سكودا فليشيا

[halem0000]

[justify]السلام عليكم ورحمة الله وبركاته[/justify]

كل سنة وانتم طيبين جميعا بمناسبة شهر رمضان الكريم وكل عام وانتم بخير

يا جماعه انا طالب منكم طلب وقولت أسأل اهل الخبرة لأن أانا فعلا إحترت على الآخر

أنا معايا 25000 وعاوز أجيب سكودا فليشيا 97 فيما فوق لأن طبعا انتم عارفين الموديلات إللى قبل كده فيها مشاكل سخونة هل المبلغ ده يجيب فعلا وهل العربية دى كويسة لأن انا تعبت من التدوير وطبعا مش قادر أزود المبلغ عن كده وصعب انى أصبر وفيه حاجات تانية عاوز أفهمها من حاضراتكم

1- معنى العربية الإعتمادية
2- معنى العفشة الناشفة

[overline]معلش استحملونى انا لسه جديد فى الكار ونستفيد منكم وجزاكم الله خيرا[/overline]

[IDZYN]

كل عام وانت بخير بالنسبة لموضوعك صعب اوى تلاقى فيليشيا بالسعر ده ...اقل حاجة ممكن تسمعها 28 -ان لأقيت
المبلغ اللى معاك ممكن يجيب فيفوريت فبريكا بره وجوة وهيا نفس العربية تقريبا عفشة ومتور
العربية الفيفوريت او الفليشيا فعلا خشنة شوية ولكن ثابتة جدا على الطريق زى الالمانى وبالنسبة للسخونة فممكن تعدل الثرموستات ل بتاع الفيات وهتكون تمام وبالنسبة للاعتمادية اركبها وانسا تحط ايدك فى عفشة او متور طول منتا مراعيها زيت ومية

[halem0000]

كل عام وانت بخير بالنسبة لموضوعك صعب اوى تلاقى فيليشيا بالسعر ده ...اقل حاجة ممكن تسمعها 28 -ان لأقيت
المبلغ اللى معاك ممكن يجيب فيفوريت فبريكا بره وجوة وهيا نفس العربية تقريبا عفشة ومتور
العربية الفيفوريت او الفليشيا فعلا خشنة شوية ولكن ثابتة جدا على الطريق زى الالمانى وبالنسبة للسخونة فممكن تعدل الثرموستات ل بتاع الفيات وهتكون تمام وبالنسبة للاعتمادية اركبها وانسا تحط ايدك فى عفشة او متور طول منتا مراعيها زيت ومية

متشكرين اوى اوى ياباشا على الإهتمام وربنا يسهل الحال

[solom609]

[justify]السلام عليكم ورحمة الله وبركاته[/justify]

كل سنة وانتم طيبين جميعا بمناسبة شهر رمضان الكريم وكل عام وانتم بخير

يا جماعه انا طالب منكم طلب وقولت أسأل اهل الخبرة لأن أانا فعلا إحترت على الآخر

أنا معايا 25000 وعاوز أجيب سكودا فليشيا 97 فيما فوق لأن طبعا انتم عارفين الموديلات إللى قبل كده فيها مشاكل سخونة هل المبلغ ده يجيب فعلا وهل العربية دى كويسة لأن انا تعبت من التدوير وطبعا مش قادر أزود المبلغ عن كده وصعب انى أصبر وفيه حاجات تانية عاوز أفهمها من حاضراتكم

1- معنى العربية الإعتمادية
2- معنى العفشة الناشفة

[overline]معلش استحملونى انا لسه جديد فى الكار ونستفيد منكم وجزاكم الله خيرا[/overline]

25 الف للاسف ميجبوش فيليشيا 97 احسن حاجة فعلا ليك هتبقى الفيفوريت موديل 94 و هي هي اساسيات الفيليشيا و عربية كويسة جدا

[ahmedtaha20012000]

شوف المبلغ ده فعلا ميجبش فليشيا بس نصيحه ابعد عن الاسكودا لانها بتسخن و هي من الاخر عربيه مقرفه ابعد عنها احسن

[halem0000]

شوف المبلغ ده فعلا ميجبش فليشيا بس نصيحه ابعد عن الاسكودا لانها بتسخن و هي من الاخر عربيه مقرفه ابعد عنها احسن

متشكرين اوى على الإهتمام ياباشا بس انت من رأيك أجيب ايه هل ممكن مثلا ازود 2000 وأجيب شاهين او دوجان 91 او 92 ولا أجيب اونو ولا ايه؟

[solom609]

شوف المبلغ ده فعلا ميجبش فليشيا بس نصيحه ابعد عن الاسكودا لانها بتسخن و هي من الاخر عربيه مقرفه ابعد عنها احسن

على فكرة انا واحد اعرف ناس كتير راكبين الفيليشيا و انا عن نفسي بدور على واحد الفيليشيا لو حالتها كويسة ساعت ما تجيبها و تحافظ عليها مش هتتعبك في اي حاجة يعني تقدر تقول ان الفيليشيا مش من العربيات اللي تهينها

[halem0000]

على فكرة انا واحد اعرف ناس كتير راكبين الفيليشيا و انا عن نفسي بدور على واحد الفيليشيا لو حالتها كويسة ساعت ما تجيبها و تحافظ عليها مش هتتعبك في اي حاجة يعني تقدر تقول ان الفيليشيا مش من العربيات اللي تهينها

مش حكاية تهينها ياباشا دى شكلها من اولها كده عربية مشاكل ونا قريت عنها كتير والواحد اساسا اول مرة يجبب عربية فمش معقول الواحد يجيب عربية معظم الناس بتشتكى منها فالواحد ممكن احسن يجيب ريجاتا او دوجان 92 على الأقل اوسع وموتور أقوى وممكن تركب تكييف من غير ما ياثر على العربية وسواقة انعم وقطع غيار ارخص فشوف كل دى مميزات يعنى هو رأى !!

[solom609]

مش حكاية تهينها ياباشا دى شكلها من اولها كده عربية مشاكل ونا قريت عنها كتير والواحد اساسا اول مرة يجبب عربية فمش معقول الواحد يجيب عربية معظم الناس بتشتكى منها فالواحد ممكن احسن يجيب ريجاتا او دوجان 92 على الأقل اوسع وموتور أقوى وممكن تركب تكييف من غير ما ياثر على العربية وسواقة انعم وقطع غيار ارخص فشوف كل دى مميزات يعنى هو رأى !!

طيب انا هقولك حاجة الريجاتا قعدت مع والدي عشر سنين تقريبا و هي عربية ممتازة بس ليه تدفع فلوسك في عربية موديل تمانينات مهما كان بقالها فوق العشرين سنة شغالة و الدوجان و لا الشاهين مين اللي قالك انهم مبيسخنوش و بعدين لو اسم الفيليشيا كان واقع ولا وحش مكانتش شركة سكودا في عز نجاحها دلوقتي اعلنت انها هتصدر نسخة جديدة منها في 2011 و بنفس الاسم فيليشيا انا مبقولكش انها احسن عربية لكن بقولك انها افضل اختيار في حدود المبلغ اللي معاك الا لو قررت انك تنزل بالموديل لحد التمانينات هيبقي قدامك اختيارات تانية كتير بس هتبقى ضحيت بعمر العربية