Tweet
دخلت في حوار مع الميكانيكي عن سخونة عربيتي في الصيف و انا مشغل التكيف و قلي ان شغل الفبريكة غير شغل المصري (على اساس ان التكيف عندي تركيب مش فبريكة) وان السربنتينة قفله الهوا اللي جاي من بره العربية, و بيقولي ان انا لو ركبتت مروحة الشاهين عمر العربية مهتسخن مع التكيف, و ان المروحة اللي عندي جايه بزوية و مش بترجع الهوا على الموتور مباشرة (رغم ان المروحة عندي سرعيتين بالقميص) فأنا الصيف اللي فات ناس قالتلي ركب مروحة امامية على السربنتينة, فـأنا مش عارف ايهم افضل اغير المروحة بمروحة الشاهين ولا اركب مروح امام السربنتينة
-
-
انا رائى وبكل صراحه لانى زهقت من موضوع السخونيه ده اننا نغير العربيه دى كلها لان موضوع السخونيه ده اصبح مشكله يوميه بالنسبالى -
ركب مروحة امام الريداتير تشتغل مع التكييف على طولComment
-
والله انا هقولك على تجربتى العربية كانت معايا والتكيف كان متركب زى حضرتك كدا مش الاصلى
اول ما كنت بشغل التكيف العربية كانت بتولع
ومن غير التكيف كمان العربية كانت بتسخن ورحت عند اكتر من ميكانيكى ومافيش فايدة وكل شويه جوان وش سلند
ريح نفسك وبيع العربية دى زى ما انا عملت
العربيه دى سيئه السمعه
عن تجربةComment
-
السلام عليكم
بالنسبة لموضوع الحرارة الشائع والدارج في بعض الموديلات، ومن واقع خبرة في معظم تلك الموديلات المتهمة زي سكودا فيليشيا، بيجو 406، فولكس بورا والحكاية إني مش غاوي حرارة وأعطال فتوجد بعض النقاط الهامة التي يغفل عنها كثيرون وظاهرها أنه لا دخل بها والحرارة، وأنصح من واقع تجاربي وخبرتي المتواضعة السادة الأفاضل:
1- البطارية: لو بطارية عربيتك بتشاور عقلها أو مش تمام التمام فمروحة الردياتير في معظم الأوروبي زي الفيليشيا والرينو هتدور بالراحة، ومش هيحصل تبريد.
2- غطاء قربة المياه: لو مش أصلي العربية هتسخن لأن الغطاء الأصلي في صمام زي سوستة بتخرج الهواء لما يحصل ضغط بخاري وتمنع خروج المياه، وحصلت في فيليشيا مرة وفي بورا مرة إن الغطاء كان المتهم الرئيسي للحرارة.
3- طبعا عندنا عوامل كتير تانية زي المياه ومنسوبها وحالة الردياتير، وسير طلمبة المياه، ولو دورة المياه بتدخل هواء العربية هتتسلق
أرجو أكون أضفت معلومات ولو بسيطة.[CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]Comment
-
ونسيت أقول إن فعلا المروحة أمام الردياتير لسحب الهواء من الخارج للداخل مهمة للغاية بس لو قطرها أكبر من قطر مروحة الشاهين يكون أفضل زي مروحة الدايو مثلا[CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]Comment
-
كلام جميل, بس انا عندي العربية مش بتسخن الا مع التكيف, وانا مقتنع ان في مشكلة في تركيب التكيف لأن فعلا العربية مخنوقة ومفيش مكان يدخل منه الهوا, السربنتينا قفلا تمام و كمان فتحة اللي في وش العربية صغيرة جدا.
المهم روحت للكهربائي و بسأله على موضوع مروحة شاهين بدل من المروحة اللي عندي, قالي ان المروحة اللي عندك اشد من بتاعت الشاهين وقالي ركب مروحة امامية عند سربنتينة التكيف.
ان شاء الله انا ناوي على دخول الصيف اشوف الموضوع ده وربنا يسهل.Comment
-
المشاركة الأصلية كتبت بواسطة asaid مشاهدة المشاركة
كلام تمام التمام، وممكن المروحة الأمامية تركب وتشتغل بترموستات منفصل تركبه على الردياتير، وبكده يكون عندك نظامين تبريد، وفي الحر الشديد تشتغل المروحتين حتى لو مش مشغل تكييف، بس لو عملت كده أنصح سيادتك بتريكب بطارية 70 أمبير، ودي حقيقة يغفل عنها كثيرون ألا وهي أن البطارية لو ضعيفة العربية ممكن تسخن وده موجود في بعض العربيات الأوروبي زي الرينو الكليو والفيليشيا والبيجو 405، لأن لفات المروحة هتكون أقل وده متجرب، ونقطة بسيطة تانية ألا وهي غطاء القربة لو مش أصلي العربية هتسخن وده بيحصل لمعظم الألماني زي البورا والباسات وعائلة سكودا لأن الغطاء الأصلي في صمام وسوستة تسمح بخروج الضغط البخاري والهواء دون خروج المياه، أطلت عليك بس شوية نقاط لو عملتها العربية عمرها ما هتسخن.[CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]Comment
-
لا اله الا الله الفليشيا بتسخن
عربيتي بعمل بيها ارقام قياسية (حرق علي الغيارات) واقسم بالله عداد الحراره مش بيوصل النصComment
-
جنون حرارة الفليشيا
يا جماعة فى فكرة عندى مش عارف تنفع فى الموضوع ده ولا لا .... الفكرة كلها فى طرمبة الميه لو طمبورة طرمبة الميه حجمها كبير ( قطرها ) ممكن نركب طمبورة قطرها اصغر مع تغير مقاس السير بالحجم الجديد
... قده عدد لفات طرمبة الميه هتزيد وسرعة دواران الميه فى دورة التبريد هتزيد ومعدل التبريد اسرع من الاول ... فكرة ويارب تنفعComment
-
المشاركة الأصلية كتبت بواسطة benmatar مشاهدة المشاركة
على حد علمى ان البطارية دورها تشغيل العربية بعد كدا الدينامو بيتولى مسئوليته ويغذى العربية كلها كهربا ويعوض نقص الشحن فى البطارية لو كلامى دا صح يبقى البطارية حتى لو ضعيفة بمجرد تشغيل المحرك المروحة هتشتغل وهتحمل ع الدينامو إيه رأى حضرتك فى الكلام دا ؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
السلام عليكم ورحمة الله وبركاته....*
ياجماعة مشكلة السخونية بالذات فى السكودا كانت مشكلة فى الماضى دلوقتى مبقاش لها اساس من اصلة ودا عن تجربتى الشخصة وبعد ما طلعت روحى وفضيت جيوبى وطبعا العربيى نازلة بالتكييف بس بصراحة انا مش مشغلة ربنا هدانى انى اغير الريداتير الأصلى النحاس باخر المونيوم الصينى اللى موجود فى السوق والحرارة مش ممكن توصل للنص ابدا لأنى كمان مغير تيرموستات 68/90 ومن يومها نسيت حاجة اسمها سخونية....*[rmade]http://im60.gulfup.com/1KWugz.jpg[/rmade]Comment
-
بالنسبة للبطارية دورها مهم وحيوي وفعال في تغذية الوحدات عالية الاستهلاك زي بلاور التكييف أو الدفاية، مروحة الردياتير والسربنتينة، آلية الؤازرة في بعض سيارات (نظام الباور ستيرينج الالكتروني)، ولو موتور العربية كهربا زي مابيقولو في بعض الماركات زي البورا مثلا.المشاركة الأصلية كتبت بواسطة mohammedaladel مشاهدة المشاركة
ممكن حضرتك تجرب إنك تدور العربية وبعدين تفك البطارية (الطرفين) وامشي بيها ولاحظ درجات حرارة الموتور من الأمبير خلال المشي والجري وانت منور النور العالي مثلا أو مشغل التكييف. هتلاحظ صحة رأيي المتواضع، فعلا كلام سيادتك صح بس الدينامو مش هيلاحق ومش هيقدر يغذي كل الوحدات فتبقى كهرباء مروحة الردياتير ضعيفة.[CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]Comment
-
شكرا جدا للتوضيح من خلال شرح حضرتك يبقى أثناء تشغيل السيارة الدينامو والبطارية بيبقوا بيغذوا العربية مع بعض ولما نفصل البطارية مع تشغيل التكييف مثلا وعجلة مؤازرة كهربائية ونور عالى مؤشر الحرارة هيرتفع كلام معقول جدا بس هل دا حضرتك فى كل العربيات ؟المشاركة الأصلية كتبت بواسطة benmatar مشاهدة المشاركة[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
معظم العربيات كده طبعا لأن على فكرة الدينامو مش هو المصدر دايما وإنما البطارية والدينامو هو اللي بيغذيها مش أكثر، فلما تكون البطارية مصابة بأمراض مزمنة وعندها ضعف عام الحمل هيكون على الدينامو وهيصاب بالاجهاد والتعب والإعياء. وربنا يشفينا جميعا ويكفينا مشاكل العربيات وخاصة إننا داخلين على الصيف.[CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]Comment
Comment