مؤشر البنزين

[mhamed70]

السلام عليكم
اليكم تجربتي ومأساتي مع السكودا فورمان في التوكيل والميكانيكي
المشكلة بدأت مع هبوط مؤشر بنزين التنك عن وضع full حتى مع ملىء التنك
وبسؤال التوكيل الأجابة (600جنية ) وتغيير العوامة
وبسؤال الميكانيكي (200جنية) وتغيير العوامة بقطع صيني
سبتها شوية لحد ما فيوم سقط المؤشر نهائيآ وأصبح لايعمل
المهم أستعنت بالله وجلست على النت وقرأت كتير لحد ما عرفت مكانها وطريقة الفك والصيانة
فكيت الكنبة وغطاء التنك مع مراعاة الوصلات وألوانها وخرطوميين البنزين
وخرجت العوامة وكانت المفاجأة.......
فوجأت بذراع مقاومة العوامة مركب بالمقلوب وسايب من مكانه وكمان طرف مقاومة العوامة مقطوع من الأحتكاك بريشة ذراع العوامة المركب غلط
تم أصلاح المقاومة وعكس وتنظيف وتثبيت ذراع العوامة والأختبار قبل التجميع خارج التنك لتلافي الخطر - والحمد لله المؤشر أشتغل صح - وتم التجميع والتفويل والمؤشر full

[aymn2003]

الله ينور

[AhMeD MeTwAlY]

الله ينور بجد ربنا يديك الصحه ويبارك لحضرتك فيها

[sakr_skoda]

الله ينور عليك هوا دا المصرى الأصيل بلاخواجة بلا........*

[mina2210]

ربنا يباركلك في مجهودك و اصرارك

[المنسي]

انا عندى المؤشر نفس المشكلة افول والاقى المؤشر مش بيوصل للاخر ولما بامشي بالعربية فترة والموشر مش ثابت يعنى ممكن الاقي العربية مثلا فيها 8 لتر والمؤشر على 5 لتر مثلا مش عارف بقى اغير العوامة ولا ايه الوضع

[dado_256]

انا عندى المؤشر نفس المشكلة افول والاقى المؤشر مش بيوصل للاخر ولما بامشي بالعربية فترة والموشر مش ثابت يعنى ممكن الاقي العربية مثلا فيها 8 لتر والمؤشر على 5 لتر مثلا مش عارف بقى اغير العوامة ولا ايه الوضع

وانا كمان زيك بالظببببببط مش عارف اعمل ايه ؟؟؟؟

[SHNORY]

الكهربائي كان مغيرلي العوامه وعاملي حاجه بسيطه تانيه مش فاكر ايه هي
واخد مني 25 جنيه
200 جنيه ايه دي اللي الميكانيكي بيقولك عليها؟؟
بس تسلم ايدك انك فكيتها وصلحتها

[mazher_m]

الله ينور عليك
كده ممكن الواحد يفكر يعمل كل حاجه بنفسه

[benmatar]

وعندي نفس الموضوع لما تكون مليانة على الآخر المؤشر مايزدش عن التلتين فبصراحة قلت طالما شغال كويس في النص الأخير ولمبة الاحتياط بتنور مش مشكلة.

[mhamed70]

أشكر كل الأعضاء والأهتمام بموضوعي
ومن ردود حضرتكم تأكدت أن العيب الخاص بعوامة التنك عام في السكودا فورمان والفيليشيا لتقارب سنة الأنتاج 94/95
أكرر شكري لحضراتكم

[mhamed70]

بالنسبة لمشكلة خطاء المؤشر في تقدير البنزين بالتنك نفس المشكلة الي قابلتني وسببها معايرة وضعية المؤشر من ذراع العوامة المتحرك على القاومة المتحركة بالتنك - كل المطلوب فك غطاء التنك بعد فك الوصلات ثم أعادة الوصلات الكهربائية فقط في حدود 4 أسلاك - ثم تحريك ذراع العوامة لأسفل لضبط وضع e وربط مسمار الذراع - ثم العكس لأعلى لضبط وضع f
مع خالص الشكر

[المنسي]

بالنسبة لمشكلة خطاء المؤشر في تقدير البنزين بالتنك نفس المشكلة الي قابلتني وسببها معايرة وضعية المؤشر من ذراع العوامة المتحرك على القاومة المتحركة بالتنك - كل المطلوب فك غطاء التنك بعد فك الوصلات ثم أعادة الوصلات الكهربائية فقط في حدود 4 أسلاك - ثم تحريك ذراع العوامة لأسفل لضبط وضع e وربط مسمار الذراع - ثم العكس لأعلى لضبط وضع f
مع خالص الشكر

معلش ممكن تشرح بتفصيل اكتر عشان الواحد يقدر يستوعب يعني الواحد لو كده يعمل اللى حضرتك بتقول عليه ولا اشترى عوامة بنزين جديدة وشكرا لحضرتك

[mhamed70]

كيفية المعايرة:-
1- فك وصلات غطاء التنك(4 أسلاك و 2 خرطوم بنزين)ورقمهم بالماركر علشان ما نغلطش في التجميع
2- فك غطاء التنك يخرج معاك من التنك وبأسفله العوامه معلقة بأسفل ولكن أعلى العوامة فيه ذراع نحاسي صغير مربوط بذراع العوامة المعدني بواسطة مسمار معدني صغير - هذا الذراع النحاسي يتحرك على مقاومة سلكية أو كربونية متغيرة (قيمة المقاومة المذكورة من 800 الى 600 أوم) نقيسها بأفوميتر ونتأكد من قيمتها - نتأكد من تلامس الذراع النحاسي مع المقاومة وننظف نقطة التلامس بينهم
3- يوجد دليلين معدنين لبداية ونهاية حركة الذراع المعدني للعوامة كدليل لوضع f ولوضع e - نضع العوامة لأسفل حتى يلامس ذراعها المعدني دليلة الe ثم نربط المسمار مع الذراع النحاسي الملامس لأخر طرف المقاومة المتغيرة
4- مع حركة العوامة لأعلى حتى تلامس دليلة f ونتأكد منتلامس الذراع النحاسي للطرف المعاكس للمفاومة المتغيرة
5- وصل الأسلاك الأربعة السابقة بالترتيب في غطاء التنك بدون تركيبة في التنك ودور مفتاح الكونتاكت كهرباء فقط - حرك العوامة لأعلى وأسفل وراقب مؤشر البنزين صعوآ وهبوطآ مع حركة العوامة وتأكد أنه يصل لوضعf ولوضع e - أفصل الكونتاكت
6- فك الأسلاك وركب غطاء التنك في التنك ووصل (4 أسلاك و 2 خرطوم بنزين) وأحكم الأغلاق - وجرب ودور السيارة أن شاء الله خير

[المنسي]

كيفية المعايرة:-
1- فك وصلات غطاء التنك(4 أسلاك و 2 خرطوم بنزين)ورقمهم بالماركر علشان ما نغلطش في التجميع
2- فك غطاء التنك يخرج معاك من التنك وبأسفله العوامه معلقة بأسفل ولكن أعلى العوامة فيه ذراع نحاسي صغير مربوط بذراع العوامة المعدني بواسطة مسمار معدني صغير - هذا الذراع النحاسي يتحرك على مقاومة سلكية أو كربونية متغيرة (قيمة المقاومة المذكورة من 800 الى 600 أوم) نقيسها بأفوميتر ونتأكد من قيمتها - نتأكد من تلامس الذراع النحاسي مع المقاومة وننظف نقطة التلامس بينهم
3- يوجد دليلين معدنين لبداية ونهاية حركة الذراع المعدني للعوامة كدليل لوضع f ولوضع e - نضع العوامة لأسفل حتى يلامس ذراعها المعدني دليلة الe ثم نربط المسمار مع الذراع النحاسي الملامس لأخر طرف المقاومة المتغيرة
4- مع حركة العوامة لأعلى حتى تلامس دليلة f ونتأكد منتلامس الذراع النحاسي للطرف المعاكس للمفاومة المتغيرة
5- وصل الأسلاك الأربعة السابقة بالترتيب في غطاء التنك بدون تركيبة في التنك ودور مفتاح الكونتاكت كهرباء فقط - حرك العوامة لأعلى وأسفل وراقب مؤشر البنزين صعوآ وهبوطآ مع حركة العوامة وتأكد أنه يصل لوضعf ولوضع e - أفصل الكونتاكت
6- فك الأسلاك وركب غطاء التنك في التنك ووصل (4 أسلاك و 2 خرطوم بنزين) وأحكم الأغلاق - وجرب ودور السيارة أن شاء الله خير

شكرا لشرح حضرتك بس من الواضح انها شغلانة وانا بصراحة خايف اعملها على العموم شكرا انك افدت بالشرح الجميل ده وجزاك الله خيرا