مسمار فى جنب العربية

[MostafaHassan]

السلام عليكم و رحمة الله
النهاردة نازل الصبح طبيعى و كله تمام و بسخن العربية و بديها مسحة و افوجئ بواحد ابن حلال ماشيلى بمسمار على جنب العربية اليمين كله حرق دمى و عكنن عليا على الصبح كدة المهم ايه حله ده له حل يكون سريع و يخلص الموضوع ده اه هى مش باينة اوى لكنها مضيقانى و انا محبش يبقى فى حاجة زى دى فى العربية ايه ممكن يكون حلها دى

[ayman20100]

حضرتك اوصف الاول الخدش عامل ازاي
لو الخدش عميق يبقى ما لهوش حل ولازم تروح لبتاع دوكو يرش الجنب ده
لو الخدش بسيط ممكن بقطعة قطنة بتنر وتمشي بسيط على الخدش في حركة دائريه بس بالراحة بدون ضغط وده هيخلي الخدش ياخد لون العربية العادي بس هيبان للي يدقق
وممكن تجيب بوليش وتدعك بيه الخدش وده برضه نسبياً هيداري الخدش بس مش حل جذري للخدش خصوصاً لو عميق

[ahmedsrs]

عادى استمتع بعطايا الشارع المصرى الاصيل

[sakr_skoda]

عادى استمتع بعطايا الشارع المصرى الاصيل

حضارة المصرى سبع الاف سنة وعجبى ههههههههههههههههههههههه

[hishoo_85]

ههههههههههههههههههههه الله يحفظنا
حلوة اوي عطيا الشارع المصري

[MostafaHassan]

ههههههههه انا فعلا شوفت كتير و متحرمتش من عطايا الشعب خالص
لدرجة ان فى مرة لقيت واحد كاتبلى الله اكبر على سقف العربية
المهم الخدش مش عميق ده ايه اللى ممكن اعمله عشان اداريه او على الاقل اداريه بنسبة 50% فى واحد قالى فى انبوبة بتتباع فى كارفور ب 15 او 20 جنيه و هتظبط الدنيا بس انا معرفش ايه الانبوبة دى يعنى اما اروح ادور على ايه اسمها ايهه او شكلها و لونها ايه ؟؟؟
او لو سألت عليها برة اسأل على ايه ؟؟؟

[S O P H O S]

الشعب المصري عاطفي شوية معلش

[hishoo_85]

اللي انا شفته في كارفور كان زي البولش ومعاه قلم مقارب للون العربية وممكن تروح لبتاع بويا كويس يعملك بولش وتخف خالص على اقل حاجة ان شاء الله

[haroun707]

اللي انا شفته في كارفور كان زي البولش ومعاه قلم مقارب للون العربية وممكن تروح لبتاع بويا كويس يعملك بولش وتخف خالص على اقل حاجة ان شاء الله

ياباشا اعتقد ان النوع ده محتاج نوع دهان يكون فابيركا او العربية تكون مرشوشوه على الفيلر والصاج على طول مش مليانة معجون وكمان نوع الدهان يكون كويس وده مش مضمون

انا على فكرة جايبة بس هو مش بيدارى الخرابش العميقه للأسف لان النوع ده من الخرابيش محتاج نوع تانى من المعالجة

[طارق _عبد السلام]

قدر الله ماشاء فعل
دى حاجه بسيطه ياباشا
والله كان عندى بولو فبريكا وواحد رسم العربيه كلها اجناب وكبوت شخبطه بمسمار فوق ماتتوقع
صديقى اللى كنت عنده لما شاف المنظر اغمى عليه وارتفاع فى ضغط الدم وأنا كنت هتجنن وطلع عيل صغير جارهم وأبوه جاى يقول ولايهمك فداك معلشى اصلوا عيل بالله عليك بعد اللى انا حكيته لك مش فعلا اللى يشوف بلوه غيره تهون عليه بلوته

[hishoo_85]

والله يا tootte اما مرة شفت جيتا عبارة عن سبورة والله العظيم بمعنى سبورة بالظبط الله يعافينا من الناس اللي قلبها ابيض دي

[MostafaHassan]

يلا الحمدلله
انا عموما ناوى اخدها يوم الجمعة اغسلها غسلة محترمة و اجيبلها البتاع ده اللى انا مش عارفه لحد دلوقتى و اعملها
يا ريت بقى لو حد فيكوا جرب الاسمنت قبل كدة عشان السقف عليه كام بقعة اسمنت كمان ياريت يقولى حل له عشان انا خايف اوديها لحد يطلع حمار و يخربشلى الصاج كمان

[dramr40]

لسه الاسبوع اللى فات شارب نفس المقلب .... بس الفرق انى كنت بشترى عيش والمدام فى العربيه .. رجعت بفتح العربيه لئيت الجنب الشمال من اول الباب الخلفى لحد الفانوس اللى ادام خط حلو وموجه ظريفة ولذيذه .... وقفت مش مصدق نفسي ومش عارف اقول ايه ... صرخت فيها وقولتلها ايه ده انتى مش فى العربيه مين عمل كدا .... قالتلى الولد اللى ماشي هناك ده كان معدى وبحسبو بيخبط بالعربية باديه مش بمسمار ..... المهم طرت مسكت الولد لئيته عيل صغير بتاع 9 سنين .... بس من حرقتى الصراحه ضربته ضربتين وصرخت فيه جامد .... الناس جت خدتوا منى ..... وفضلوا كلهم يزعقولى ويعاتبونى ومافيش حد فيهم غلط الولد ... زعقتلهم شويه من حرقتى وبعدين مشيت


المهم ما اطولش عليك ..... روحت جيبت علبة اسمها كومباوند ... وعلبة بولش


بقطنه نضيفة بتمشى بالكومباوند الاول على مكان الخدش وتدعكه كويس بحركة دائرية .... وبعدين تنضف بقطنه نضيفه

وبعدين تدخل بعد كدا بالبولش وتدعكه بردو بقطنه نضيفه بحركه دائرية على مكان الخدش

صراحه هو شال الخدش بنسبة 85% فى بعض الاجزاء وما يبانش الا لو دققت اوى فيه ... لكن فى جزء بتاع الباب بتاعى ده كان الخدش عميق شوية فا راح بنسبة 50% او اكثر شوية ........... بس الحمد لله على كل شيئ ... قضا اخف من قضا ....