاجات جبتها والى يحتاج حاجة يقوللى

    اسكاترا استعمال خارج 320
    2 كوبلن المانى 350
    2 كوبلن تشيكى اصلى 400 ( خدتهم للميكانيكى فالى شكلهم صينى و محطوطين فى علب رجعنى بيهم و جبتله الالمانى)
    2 رومان بلى عجل امامى اصلى 140
    2 حامل كليبر صينى(ملقتش اصلى) 150
    تيل فرامل ايطالى 70
    2 بطحة كاوتش 35
    2 مساعدين المانى امامى 410
    ايل فتيس و جلب 35
    1 رمان بلى عجل خلفى يابانى 45
    وش فانوس ضباب زجاج مصرى 10
    2 وش فانوس خلفى 20
    2 فانوس اشارة تايوانى 45
    2 مساحة مطر ايطالى 50
    4 عجلات ميتشلان 1200
    4 بلف عجل و ترصيص 40
    ضبط زوايا 20
    باب استعمال فاضى صاج بس جبته ب 200 ده كان من 6 شهور
    علامة سكودا امامى 35
    علامة خلفى 25 بس تعبانة
    فاضل حاجة واحدة بس الكاربرتير فيه العيب المنتشر بتاع تعليق الباب التانى و ده عيوبه انو يخلى العربية متدورش الصبح غير من ثالت ولا رابع مرة و لازم تفضل مثبت رجلك على البنزين و ساعات لما تشد على العربية و تجيب ال rpm على 3500 تقوم معلقة معاك و كانها دايسة بنزين لوحدها قالى حضرتك دلوقتى فى مسمار حديد حد اكيد كسره و هو ده المفروض الى بيظبط الباب ف كدة الباب حيفضل يفتح و يقفل بمزاجة و قالى صعب جدا تلاقيه و انا مش حاقلك جيب كربيراتير عشان حاجة زى ده ف ظبطلى الشوك و نضف الكربراتير وغير فيلتر الهوا و فعلا بتدور احسن و لغاية دلوقتى معلقتش معايا تانى
    و كنت سالت هنا فى المنتدى وواحد من الاعضاء مشكور قالى على واحد اسمه خميس كاريتير عند الاستاد حروحله على الاسبوع الجاى عشان برضه اطمن اكتر
    حاجة كمان و هى الصوت العالى الخشن شوية ده قلتله عليه قالى ده عشان انت حاطط شكمان المصرى جيب الاصلى و مش حيبقى فى صوت خالص دورت عليه( اخوان مزروعة..هوم موتورز.. عاطف..علاء) و لحد دلوقتى مش لاقى اصلى.. انا من اسكندرية فلو حد يعرف يريت يقولى
    اخر حاجة و انا عنده شفت نفس المودبل 97 و مركبلها اكصدام امامى وخلفى ب لون العربية سالت صاحب العربية قالى دول تايوانى و سعره الاثنين 375 من صلاح الدين و رشتهم عند السمكرى
    اخر حاجة بجد المرة دى فاضل اركب 2 زجاج كهربا امامى و انذار و كاسيت و سماعات ياريت اى حد عنده معلومات اسعار اى حاجة عن الفيلشيا مشكلة و حلها او عايزلها حل يخش و لو اعرف حساعده انا او اى حد من المنتدى ان شاء الله

  • #2
    طب انا برضه عندى صوت الموتور خشن و صوت الشكمان عالى بس مش عارف اذا كان اصلا الشكمان اللى عندى مصرى و لا اصلى يا ريت حضرتك تفيدنى و كمان عندى مشكلة بلاقى عضة ف الفتيس جامدة خصوصا ف الغيار الاول و التانى و ساعات العربية بتكركر كدة مش عارف من ايه

    Comment


    • #3
      المشاركة الأصلية كتبت بواسطة moataz200730 مشاهدة المشاركة
      طب انا برضه عندى صوت الموتور خشن و صوت الشكمان عالى بس مش عارف اذا كان اصلا الشكمان اللى عندى مصرى و لا اصلى يا ريت حضرتك تفيدنى و كمان عندى مشكلة بلاقى عضة ف الفتيس جامدة خصوصا ف الغيار الاول و التانى و ساعات العربية بتكركر كدة مش عارف من ايه
      بص حضرتك انا مش خبرة يعنى بس حرد على قد الى اعرفه و ياريت اى حد من الاعضاء يساعد معايا
      صوت الموتور العالى ده ممكن يكون ليه كذا سبب
      1- معلى الموتور يعنى ال rpm فى السلانسيه اعلى من 8 و ده سهلة اى حد يظبطه
      2-سير الكاتينة و ده جنزير حديد مفروض مش بيتاثر بس طبعا مع الاستعمال بيهوى و يعمل رجة فى الموتور و صوت عالى و هو مش غالى الاصلى بتاعو بترسين تشيكى من التوكيل ب 120
      و ناس جربته هنا فى المنتدى و قالو فرق جامد معاهم
      3-و فى تظبيط التاكيهات او الكبايات و ده انا مش فاهمها بصراحة
      4- الشكمان و ده الى قالهولى الميكانيكى قلتلة الموتور قالى لا ده شكمان جيب العلبة الاصلى
      حضرتك روح لأى حد بتاع شكمانات يبصلك علية حيعرف اصلى ولا لأ او لو فاكر انك كنت مغيره هو المصرى الاستثمارى ده تمنه حوالى 120 ل 150 و اكيد الاصلى اغلى
      الفتيس و النقلات
      1- زيت الفتيس شوفه فى اى بنزينة لو ناقص
      2- حد يبصلك على القاعدة بتاعته لو واخدة خبطة من تحت ممكن تكون ماثرة على الغيار و ده حلها سهل بتتفك و تاخدها للحداد يعدلها و تمام
      3-الى كان عندى كان الغيارات سايبة و فك و ركبلى جلب و اتظبط
      4-لو حاسس ان سحب العربية قل جامد معاك يبقى اسطانة الدبرياش

      Comment


      • #4
        الف شكر لنقل التجربة والأسعار ,, انا معايا الفليشيا في مصر - حاليا مع اخي - بتنقط زيت من ناحية الفتيس ولفيت بيها على الميكانيكية في المنيا وكل واحد بفتوى شكل

        Comment


        • #5
          المشاركة الأصلية كتبت بواسطة د.محمود صلاح مشاهدة المشاركة
          الف شكر لنقل التجربة والأسعار ,, انا معايا الفليشيا في مصر - حاليا مع اخي - بتنقط زيت من ناحية الفتيس ولفيت بيها على الميكانيكية في المنيا وكل واحد بفتوى شكل
          هو الاول قالى واخدة خبطة من تحت و حافك و اوديها حداد بس لما فتح قالى مطلعش ده السبب قال حاجة اسمها الاولسية و جلب و حاجات كدة ربنا معاك و يعينيك عى مشاوير الميكانيكية ده حاجة تزهق فعلا

          Comment


          • #6
            المشاركة الأصلية كتبت بواسطة meezus مشاهدة المشاركة
            هو الاول قالى واخدة خبطة من تحت و حافك و اوديها حداد بس لما فتح قالى مطلعش ده السبب قال حاجة اسمها الاولسية و جلب و حاجات كدة ربنا معاك و يعينيك عى مشاوير الميكانيكية ده حاجة تزهق فعلا
            بصراحة معلومات مهمة جدا و استفد منها جدا
            ألف شكر ليك . انا عندى نفس مشكلة الدوارة الصبح بتغيب على ما بتدور بعد رابع او خامس مرة و مش عارف ايه السبب و اخوكم لسة جديد فى موضوع العربيات و الكلام الكبير ده . لكن فى مرة قرأيت ان ممكن زيت الموتور ودرجة لزوجته تأثر على موضوع الدوارة الصبح و عايز اعرف اكتر عن الموضوع ده من فضلك

            Comment


            • #7
              المشاركة الأصلية كتبت بواسطة checkit مشاهدة المشاركة
              بصراحة معلومات مهمة جدا و استفد منها جدا
              ألف شكر ليك . انا عندى نفس مشكلة الدوارة الصبح بتغيب على ما بتدور بعد رابع او خامس مرة و مش عارف ايه السبب و اخوكم لسة جديد فى موضوع العربيات و الكلام الكبير ده . لكن فى مرة قرأيت ان ممكن زيت الموتور ودرجة لزوجته تأثر على موضوع الدوارة الصبح و عايز اعرف اكتر عن الموضوع ده من فضلك
              انا اسف فعلا بس معنديش معلومات عن تاثير الزيت على دوارة العربية بس ممكن تدور فى القسم التعليمى ويتهيئلى مش هو ده سبب تاخير الدوارة فى الفيليشيا خالص انا باستعمل زيت mobil super xhp بيتغير كل 4 الاف كيلو ده اخر معلوماتى عن الزيت

              Comment


              • #8
                المعلومات دى كلها جميلة وى مفيدة .... وى انا كمان عندى شوية حاجات زيادة ... هقولكم عليها يمكن يكون حد محتاجها
                1- مساعدين بالسوسيت خلفى
                2 - تابلوة فليشيا كامل بالعدادات
                لو حد محتاج للحاجات دى يتصل بيا 0103402606
                هما كانوا بتوع عربيتى القديمة ... وى للاسف بعتها وى عندى حاجات كنت شاريها وى خلا ص مش محتاجها ...شكرا

                Comment


                • #9
                  ممكن اعرف كل الشغل اللى انت عاملتة فى العربية كلفك كام؟؟
                  [shfaf2]http://www.nilemotors.net/Nile/signaturepics/sigpic41131_3.gif[/shfaf2]

                  Comment


                  • #10
                    معايا فليشيا 95 و عندى
                    مشكلة الدوارة
                    زيت الفتيس بينقط
                    روحت لميكانيكية الدنيا
                    فتاوى كتير سمعتها
                    استريحت بعد ما شوفت الموضوع فى نايل موتورز
                    وكل ماغبر ريت الماتور
                    اخليى الميكانيى يبص على زيت الفتيس وخلاص
                    ربنا يستر

                    Comment


                    • #11
                      المشاركة الأصلية كتبت بواسطة bayoumisoft مشاهدة المشاركة
                      ممكن اعرف كل الشغل اللى انت عاملتة فى العربية كلفك كام؟؟
                      مش حقدر اقولك كله على بعضه لان الشغل ده اتعمل على فترات انا كاتب اسعار قطع الغيار لو عايز مصنعية حاجة معينة قوللى و اكتبهالك بس طبعا بتفرق من ميكانبكى للتانى

                      Comment


                      • #12
                        المشاركة الأصلية كتبت بواسطة handasa مشاهدة المشاركة
                        معايا فليشيا 95 و عندى
                        مشكلة الدوارة
                        زيت الفتيس بينقط
                        روحت لميكانيكية الدنيا
                        فتاوى كتير سمعتها
                        استريحت بعد ما شوفت الموضوع فى نايل موتورز
                        وكل ماغبر ريت الماتور
                        اخليى الميكانيى يبص على زيت الفتيس وخلاص
                        ربنا يستر
                        حضرتك ماتقلقش لو نقطة كل فين و فين كذا ميكانيكى قالولى عادى انا المشكلة عندى انها كانت يدوبك اركنها الضهلر انزل بليل الاقى حبة زيت حلوين تحت ااعربية بس الحمد لله مفيش حاجة دلوقتى

                        Comment


                        • #13
                          الفيشيا كانت معايا والحمد للة انى بعتها مقرفة

                          Comment


                          • #14
                            معلومات شيقه الله ينور ....
                            [B][SIZE=6][COLOR=red][/COLOR][/SIZE][/B]

                            Comment

                            Working...
                            X