إعـــــــلان

Collapse

.

,
See more
See less

ترموستات العربية باظت يارجالة الحقوني

Collapse
X
 
  • Filter
  • الوقت
  • Show
Clear All
new posts

  • ترموستات العربية باظت يارجالة الحقوني

    السلام عليكم
    بدون اطالة ترموستات فليشيا 97 مكيفة اصلي تكييف فبريكا والمروحة سرعتين ايه نوع الترموستات اسمه ورقمها
    هل موجود اصلية انا القديمة مكنتش بتعدي 80 حرارة في اقصي حالة مع التكييف وهل لما اغيرها هترجع زي ما كانت ولا انسي يا عمرو ؟
    اخر حاجة ترموستات 97 بتكييف كانت حالة شاذة ولا زيها زي 98 وكده

  • #2
    انا رحت لتنين كهربئية واتأكدت ان الترموستات بايظة رحت للميكانيكي وفكيتها قالي هات زيها لقيت مكتوب عليها 84/92 تقريبا المهم رحت لبين السرايات لقيت عنده 95/102 حاجة غريبة طبعا انا قايلة 97 فليشيا مكيفة اصلي ومروحة سرعتين وهو فاهم المهم رحت لمحل تاني لقيت الترموستات زي الي كانت ركبة 84/92
    قلت قشطة ركبتها مبتفتحش غير لما الحرارة تعدي النص ولو شغلت التكييق توصل 100 وحاجة قلق مع ان السخونة كانت اخر حاجة افكر فيها مع اني غيرت صباع الحرارة وجربت مكانه اتنين بيدو نفس القارية تقريبا
    هل معقول الصباع الي كان راكب مختلف هو مختلف في الشكل كتير ولكن الي اشتريته قالي بتاعها ملحوظة جبت اتنين من محلين مختلفين

    اعمل ايه انا زعلان ومدايق يا تري الترموستات الي راكبة بايظة ولا استسلم للواقع ولا اشتري ترموستات تاني واجرب اجيبيها منين ورقمها كام

    انا الي عندي كانت بتفتح عند 70 و 85 تقريبا الي كان رقمها 84/92
    يارب حد يساعندي بسرعة

    Comment


    • #3
      شوف انا بعاني من نفس المشكله جرب روح توكيل اسكودا و اشتري من هناك الترموستات افضلك او خليهم يغيروها هناك عندهم او هات ترموستات العربيه الجولف 3 شوكه بيركب بردوا او الابيزا و علي فكره الكلام اللي بقولوا ده عن طريق بعض تجارب الاخريين و ليست تجربتي لان انا قبل ماسافر كنت بمر بنفس المشكله بس ارجوك لو وصلت الي حل معين الرجاء ابلاغي من فضلك و علي فكره ممكن تشوف عند بتوع المستعمل اللي في الحرفيين بردوا دي اكيد هتكون اصلي و مره التانيه لما توصل الي حل متنساش اخوك بقي

      Comment


      • #4
        المشاركة الأصلية كتبت بواسطة ahmedtaha20012000 مشاهدة المشاركة
        شوف انا بعاني من نفس المشكله جرب روح توكيل اسكودا و اشتري من هناك الترموستات افضلك او خليهم يغيروها هناك عندهم او هات ترموستات العربيه الجولف 3 شوكه بيركب بردوا او الابيزا و علي فكره الكلام اللي بقولوا ده عن طريق بعض تجارب الاخريين و ليست تجربتي لان انا قبل ماسافر كنت بمر بنفس المشكله بس ارجوك لو وصلت الي حل معين الرجاء ابلاغي من فضلك و علي فكره ممكن تشوف عند بتوع المستعمل اللي في الحرفيين بردوا دي اكيد هتكون اصلي و مره التانيه لما توصل الي حل متنساش اخوك بقي
        انا وصلت لحل كئيب ان الترموستات الاصلي زيها زي الصيني في العربيات وبتفتح كلها فوق النص وتوصلها للنص
        وانا لابس قطع غيار كتير اليومين دول وجربت اكتر من ترموستات للفليشيا بس كلهم بيفتحو زي ما مكتوب عليهم 88/95 للأسف مع التكيف بتوصل ل 105 طبعا انا بتكلم ترموستات سرعتين ياريت حد يدلنا
        عشان مشكلة الفليشيا في مصر الحرارة وفي رأيي بسبب الترموستات وعرضها بعد كده تلف الوش
        طبعا انا خايف اشغل التكييف بعد ما كنت بشغلة واكتشفت ان العربية كانت بتبقي سخنة بس صباع الحرارة كان بيدي قراية غلط

        في ناس بتقولي بي قلب جامد ركب بتاع 128 ودي بتشتغل بعد السبعين وبتقفل 68 بس دي سرعة واحدة واخليها السرعة العالية وبكده مش هتسخن حتي مع التكييف يا تري ايه مدي جدية الموضوع ولا بلاش منه

        Comment


        • #5
          أنا مش فاهم هو الترموستات الجديد اللى إنت جيبته 3 طرف ولا 2 طرف

          للأسف الترموستات ال2 طرف و ال3 طرف الإثنين بيتكتب عليهم رقمين بس بيبقى معناهم مختلف فى كل واحد

          فى ال2 طرف والترموستات ده بيناسب المروحه السرعه الواحده, الرقم الكبير بيبقى معناه حرارة الفتح والرقم الصغير معناه حرارة الغلق

          أما الترموستات ال 3 طرف عباره عن إتنين ترموستات فى بعض وبيناسب المروحة السرعتين, الرقم الصغير معناه حرارة فتح الترموستات الأول اللى بيبقى متوصل بالسرعة البطيئة والرقم الكبير معناه حرارة فتح الترموستات التانى اللى بيبقى متوصل بالسرعة العالية

          إتأكد بس إن اللى ركبلك الترموستات ركبهولك مظبوط لأنه ممكن يكون مش مشغل السرعه العاليه

          وكمان عايز أعرف الصنايعيه عرفوا إزاى إن الترموستات بايز وهل فحصوا دورة التبريد كلها

          مستنى ردك

          عواد8760
          [SIGPIC][/SIGPIC]

          Comment


          • #6
            المشاركة الأصلية كتبت بواسطة awaad8760 مشاهدة المشاركة
            أنا مش فاهم هو الترموستات الجديد اللى إنت جيبته 3 طرف ولا 2 طرف

            للأسف الترموستات ال2 طرف و ال3 طرف الإثنين بيتكتب عليهم رقمين بس بيبقى معناهم مختلف فى كل واحد

            فى ال2 طرف والترموستات ده بيناسب المروحه السرعه الواحده, الرقم الكبير بيبقى معناه حرارة الفتح والرقم الصغير معناه حرارة الغلق

            أما الترموستات ال 3 طرف عباره عن إتنين ترموستات فى بعض وبيناسب المروحة السرعتين, الرقم الصغير معناه حرارة فتح الترموستات الأول اللى بيبقى متوصل بالسرعة البطيئة والرقم الكبير معناه حرارة فتح الترموستات التانى اللى بيبقى متوصل بالسرعة العالية

            إتأكد بس إن اللى ركبلك الترموستات ركبهولك مظبوط لأنه ممكن يكون مش مشغل السرعه العاليه

            وكمان عايز أعرف الصنايعيه عرفوا إزاى إن الترموستات بايز وهل فحصوا دورة التبريد كلها

            مستنى ردك

            عواد8760
            اولا بشكر حضرتك والله علي الاهتمام بمشكلتي
            انا الموضوع من البداية ان العربية كانت فل وتمام بس فجاة صباع الحرارة باظ بس كانت الترموستات شغالة غيرت الصباع ومشيت لقيت العربية بتسخن والمروحة مبتفتحش خالص رحت لكهربي قالي الصباع سليم والترموستات بايظه قلت اجيب صباع جديد مركة اطالي وجربت لقيت بيقرا نفس القرايا والعربية بتسخن بجد والمروحة لاتعمل خالص

            روحت وقلت اروح لكهربائي تاني قالي نفس الكلام الكهربا مزبوطة والمروحة شغاله بفاعلية علي السرعتين جرب السرعتين
            يعني جاب الفيشة الي راكبة في الترموستات وقفل الدايرة شغالة المروحتين و قالي غير الترموستات جبت زي الي راكبة بس فوجئت انها بتفتح متأخر يعني 95 بس بتثبت علي كده والتكييف توصل لي 105 المهم ركبت واحدة تانية زيها اجرب نفس النتيجة مكتوب عليها 95/88 طبعا اطريت امش بيها مؤقتا

            بقول للكهربائي قالي هات ترموستات اقل او ركب بتاعت 128 بس دي فردتين

            المهم عشان العيد اطريت امشي كده الحرارة 95 ثابتة
            نيجي لحالة العربية
            1- الوش سليم وحالة جيدة ومفيش طحينة او خلافة
            2-دورة التبريد افضل ما يمكن طرمبة اصليه قوية وردياتير نضيف و المروحة سليمة وترموستات الكوع متشالة

            سؤالي هنا ترموستات الفليشيا السرعتين الي موجودة كلها عالية وبتستغل علي حرارة عالية
            اركب ترموستات كام علي كام عشان اضمن اها متزدش عن 90 يارب تفدني ولو ركبت 128 هتمشي حلو

            ملحوظة لما اشتريت العربية مكنتش بتسخن خالص وحتي مع الجري السخان كان بيشتغل كل ده حصل فجاة
            يارب تفدتي انا طولت انا اسف بس عشان اوضحلك المشكلة الي عندي

            Comment


            • #7
              جرب كده تخلى الفرده اللى بتفتح على 88 تتوصل على السرعة التانية بدلا من السرعة الأولى
              ممكن الموضوع يتحسن شوية

              لوماتحسن الوضع هات ترموستات فيات وأمرك لله ووصله على السرعة التانية


              بالتوفيق
              [SIGPIC][/SIGPIC]

              Comment


              • #8
                لا متجبش ترموستات فيات خالص لانه مش هيشتغل مظبوط و في نفس الوقت هتعاني من نفس المشكله روح هات احسن الترموستات الاصلي هي دي اللي هتظبط كل حاجه وممكن تروح عند الشركه الهاشميه اللي عند مستشفي القوات الجويه ده بتاع قطع غيار معتمد من التوكيل و ده راجل تمام و ابعد عن فكره الفيات خالص

                Comment


                • #9
                  استفسار معني كلامك ان قميص الردياتير اللي راكب عندك فيه مروحتتين و له مروحه واحده

                  Comment


                  • #10
                    المشاركة الأصلية كتبت بواسطة ahmedtaha20012000 مشاهدة المشاركة
                    لا متجبش ترموستات فيات خالص لانه مش هيشتغل مظبوط و في نفس الوقت هتعاني من نفس المشكله روح هات احسن الترموستات الاصلي هي دي اللي هتظبط كل حاجه وممكن تروح عند الشركه الهاشميه اللي عند مستشفي القوات الجويه ده بتاع قطع غيار معتمد من التوكيل و ده راجل تمام و ابعد عن فكره الفيات خالص
                    تمام هروح بعد العيد بس الترموستات الاصلية دي اصلا هتفتح عن كام درجة حرارة وتفصل عند كام ولو رقم تليفون الهاشمية ياريت تبقي افدتني

                    Comment


                    • #11
                      المشاركة الأصلية كتبت بواسطة ahmedtaha20012000 مشاهدة المشاركة
                      استفسار معني كلامك ان قميص الردياتير اللي راكب عندك فيه مروحتتين و له مروحه واحده
                      هي مروحة واحدة 6 ريشة سرعتين بسديري وهو ده الفبريكا بتاع العربية

                      Comment


                      • #12
                        المشاركة الأصلية كتبت بواسطة ahmedtaha20012000 مشاهدة المشاركة
                        لا متجبش ترموستات فيات خالص لانه مش هيشتغل مظبوط و في نفس الوقت هتعاني من نفس المشكله روح هات احسن الترموستات الاصلي هي دي اللي هتظبط كل حاجه وممكن تروح عند الشركه الهاشميه اللي عند مستشفي القوات الجويه ده بتاع قطع غيار معتمد من التوكيل و ده راجل تمام و ابعد عن فكره الفيات خالص
                        الترموستات الاصلية 3 فرده بتفتح بعد ال90 يعني هشتريها وهرميها
                        [COLOR="#0000ff"][/COLOR]م/ مازن

                        Comment

                        Working...
                        X