تكييف الفيليشيا

[egypt_slave2000]

يا جماعه تركيب تكييف للفيليشيا 96 يتكلف كام تقريبا

[ahmedtaha20012000]

نصحيه من حد عند ه تكيف تركيب في فليشيا 96 متركبش هيزود سخونه و حمل غلي العربيه و هيقلل السحب كتير

[egypt_slave2000]

انا متشكر على اهتمامك طبعا ، بس هى الفكره انى اصلا مش بجرى بالعربيه يعنى اخرى 100 كم ، فمساله السحب والسرعه مش فارقه معيا ، ولو حسيت ساعتها ان فيه مشكله مؤثره مش هشغله اكيد بس الصراحه الجو بقى بشع مش شدة الحراره واحيانا بيبقى التكييف ضرورة ولو نص كم

[a_hejazy]

يا جماعه تركيب تكييف للفيليشيا 96 يتكلف كام تقريبا

التكيف فى حدود 3000 بالتركيب تقريبا بس عايز أقولك نفس الكلام الى قاله الأخ أحمد انه فعلا هيخلى العربيه تسخن معاك وحمل على الموتور أنا مركب عندى من حولى سنتين كان سعره 3500 جنيه بس دلوقتى سمعت انه رخص عايز أقولك انى كنت بقول نفس الكلام بتاعك عشان الحر ومش هجرى بس دلوقتى لو هشغله هما 15 دقيقه والمؤشر بيعلى على طول بس بصراحه بيخاليها ثلاجه

[د.محمود صلاح]

المكيف راكب عندي ولا أشغله الا في توقيتات محدده :-

اول الصبح

آخر النهار بعد العصر

ليلا


اما في عز الظهر والحر الشديد فالهواء بيخرج من الفتحات بارد ولكن على ما يوصل لوشك بيوصل على هيئة هبو


لأنه بسخن العربية جامد وهيقصف عمر الموتور ويخليه يفوت او يجيب وش سلندر

[egypt_slave2000]

انا شاكر جدا لكم ياجماعه على النصائح الصداقه دى ، انا فعلا قررت مش اجيبه

[haytham_felica]

la2 momkan tgebo bs matsha3'lesh kteer

[solom609]

العربية لو مش نازلة بالتكييف بتاعها يبقي افضل متلعبش فيها خصوصا لو الماتور اصلا يدوب مقوم العربية موتور الفيليشيا 1300 سي سي 64 حصان فحرام تحمله تكييف و كمان موضوع السخونة زي ما قالك الاعضاء انا من رأيي ملوش لازمة تركبه لان حتى لو ركبته و مش هتشغله كتير هتدفع فيه المبلغ اللي هتدفعه و مش هتعرف تستمتع بيه ( بتكدر نفسك ) فحرام

[د.محمود صلاح]

العربية لو مش نازلة بالتكييف بتاعها يبقي افضل متلعبش فيها خصوصا لو الماتور اصلا يدوب مقوم العربية موتور الفيليشيا 1300 سي سي 64 حصان فحرام تحمله تكييف و كمان موضوع السخونة زي ما قالك الاعضاء انا من رأيي ملوش لازمة تركبه لان حتى لو ركبته و مش هتشغله كتير هتدفع فيه المبلغ اللي هتدفعه و مش هتعرف تستمتع بيه ( بتكدر نفسك ) فحرام

الله ينور على حضرتك .. أنا لا عارف أشيله ولا بشغله ولا مستمتع بيه أصلاً

[tahayt]

طيب يا جماعة لو الفيليشيا نازل فيها التكييف اصلا (الموديلات الحديثة مثلا اللى هى وش اوكتافيا )بيبقى فية نفس المشاكل
ارجو الافادة و كل سنة و انتم بخير

[solom609]

طيب يا جماعة لو الفيليشيا نازل فيها التكييف اصلا (الموديلات الحديثة مثلا اللى هى وش اوكتافيا )بيبقى فية نفس المشاكل
ارجو الافادة و كل سنة و انتم بخير

انا على ما بسمع ان الفيليشيا الوش اوكتافيا اللي هي من موديل 98 لحد 2001 تلاشوا فيها عيوب الفيليشيا العادية موديلا 95و96و97 و اطمن لو العربية نازلة بتكييفها مشاكلها مش هتبقى زي التكييف المتركب

[egypt_slave2000]

انا على ما بسمع ان الفيليشيا الوش اوكتافيا اللي هي من موديل 98 لحد 2001 تلاشوا فيها عيوب الفيليشيا العادية موديلا 95و96و97 و اطمن لو العربية نازلة بتكييفها مشاكلها مش هتبقى زي التكييف المتركب

يعنى مشاكل السخونه وارتفاع الحراره مش موجوده فيها مثلا ولا مشاكل ايه اللى تقصدها ، وبعدين هل بتنزل بتكييف اصلا ولا لا

[solom609]

يعنى مشاكل السخونه وارتفاع الحراره مش موجوده فيها مثلا ولا مشاكل ايه اللى تقصدها ، وبعدين هل بتنزل بتكييف اصلا ولا لا

ايوة اقصد مشاكل السخونة و ارتفاع الحرارة و هي فعلا كانت بتنزل بتكييف و موديل 97 برضه كان بينزل بتكييفه الاصلي مش متجهز للتكييف و خلاص