ماستر الفرامل العمومى باظ

[dado_256]

عربيتى فليشيا والماستر باظ الدواسه بتنزل للاخر ومفيش فرامل

ياترى حد جرب حاجه اسمها طقم اصلاح اللى هو الكاوتش ولا لأ عشان بصراحه العمليه مزنقه شويه ومش هعرف اجيب ماستر دلوقتى وراكنها وعايز اصلحها

ياريت لو حد جرب يفيدنى ضرورى

[benmatar]

السلام عليكم
النصيح تغيير ماستر الفرامل بالكامل وعدم إصلاحه، وذلك للعديد من النقاط الفنية والأمان ((( دي فرامل)))
تاني حاجة سعر الماستر الجديد كنت مشتريه من حوالي 11 شهر 175ج.م وعملية الإصلاح مش هتفرق كتير ومش هتعمر معاك.
حاول تدبر أمورك وتشتري ماستر جديد.

[sakr_skoda]

السلام عليكم
النصيح تغيير ماستر الفرامل بالكامل وعدم إصلاحه، وذلك للعديد من النقاط الفنية والأمان ((( دي فرامل)))
تاني حاجة سعر الماستر الجديد كنت مشتريه من حوالي 11 شهر 175ج.م وعملية الإصلاح مش هتفرق كتير ومش هتعمر معاك.
حاول تدبر أمورك وتشتري ماستر جديد.

[zega332]

دى اول مشاركه ليا فى المنتدى بس انا بحب اتكلم فى الي اعرفه
انا كنت فى الموقف ده من اسبوع انا معايا فليشيا والفرامل عملت نفس الحركه بس قبل ماتفكر فى الماستر العمومى لازم تتأكد ان المساتر الاربعه الي فى الطنابير كويسين ومبيسربوش زيت وفى الحاله دى يبقى الموضوع ماستر عمومى وطبعا بضم رأيي انك متصلحش الماستر العمومى احسن حاجه تغيره لأنك هتصفر عليه على الفاضى وهيتعبك وفى نفس الوقت تنساه
سعر الصينى 130 تقريبا
وفى ايطالى 180
والالمانى 250 والكل بيشتغل كويس مع فرق فى المده والتحمل ومعلش لو اتكلمت كتير

[benmatar]

السلام عليكم
كلام مضبوط وسليم
لازم التأكد من عدم وجود تسريب زيت باكم، ومن سلامة الطنابير والتيل، وفعلا الماستر العمومي اشتريته إيطالي من سنة 175ج تقريبا، واضطريت لشراء طنابير جديدة بسبب الخراط ربنا يسامحه كانت ألماني 250ج ومنها كان في صيني 130ج، وتيل كوري كويس ومحترم 65ج. متستخسرش في الفرامل، وربنا يباركلك..

[mosakes2711]

أنا بعد ما غيرت تيل وازيت افرامل لقيت الفرامل بقت ضعيفة أوي هل الراجل غلط في حاجة كدة في التركيب هو قالي هي كدة محتاجة ماستر

[benmatar]

أنا بعد ما غيرت تيل وازيت افرامل لقيت الفرامل بقت ضعيفة أوي هل الراجل غلط في حاجة كدة في التركيب هو قالي هي كدة محتاجة ماستر

ممكن الفرامل تكون واخدة هوا، وده مصطلح معناه وجود نسبة هواء داخل مواسير الفرامل تديلك الشعور ده، وحلها في 10 دقايق إن الميكانيكي يفك لواكير الفرامل الموجودة على كل صرة وحد يدوس فرامل وينزل الهواء لغاية ماتنقط زيت، يعني (عملية تفريغ الهواء من نظام الفرامل)
وبرضه لو المستر العمومي منتهي الكفاءة ممكن يعمل كدة بس لو دست فرامل كذا مرة ورا بعض تلاقي الفرامل عليت ومسكت يبقى اتأكد من إنه الماستر وسعره حوالي 175ج.م من سنة.

[ayman20100]

من الاخر ما تصلحش وهات ماستر جديد
انا فاكر اني جبت ايطالي من ابو الحسن بس مش فاكر السعر بس اظن كان ارخص من الارقام المكتوبه هنا اتأكد وشوف الاسعار الاول عند اكتر من واحد

[Ahm662]

و ماله الاستيراد !!!.هات واحد استيراد بعلبة الزيت بالجلب بتاعت الخراطيم اللي ورا هيكون في حدود ١٠٠ جنيه (بس انضف من الجديد بمراحل )........ بس بعد اذنكم ممكن حد يقولي مين أفضل محل في بورسعيد اجيب منه موتور ٢٠٠١ injection استيراد . أنا بإذن الله هانزل اجيب الموتور الاسبوع الجاي