سخونة الفليشيا

[tota_ys]

العربية مجننانى غيرت فيها كل حاجة وبردو الموشر بيطلع فوق النص ويا سلام لو التكيف اشتغل مافيش 5 دقايق والعربية بحس انها هتولع انا غيرت جوان وش سيلندر وترومستات الحرارة وصباع موشر الحرارة وغطاء الاربه ونظفة اللادتير طب اعمل ايه تانى بقى
لو حد عندو حل او عندو فليشيا يدخل يقول ايه اخبار الحرارة عنده وبتوصل لكام الموشر فيها
ولو مافيش بجد حل ابيع العربية واخلص هى باين كانت شورة سودة من اولها

[Ayman_A1]

لو المروحة شغالة تمام .. والمياه مش بتنقص ... شوف الاسبراتير ممكن يكون بيأخر

[a_hejazy]

أنا كمان عندى نفس المشكله وظبت التاكيهات أكثر من مره ومش عارف ايه المشكله

[rasim]

السلام عليكم
انا اعرف واحد غير المروحه وجاب 6 رشيه او اى مروحه ارخرى وزان اشاء الله مش بتعدى 70 والمروحه بتشتغل والله واعلم

[ehab_osman]

غير الرادياتير

العربية مجننانى غيرت فيها كل حاجة وبردو الموشر بيطلع فوق النص ويا سلام لو التكيف اشتغل مافيش 5 دقايق والعربية بحس انها هتولع انا غيرت جوان وش سيلندر وترومستات الحرارة وصباع موشر الحرارة وغطاء الاربه ونظفة اللادتير طب اعمل ايه تانى بقى
لو حد عندو حل او عندو فليشيا يدخل يقول ايه اخبار الحرارة عنده وبتوصل لكام الموشر فيها
ولو مافيش بجد حل ابيع العربية واخلص هى باين كانت شورة سودة من اولها

منذ 3 سنوات وعندي مشكلة الحرارة وكانت مجنناني .......... عملت كل حاجة ؟؟؟؟؟؟؟؟؟؟؟ واتصلحت بعد ما غيرت الرادياتير وجبت رادياتير المومنيوم صينى ؟؟؟؟؟ بـ 145 جم والحرارة بقلت عال العال 90 درجة تقريبا او اقل سنه بسيطة ؟؟؟؟؟؟؟؟؟؟؟؟

وعلي فكرة حكاية تنظيف الراديتر ( كما قرأت في احد المشاركات من احد الزملاء بتكون السبب المباشر لتلف الراديتر ... بسبب مياة النار المستخدمة او المنظفات او غيره بتسبب التلف ) وانا اوافق علي هذا الرأي ... عايز تنظف الراديتر بالمياه فقط .

[ehab_osman]

راديتاير نحاس وردايتر المونيوم

وعلي فكرة انا فكرت فى تلف الراديتاير ... ورحت خيرته الى راديتاير نحاس 3 مساورة ... وكانت النتيجة في عز الزحمة وفي اشارات المرور وسط البلد الحرارة ....................... بتنزل ؟؟؟؟؟؟ وفي المشوار الطوالي اكثر من 6 او 7 كليو متر الحرارة بتوصل قرب 110 درجة ؟؟؟؟؟؟؟؟؟؟؟؟؟
وكان قرار تغير هذا الراديتاير النحاس صعب جدا ؟؟؟؟؟؟؟؟ بس لما غيرته الى المونيوم 2 ماسورة و..ووو..و صينى كمان العربية اتعدلت جدا والحرارة طبيعية .

[ahmedtaha20012000]

شوف في اسباب كتيره جدا لارتفاع درجة الحراره وهي كالاتي

لو ان تاعربيه بتسخن في السرعات العاليه يبقي لازم تكشف علي وش السلندر
لو ان العربيه بتسخن في السرعات الوطيه يبقي تكشف علي دوره المياه
لو ان التكييف اللي عندك تركيب مش اصلي يبقي ده برده السبب لا لان لو العربيه بتكون جاي التكييف بتعها بيكون قميص الردياتير 2 مروحه مش مروحه واحد غير المروحه اللي بتكون علي السرابنتينه
هات ترموستات فليشيا اصلي و ردياتير اصلي و بالمره اضبط التكيهات عند واحد محترم في ميكانيكي عند محطه كالتكس خليه يكشف علي التكيهات و قبل ما تروحلوه خلي الواد اللي في المحطه اللي جنبه يغسل الموتور لان التكهات يجب ضبطها و الموتور بارد و اي حاجه قلي

[zyadahmed]

اكيد فى مشكلة فى وش السلندر عالجها الاول وبعدين استخدم مياه خضراء وهاتشوف النتيجة ان شاء الله خير
انا عن نفسى عملت كده وكمان شيلت التكيف لانه مش الاصلى ومتركب وريحت دماغى والعربية بقت تمام

[msaleh_353]

شوف قميص مروحة الرادياتير مضبوط ولا لأ ولو مكنش فيه قميص أصلا اشتري واحد استيراد بمروحته بس هات المرحة الكبيرة بتاعة المكيف واضبط التكيهات وشوف جنزير الكاتينه لو مرخي هات واحد بالتروس بتاعته وبإذن الله هتلاقي المشكله اتحلت خللي بالك معظم السكودا بيئن اليومين دول من حرارة الجو شوف بس الحاجات اللي قلتلك عليها دي وان شاء الله الأمور هتبقي تمام

[EngAhmedSayed]

ممكن حضرتك ياريت توضحلى يعنى ايه فوق 90 درجه يعنى 100 درجه 110درجه
و انا هتابع معاك للحد ما تحل المشكله من جذوره انا الحمد لله عارف اغلبية مشاكل السخونه بتاعة الفليشيا
و انا هتابع معاك باهتمام جداااااااا
و ده رقم موبيلى لو حضرتك عاوز المشوره
0126880055
انا تحت امر اعضاء سكودا

[amagroup]

في قطعه قرب العمه تحت الكربتاير هتلاقي داخل عليها كذا خرطوم دي مسؤلة عن انها تخلي العربية تسخن بسرعة عشان اصلا هي مصممه للبلاد البارده انا كانت عربتي كده
وكانت 90-100 في العادي
و110-120 مع التكييف لما غير ت القطع دي او بمعني اصح لغيتها خالص بقت
70
90 مع التكييف
روح لاي ميكانيكي خلي يفكها ويلغي السوسته اللي جواها
وخصوصا ان سعات السوسته بتعلق وتفضل قافله ودي الكارثه بالنسبة للقطعة دي
ولو عاوز تتأكد ان العربية فيها الوحده دي مش ملغيه اصلا

أولا:هل بيكون في ضغط في القربة شديد لما تكون العربية سخنه يعني متقدرش تفتحها إلا لما العربية تهدا خالص
ثانيا:لما تفتح القربة والعربية بارده لو لقيت الخرطوم الرفيع اللي في القربة من فوق مش بيجيب مايه

يبقي معني كده ان الوحده دي موجوده وشغاله

انا لما لاغتها ارتحت كتتير بس اتخرت لان العربية جابت معايا جوان وش سلندر واهو مضطر اعمل نص عمرة في الشتاء

كمان في حاجه المشكلة في العربية دي ان الضغط ده بيبوظ الخراطيم فتأكد ان مفيش اي خرطوم بيجيب مياه او بيندع

اعزوني علي اللهجه العمية بس دي اقرب وسيلة لتوصيل المعلومه
لو في حاجه انا منتظر ردودكم تطمنوني عملتوا ايه

[sokoboko]

يا جماعة أنا بعانى من نفس المشكلة- فيليشيا 1997 و تكييف متركب مش الأصلى- بس أنا مش بقدر أستغنى عن التكييف (مع انه تعبان!!) خصوصا مع الصيام- بشغل التكييف شوية لحد الحرارة ما توصل 100 ولا حاجة و بعدين أطفيه لحد الحرارة ما توصل 80 بعدين أشغله تانى- الحكايه دى فيها مشكلة؟؟
الحرارة مش بتعدى 90 من غير التكييف فى عز الضهر بس مع التكييف ممكن توصل 110- هل لو العربية فيها وش سلندر حتسخن حتى من غير تشغيل التكييف ولا ايه؟

[kamal_adly]

كلام فعلا مضبوط و عن تجربة انا استغنيت عن ترموستات الكوع اللى هو فى الموتور لانه كان فعلا من احد الاسباب فى سخونة العربية و غيرت ترموستات المروحة بالاصلى 68/82 و شغالة تمام بس ساعات امبير الحرارة بيخرف و الاقية نط مرة واحدة على 100-110 علما بان مستوى المياه طبيعى لانى بزوده علطول و المروحة بتشتغل و تفصل طبيعى عند 90 بس مش عارف ليه تخريف الامبير ده و التخريف ده ممكن يحصل مرة او مرتين فى المشوار ... ياريت حد يقولى ايه الحل

[mazenossama]

في قطعه قرب العمه تحت الكربتاير هتلاقي داخل عليها كذا خرطوم دي مسؤلة عن انها تخلي العربية تسخن بسرعة عشان اصلا هي مصممه للبلاد البارده انا كانت عربتي كده
وكانت 90-100 في العادي
و110-120 مع التكييف لما غير ت القطع دي او بمعني اصح لغيتها خالص بقت
70
90 مع التكييف
روح لاي ميكانيكي خلي يفكها ويلغي السوسته اللي جواها
وخصوصا ان سعات السوسته بتعلق وتفضل قافله ودي الكارثه بالنسبة للقطعة دي
ولو عاوز تتأكد ان العربية فيها الوحده دي مش ملغيه اصلا

أولا:هل بيكون في ضغط في القربة شديد لما تكون العربية سخنه يعني متقدرش تفتحها إلا لما العربية تهدا خالص
ثانيا:لما تفتح القربة والعربية بارده لو لقيت الخرطوم الرفيع اللي في القربة من فوق مش بيجيب مايه

يبقي معني كده ان الوحده دي موجوده وشغاله

انا لما لاغتها ارتحت كتتير بس اتخرت لان العربية جابت معايا جوان وش سلندر واهو مضطر اعمل نص عمرة في الشتاء

كمان في حاجه المشكلة في العربية دي ان الضغط ده بيبوظ الخراطيم فتأكد ان مفيش اي خرطوم بيجيب مياه او بيندع

اعزوني علي اللهجه العمية بس دي اقرب وسيلة لتوصيل المعلومه
لو في حاجه انا منتظر ردودكم تطمنوني عملتوا ايه

ده سخان الكاربيراتير يا باشا وعلق عندك ووجودة مهم عشان بيسخن العربية بدل ما تفضل دايس بنزين والمفروض بيقفل لوحدة وملوش اي علاقة بسخونية السيارة المبالغة ولكن اعتقد عيبة انه مصصم لجو التشيك البارد وبيبوظ بسرعة لو ترمستات الكوع متشالة عشان كل ما العربية هتبرد اثناء الجري هيشتغل
لما يعلق منك امشي عادي متقلقش و اي بتاع كربيراتير محترم يزبطة ولكن موضوع انها تتلغي وهي سليمة حرام عشان فايدة افضل من عدمة ولسيما انك ممكن تزبطة علي وضع معين في مسمار شبيه بمسمار السلانسية ولو قرط علي المسمار بيقفل ومش هيتغل ولا داعي لفكه

بالنسبة للقربة اكيد المياه هتغلي لو العربية سخنة او كفايه انها تكون جايبة وش سلندر ف الضغط بتاع المتور ممكن جزء هيرب جو القربة بتحصل

لكن القربة لازم خرطوم الراجع يكون شغال الي فوق ولو مش بينزل مياه يبقي في سده وده ملوش علاقة بالسخان السخان عبارة عن وحدة المياة بتخشها وتخرج منها لو المياه بتاعت المتور ادني من الحد السليم يشتغل السخان ولو عليه ميشتغلش ابدا حتي لو بيعلق طبعا السده الي في الخرطوم دي ممكن تسخن المتور جدا خد بالك

نصيحة اخويا خد بالك من الي بيشتغل في عربيتك عشان موضوع فك السخان اصلا بيدل علي جهل الميكانيكي ولعبه في اساس السيارة لانه كان اكتفي بتصليحه او بفصله او اغلاقة لكن وصل خراطيم الي كانت داخله فيه ازاي وليه كلفك خرطوم جديد ويلعب في اجزاء التبريد وبدون داعي والموضوع اصلا واضح انه انسداد في دورة التبريد وهي الي عملتلك المشكلة وتعليق السخان عادي و حصل صدفة وجه معاك بالصدفة
اسئل مجرب
واي خدمة

[mazenossama]

كلام فعلا مضبوط و عن تجربة انا استغنيت عن ترموستات الكوع اللى هو فى الموتور لانه كان فعلا من احد الاسباب فى سخونة العربية و غيرت ترموستات المروحة بالاصلى 68/82 و شغالة تمام بس ساعات امبير الحرارة بيخرف و الاقية نط مرة واحدة على 100-110 علما بان مستوى المياه طبيعى لانى بزوده علطول و المروحة بتشتغل و تفصل طبيعى عند 90 بس مش عارف ليه تخريف الامبير ده و التخريف ده ممكن يحصل مرة او مرتين فى المشوار ... ياريت حد يقولى ايه الحل

الحل بسيط غير ترموستات الكوع لو فضل الوضوع جيب ترمومتر وقيس درجة المياة من القربة يدوي لو لقتها صح يبقي في مشكلة لو غلط يبقي العداد بايظ بس ده احتمال ضعيف

تعرف ان وش السليندر بايظ لو بتسخن مع الجري او في مياة او لون طحيني في غطا زيت المتور
لو العربية بتسخن عموما حاول تنضف دورة التبريد مع مراقبة المروحة ومواعيد الفتح والقفل يمكن المروحة ضعفت مثلا