ببيع الفليشيا رايكم في السعر

[AhMeD MeTwAlY]

انا عرضت عربيتي النهارده علي 28000 جنيه اخر كلام ودفع كاش
العربيه رشه بره نضافه
فبريكا من الداخل بالكامل
الماتور 100% سليم مفهاش الهوه
ثبات وسرعه علي الطريق بدون سخونه في الصيف نهائي
فرش جلد فوق الفرش الاصلي الطبلون وفرش الابواب زي الفبريكا تمام استعمال بيت وشخص واحد بتخرج في الاسبوع يمكن 4 مرات ده بالكتير اكبر مسافه ممكن تمشيها في اليوم 8 كيلو
رخصه باقي فيها سنتين نمر قديمه
فيها سنتر وكاست سماعات كويسه
الموديل 1995
يا ريت حد يقولي السعر مناسب ولي ارفض البيع
واجيب ايه مكنها في نفس السعر

[AhMeD MeTwAlY]

السمسار هياخد 1000 جنيه
يا ريت الافاد بسرعه

[koko2002]

السعر رخيص قوي

على فكرة 28000 جنيه بالنسبة للحالة اللي انت بتقول عليها يعتبر رخيص قوي وده من وجهة نظري لأن العربية دي لو صبرت شوية ممكن تحصللك 30000 جنيه بس أنت ابعد عن السماسرة لأنهم بيعملوا شغل قذر قوي ويقعد يقولك اخلص منها ، دي مش حتجيب أكثر من كده ، دي فرصة وكل همه أنه يخلص البيعة بأي ثمن ويلهف العمولة ، ومش مهم انت تخسر ، منطق أناني جدا ، مش بيفكر غير في مصلحته وبس، ثم هو عمل أيه علشان ياخد 1000 يعني هي كانت مرسيدس ، ولا بي إم ده آخره في العمولة 200 ويدعيلك كمان لأنه حياخد زيهم من المشتري
شوف لو انت حاطتها في الوسيط بـ 31 أو 32 الف جنيه عشان تعمل حساب الفصال مش حتجيب لك أقل من 30 ألف جنيه وأنا متأكد

[hamadaghfar]

ممكن حضرت تقولي عامله كام كيلو lx ولاglx وربنا يحسنلك بعها

[kar!m]

العربيه مفيهاش تكييف فالسعر اللى حضرتك كاتبه كويس كسعر ابتدائى.

[AhMeD MeTwAlY]

العربيه lx وفاضيه كل الي فيها سنتر بس وطقم الصوت انا هيشله

[koko2002]

سعر ابتدائي ، ده كده معناه قابل للتفاوض وتقل عن 28 ألف جنيه كمان ، لو أنت تعرف الفيفورت ثمنها ساعات بيوصل لـ 25 ، 26 الف وخللي بالك ده حيدفع 1000 عمولة سمسار يعني في الآخر حتوصل العربية لـ 20 الف

[AhMeD MeTwAlY]

اتلغي السمسار والعربيه علي 27000 جنيه

[kar!m]

اتلغي السمسار والعربيه علي 27000 جنيه

كده تمام على الحاله اللى انت كاتبها .. و ربنا يوفقك ان شاء الله.

[AhMeD MeTwAlY]

باذن الله شكرا يا مستر كريم علي الافاده
ولو هتقل عليك انا عايز اجيب عربيه برده في نفس السعر 270000 ايه المتاح؟؟!؟؟

[Maged_Samy]

1995 سعرها بيتراوح ما بين 23000 وحتى 27000 جنيه ومش اكتر من كده انا كان قدامى واحده حالتها معقوله اوى اخرها 23000 جنيه
بس رأيى اوعى تبيع الفيليشيا لانك بجد عمرك ما هتلاقى حاجة زيها فى الثبات والجمال وقوه التحمل ، انت بس ممكن تركبلها كونصله وتغير عداد الساعات بواحد فيه rpm وتبقى عدلتها 1997 ولو مصمم على البيع ربنا يوفقك ويسهلك بيعها

[AhMeD MeTwAlY]

واللهي يا مستر مجدي مش عارف لسه الموضوع بيروح وبيجي بس تقريبا موضوع البيع حسب الظروف جابت سعر كويس هبيع مفيش سعر انا بركب العربيه وبتقضي مصلحي وكفايه انها مش بتحرجني نهائي علي عكس ناس كتيره اوي معاها عربيات في نفس السعر متبهدله بمعني الكلمه

[AhMeD MeTwAlY]

باذن الله
شكراا

[bisoolover]

يا جدعاااان ايه اللى انتوا بتقووله ده ماحدش يقلل من سعر العارض للعربية هوا عايز فيها كده ماحدش يققو اخرة كدا اوو كدا
والى صاحب الموضووع انا عربيتى فى نفس الكلام اللى انت بتقوول عليه وجايبة 31 سييبك دلوقتى من البييع واتقل العربيات هتزييد تانى اتقل بجد وحرام تبييع الفليشيا قوول 30000 وماتخفش يالهوى دى فلشيا يا جدع وسييبك من الكومبو دى هلاسة مش عربية
اسمع الكلام ربنا يهديييك لو فعلا عوزت تبييع ماتقلش عن 30 وانشاءالله معنها اتباعت هيجلها زبونهامالكش دعوة بسمسار ولا كلام حد

[AhMeD MeTwAlY]

ان شاء الله
انا لغيت اساس مع الناس وناوي استي شويه
يعني علي شهر 2 من السنه الجديده كده