سؤال لاصحاب الفليشيا

[medofarou]

عيد سعيد على الامة الاسلامية وكل الفيلشياوية عايز حد يفيدنى هل السخونة على السرعات العالية هل سببها دورة التبريد ولا جوان الوش واعرف ازاى الفرق وواللة على اجابتكم انا هروح يا اغير ريداتيير وطلمبة او هغير الجوان ارجو افادتى عن تجربة

[AhMeD MeTwAlY]

بص انا الحمد لله لسه امبارح اكتشفت المشكله الي كانت عندي في السخونه مع السرعه العاليه
النهارده كانت تجربه للعربيه كنت ماشي 120 - 130 الحراره كانت بتيجي قبل النص وبتنزل تاني مع العلم ان سايب المروحه تشتغل من نفسها
انا كانت المشكله عندي في ترمبة المايه كان القلاب بتعها المروحه الي ركبا فيها بتفوت يعني مع السرعه العاليه مش بتشتغل انما لما تمشي بسرعه هاديه ممكن تشتغل
انا كنت بقول هغير وش السلندر بس سألت ولدي وقالي عن خبره اكتر من 30 سنه لو لقيت العربيه بتخلط الميه بالزيت ده وش السلندر غير كده مش تقرب منه نهائي

[medofarou]

شكرا لمرورك يا باشا وعلى الافادة وياريت لو حد عندة تجربة تانى يرد ويفيد الفليشياوية

[zico2009]

شكرا لمرورك يا باشا وعلى الافادة وياريت لو حد عندة تجربة تانى يرد ويفيد الفليشياوية

طالما العربية بتسخن علي السرعات
1-تلف جوان وش السليندر او شرخ في الوش
2-طرمبة المياة ضغطها ضعيف
3- ترموستات الكوع تالفة
الاحتمال الاول بنسبة 90 %

[khalil]

السيارة الفيليشيا مصممة للأجواء الباردة وعلية المروحة صغيرة ومركبةعلى قميص مما يقلل عملية التبريد فى السرعات العالية و الصيف


والحل

تغيير المروحة بأخرى كبيرة تغطى كل الرادياتير لتناسب أجوائنا الحارة

[medofarou]

[QUOTE=zico2009;3873028908]طالما العربية بتسخن علي السرعات
1-تلف جوان وش السليندر او شرخ في الوش
2-طرمبة المياة ضغطها ضعيف
3- ترموستات الكوع تالفة
الاحتمال الاول بنسبة 90 %[/QUO
اولا شكرا لمشاركتك يا zico بس الجوان لية علامات زى الزيت والمية بيدخلوا على بعض ولا ممكن يضرب من غير مايبان انا عندى الزيت والمية تمام ارجو الافادة

[medofarou]

شكرا يا ابو خليل على الافادة بس عندى سؤال هل يوجد علاقةبين تبريد الهواء المقابل على السرعات العالية والمروحة وهل القميص كوييس ولا لا وعلى فكرة احنا اسكندرانية زى بعض ممكن تقوللى لو عندك ميكانيكى شاطربتتعامل معاة

[khalil]

شكرا يا ابو خليل على الافادة بس عندى سؤال هل يوجد علاقةبين تبريد الهواء المقابل على السرعات العالية والمروحة وهل القميص كوييس ولا لا وعلى فكرة احنا اسكندرانية زى بعض ممكن تقوللى لو عندك ميكانيكى شاطربتتعامل معاة

الف تحية يابو اسكندر
ومن المعتاد انخفاض الحرارة مع ارتفاع السرعة .
ولكن وجود القميص يقلل سريان الهواء فى الردياتير مما يقلل تبريد المياة
وعن الميكانيكى فمعذرة

[medofarou]

يعنى يابو خليل القميص دة ممكن يتشال ولا لا وشكرا على مرورك يا باشا

[khalil]

يتم رفع القميص بالمروحة و تركيب مروحة كبيرة تغطى الرادياتير
ودا حيخلى الحرارة منخفضة وانسى السخونة فى جميع الاحوال

[medofarou]

تسلم يا ابو خليل بس هل انت جربتها ولا لا ولو جربتها
جبت المروحة منين وبكام وبتاعة عربية اية اساسا ارجو افادتك يا بلدياتى

[د.محمود صلاح]

المشكلة دي قابلتني واتحلت بعد ما ضبطت الكهرباء ( توقيت الإشتعال ) لأنها كانت مأخرة

[medofarou]

شكرا لمرورك يا دكتور وعلى الافادة وهخلى ميكانيكى يكشف عليها

[ahmedtaha20012000]

شوف عشان تستريح من الاخر السخونه مع السرعات العاليه فيه له اسباب كتيره فأذا كان مؤشر الحراره بيعلي و مبينزلش مع السرعات العاليه ده معناه ان وش السلندر فيه حاجه لو ان بينزل ده يبقي لخبطة ترموستات و غالبه بتكون الترموستات دي مش اصلي و هي 3 طرف اللي بتخلي المروحه سرعتها تزيد مع السرعات العاليه لان المروحه بتكون 2 سرعه
الحاجه التانيه ممكن يكون دورة التبريد فيها تسريب او سدد في الردياتير فده بيقلل من اندفاع الميه بالسرعات المطلوبه
ثالثا التكيهات لو مش مضبوطه ده يسبب الحراره العاليه
رابعا طرمبه الميه و ده ممكن تعرفه لو فتحت الاربه و بصيت علي سرعه اندفاع الميه خاصة و سخان العربيه شغال لو لاقيتها منتظمه و كويسه يبقي مفيش مشكله في الطرمبه لو الميه مقطعه يبقي في مشكله في الطلمبه
خامسا نصيحه مفيش حاجه اسمها ان القميص بتاع المروحه هو السبب لان ده غلط

[medofarou]

معلش يا احمد هو السخان دة فين حد يفيدنى