ترومستات الفليشيا

[tota_ys]

ممكن اعرف ترومستات الفليشيا بتكون كام على كام
انا كل مروح لواحد ميكانيكى يقول كلام شكل واحد يقول يتركب لها ترومستات الشاهين
بس المشكله ان لما ركبت ترومستات الشاهين مش بتفتح اللى بعد نص مؤشر الحرارة بشويه وبتقف عند النص بالظبط
الترومستات اللى كانت فيها الاول كانت86%68 وكانت بتفتح بدى عن اللى ركبت انا محتارة ومش عارفه اى حاجة والعربية بتسخن وكل واحد بكلمه شكل فا لو حد يعرف الترومستات الاصليه كام على كام يقولى
انا بسبب السخونه دى غيرت جوان وش سيلندر ونضفة اللداتير وغيرت الترومستات وغيرت غطاء الاربه وبردو العربيه بتسخن انا هتجنن خلاص من العربية دى هاله

[nezamy71]

العربية دي بيركبلها ثرموستات ثلاثة شوكة بتاع الجولف ويكون فعلا 86 / 68 دي كانت عندي في عربيتي قبل ما ابيعها وعمرها ما سخنت --- سيبك من الميكانيكية اللي بيفتوا وشوف ميكانيكي فاهم وانت لو من القاهرة ممكن تروح لسيد سكودا بتاع جسر السويس وخد رقمه 0101107669 ده راجل ما بيشتغلش غير اسكودا وبيجيب من الاخر

[ahmedtaha20012000]

مظبوط الفليشيا الترموستات بتاعها 86/68 و ممكن تشوف ترموستات العربيه الابيزا ممكن يركب عليها و ممكن تجيبه من التوكيل السيات و ده احسن لان توكيل اسكودا بطل يبيع لاحد

[hysagm]

على فكرة انا من دمياط ورحت لسيد اسكودا فعلا راجل محترم وسعره على القد اما الترموستات هات بتاع 128 ممتاز بيشتغل على 70 تقريبا وهيريحك

[yarisawi]

لو لقدر الله الترموستات مش ظبط الحرارة خلى يشوف التاكيهات عشان المشكلة دى حصلت معايا

[د.محمود صلاح]

انا حطيت تيرموستات السكودا الأصلي ب 60 ج وبيشتغل من تحت النص بشوية .. ومركب مروحتين أمام وخلف الريدلتير وباشغلهم يدوي من زر خاص ..

عملت ده كله بعد ما اتعكيت في وش السلندر 3 مرات

[kimoz1981]

اه

المروحتين مراوح اية و ركبو ازاى

[EngAhmedSayed]

86 / 68
دى تيرموستات الفليشيا
و ان شاء الله تتظبط الحراره عندك

[kamal_adly]

مشكلة السخونة دى فى الفليشيا مشكلة المشاكل و الكل احتار فيها الله يعين اللى معاه العربية دى

[kamal_adly]

العربية دي بيركبلها ثرموستات ثلاثة شوكة بتاع الجولف ويكون فعلا 86 / 68 دي كانت عندي في عربيتي قبل ما ابيعها وعمرها ما سخنت --- سيبك من الميكانيكية اللي بيفتوا وشوف ميكانيكي فاهم وانت لو من القاهرة ممكن تروح لسيد سكودا بتاع جسر السويس وخد رقمه 0101107669 ده راجل ما بيشتغلش غير اسكودا وبيجيب من الاخر

فعلا الترموستات الاصلى بيبقى ثلاثة شوكة بس فى حالة لو العربية اصلا مكيفة لانه بيدى سرعة تانية للمروحة فى حالة التشغيل فى ظروف الحر و الصيف فتكوة المروحة اسرع .

انا ركبت عندى ترموستات 68/82 اتنين شوكة لانى شايل التكييف و ضبط الحرارة اقل من 90 و الله المستعان