مساعدة من ملاك الفيلشيا

[Mr_Mustafa]

السلام عليكم ورحمه الله وبركاته
اهلا وسهلا باعضاء نايل موتورز

كنت اريد ان اسأل لكل من امتلك سيارة سكودا فيلشيا اية تقيمه عن العربية لانى افكر فى شراها
- اية افضل موديل للعربية
- اية نظام قطع الغيار ( منتشرة ورخيصة ) ...... واستهلاكها فى البنزين اية اخباره
- اية الكلام اللى بيتقال على سخونة العربية ( يعنى مش اركبها كل يوم ) ..... وهل عيب السخونة ليس لديه علاج
- هل العربية تتحمل المشوار يوميا من المرج الى مدينة بدر ( ذهابا وعودا ) ولا هتترمى من اول شهر
- واخيرا تنصحونى بشراءها كاول عربية ولا ابتعت عنها ( اصل انا بفكر فى ابيزا او كيا برايد ) بس سعر الفيلشيا هو اللى معايا دلوقتى


وشكرا مقدما

[tota_ys]

انا بعت العربيه بتعتى بسبب الحرارة والسخونة ما فيش ليها حل نصيحة لوجه الله ابعد بعيد عن العربية دى خالص

[AhMeD MeTwAlY]

انا بعت العربيه بتعتى بسبب الحرارة والسخونة ما فيش ليها حل نصيحة لوجه الله ابعد بعيد عن العربية دى خالص

ممكن يكون كلامك ينطبق علي عربيتك او انت مش عرفت تعالج السخونه او الي كانت معاه العربيه قبلك كان ضربها بالجزمه
انا عربيتي مش فيها مشكله السخونه وجري 120-140 مفيش فيها الهوي وبعدين الصيف ده مفيش عربيه مش بتعدي درجة الحراره النص
البيجو 504 الي هي 2000 سي سي عربيت عبود الاولي بتسخن في الحر ده

[benmatar]

السلام عليكم
بالنسبة للفيليشيا وأي عربية مشكلة السخونة ممكن تتحل ومتسخنش ابدا.. وبالنسبة للفيليشيا بوجه خاص هي عربية أفضل من موديلات كتير بنفس السعر والقيمة ومينفعش نقارن عربية تمنها 20 الف بعربية تمنها 70 الف مثلا، وبصفة عامة موتور الفيليشيا يحتاج متابعة ورعاية غير مكلفة وأنصح بصيانتها عند ميكانيكي سكودا وهتلاحظ فرق كبير في الاداء وده عن تجربة لما ضبط الكربراتير ونظفته وضبطت التاكيهات والترموستات ومية الردياتير عند ميكانيكي سكودا الحرارة متزيدش عن النص بأي حال وفي اقصى ايام الحر، وبصفة عامة لو العربية ثابتة في الجري مقارنة بمثيلاتها من الكوري مثلا، ولو الموتور مظبوط البنزين هيكون اقتصادي معاك بس احذر من بنزين 80 وربنا يوفقك