زيت الشنبر

[Ahm662]

السلام عليكم أنا كنت راكب يوم الاربعاء تاكسي فكنت بدردش معاه كده المهم سألته علي ميكانيكي كويس في العاشر من رمضان قالي ليه بالضبط قلتله عشان شكل العربية عايزه تعمر قالي هاتلك زيت شنبر و حطه يمشيها شهر كده و مكنة العربية هترجع كبسها حلو ثاني بس ده حل موقت الكلام ده بجد هو في حاجة كده أصلا ؟؟؟ هو اسمه ايه يعني الزيت ده (قالي بيبقي ماسك زي العسل كده) وبيتحط إزاي يعني يا ريت شرح مفصل كده من اللي يعرفه في انتظار ردودكم

[sakr_skoda]

!!!!!!!!!!!!!!!!!!!!!!!!!!!!!!!!

[zega332]

زيت الشنبر ده بيبقى عباره عن علبه صاج نص كيلو وبيبقى زيت تقيل نفس تقل العسل كده وبيتحط للموتور الي بيحرق زيت وبيترتش على البوجيهات وفى الحاله دى العربيه تقطع ومتمشيش الا بتنظيف البوجيهات فبينصحوا بزيت الشنبر لأنه بيتركز على الاماكن الي بتسرب ويقلل وصول الزيت للبوجيهات ويقلل الدخان الي بينتج عن حرق الزيت
(((طبعا هو مش حل هو عباره عن مسكن لمده قصيره ولو استخدمتوا يبقى تمشى عليه لحين عمل العمره يعنى لو العربيه بتاخد 3 كيلو زيت تغير 2كيلو وتشترى علبتين زيت شنبر ده بيتحدد على حسب سوء الحاله)))
ونصيحتى لو العربيه عايزه شنبر غيره علطول قبل ما الموضوع يكبر والبساتم كمان تبوظ وبعدها الشمايز وتدخل فى عمره كامله لأن كل حاجه مرتبطه بالتانيه( الشنبر خف يبقى البستم حركته فى الشميز اختلت يبقى البستم اتاكل والشميز باظ)
وربنا معاك ان شاء الله

[benmatar]

أوعــــــــــــــــــــــــــــــــــى تعمل كدة أبــــــــــــــــــــــــــــــــــــدا
زيت المحركات أنواع ودرجات تختلف من ناحية اللزوجة وبعض الخواص الكيميائية والفيزيائية، ولكل محرك درجة زيت مثالية للتشغيل، وتختلف أيضا حسب حالة الموتور.
بالنسبة لزيت الشنبر فيتميز بمعدل لزوجة عالي (أقرب الشبه للعسل عند الانسكاب)
بالنسبة لبعض الغشاشين فيستخدمون زيت الشنبر في المحرك بدلا من الزيت العادي عند بيع السيارة إذا كان المحرك يحتاج عمرة وحالته سيئة فبالتالي يمنع ظهور الدخان الخارج مع العادم وهذا اجراء بهدف الغش والكذب وبعد الشراء يتفاجأ المشتري بالخدعة.
زيت الشنبر ثقيل وبالتالي يكون عند تشغيله في محرك بنزين عادي:
- يكون ثقيل على طلمبة الزيت، ويؤدي لإجهادها جدا.
- عدم تغلغله وانتشاره بالشكل المطلوب داخل جميع أجزاء المحرك، وتصاب أجزاء بالاحتكاك نتيجة قلة التزييت
- يزيد من الرواسب على جدار المحرك الداخلي
- ضغطه أعلى داخل المحرك اثناء الدوران وفي ظروف التشغيل القاسية
يستخدم فقط في حالة مؤقتة عندما يكون محرك السيارة يحرق زيت بكميات، واجراء العمرة بعد مدة مثلا، ولا تريد تزويد المحرك بزيت كل يومين، اعلم أن بعد الاستخدام لن يتحسن المحرك بتاتا بل يتم اجراء العمرة فورا (كاملة)
إذا كنت ستقوم بعمل عمرة كاملة وتحتاج بعض الوقت ممكن تستخدمه أو تقوم بعمل إضافة منه للزيت العادي وليس كل الكمية شنبر لثقله.
أرجو أكون أفدتك، بالتوفيق

[Ahm662]

أوعــــــــــــــــــــــــــــــــــى تعمل كدة أبــــــــــــــــــــــــــــــــــــدا
زيت المحركات أنواع ودرجات تختلف من ناحية اللزوجة وبعض الخواص الكيميائية والفيزيائية، ولكل محرك درجة زيت مثالية للتشغيل، وتختلف أيضا حسب حالة الموتور.
بالنسبة لزيت الشنبر فيتميز بمعدل لزوجة عالي (أقرب الشبه للعسل عند الانسكاب)
بالنسبة لبعض الغشاشين فيستخدمون زيت الشنبر في المحرك بدلا من الزيت العادي عند بيع السيارة إذا كان المحرك يحتاج عمرة وحالته سيئة فبالتالي يمنع ظهور الدخان الخارج مع العادم وهذا اجراء بهدف الغش والكذب وبعد الشراء يتفاجأ المشتري بالخدعة.
زيت الشنبر ثقيل وبالتالي يكون عند تشغيله في محرك بنزين عادي:
- يكون ثقيل على طلمبة الزيت، ويؤدي لإجهادها جدا.
- عدم تغلغله وانتشاره بالشكل المطلوب داخل جميع أجزاء المحرك، وتصاب أجزاء بالاحتكاك نتيجة قلة التزييت
- يزيد من الرواسب على جدار المحرك الداخلي
- ضغطه أعلى داخل المحرك اثناء الدوران وفي ظروف التشغيل القاسية
يستخدم فقط في حالة مؤقتة عندما يكون محرك السيارة يحرق زيت بكميات، واجراء العمرة بعد مدة مثلا، ولا تريد تزويد المحرك بزيت كل يومين، اعلم أن بعد الاستخدام لن يتحسن المحرك بتاتا بل يتم اجراء العمرة فورا (كاملة)
إذا كنت ستقوم بعمل عمرة كاملة وتحتاج بعض الوقت ممكن تستخدمه أو تقوم بعمل إضافة منه للزيت العادي وليس كل الكمية شنبر لثقله.
أرجو أكون أفدتك، بالتوفيق

الله ينور عليك أنا فكرت في كده برضه لما هو زي العسل كده ده مش هيتقل حركة الموتور ويكتم الطرمبة بتاعت الزيت ولا ايه

[Ahm662]

بس أنا برضه ما سكتش قولت اسأل عليه برضه صاحب محل الزيت قالي القصة دي بس لقيت عنده مياه ردياتير حمراء كالتكس مستوردة ٥ لتر بكام بقي ٨٠جنيه ¿¿¿¿ ايه رايكوا أنا بحط مياه حنفية نمرة ١ههههههههه فا المياه الخضراء دي بتبرد أسرع ولا هي وظيفتها ايه أصل أنا عمري ما استخدمتها

[benmatar]

حضرتك متتخضش، واحد صاحبي اتضحك عليه واشترى 8 عبوات مياه ردياتير كل عبوة نص لتر وتمن كل عبوة 20ج.م عشان يملى الردياتير!!!!!! طبعا جالي صدمة والبيه بيسألني بكل براءة: هو أنا اتضحك عليا؟؟
العلبة بتتباع في محطات توتال وصناعة أمريكاني... يا فرحتي لزمتها إيه؟؟؟ ولا حاجة.

[Ahm662]

١٦٠جنيه مياه ردياتير ليه يا عم !! ومياه الحنفية اشتكت يعني المياه الخضراء دي ما دام ما بتعملش حاجة زي ما انتا بتقول يبقي لازمتها ايه

[atala]

طيب فيه استفسار لأهل الخبرة لو رايح اشتري عربية اعرف ازاي لو محطوطلها زيت شنبر

[benmatar]

طيب فيه استفسار لأهل الخبرة لو رايح اشتري عربية اعرف ازاي لو محطوطلها زيت شنبر

أبسط من البساطة، قبل تدوير الموتور ويا ريت يكون بارد عشان اللزوجة الحقيقية تبان، تفتح سيادتك عصاية مقياس الزيت وتاخد على إيدك كام نقطة زيت وتفركهم بالصوابع لو حسيت إنه شبيه بالعسل أو بزيت الفيتيس الثقيل مثلا (140) هيكون شنبر أو زيت ثقيل، ولو لقيته زيت عادي هيكون الأمر طبيعي.

[asaid]

انا عندي الماتور بياكول زيت شوية يعني انا بحط زيت كالتكس 2000 كيلو بس عند 1500 كده بلاقي الزيت بينقص بتاع شرطتين. بس انا معنديش دخان من وره بس فيه تعريق زيت على الماتور. و انا بغير زيت الراجل في البنزينة قالي عندك جوان الكرتيرة بتاعت الزيت عايز يتظبط عشان بينزل زيت. الميكانيكي قالي سيبك منه طالما مفيش تنقيط زيت ده اسمه تعريق عادي. المهم بعد فترة روحت للميكانيكي وكلمته على موضوع الزيت اللي على الموتور قالي انت عند بداية طقم شنبر رغم ان مفيش دخان و السحب عاندي تمام و مغيرتش البوجيهات من فترة يعني المفروض كله تمام. قالي مش لازم قالي بس متعملش دلوقتي انت لسه في البداية. حط زيت شنبر مره واحده و خلاص (نص لتر) . انا عملت كده وبقالي ماشي 1000 ونقصلي 1000 هشوف الزيت هينقص ولا ايه؟ انتوا رأيكم ايه؟