الفيليشيا بتقطع اما بتسخن

[a_wa2l]

لسلام عليكم
انا عندى فيليشيا 96 عاملة 132000كم .سافرت بيها لغاية البلد وهناك قامت عطلت وبرجلت جامد جدا , جبت ميكانيكى بص عيها ولقى ان فى بوجيهين مش فيهم كهربا فقمت مكلم عم سيد اسكودا الميكانيكى بتاعها وقالى غير وش الاسبيراتير ,غيرته ,
العربية بتبقى طبيعية اول ما ادور وزى الفل واول مادوس على البنزين علشان العربية توطى تقوم مبطلة واجرب اعليها تانى تبقى مبرجلة مهما ادوس بنزين واسخنها اول ماشيل رجلى من على البنزين تبطل ,
عليت العربية من مسمار الكربيراتير اللى جمب سلك الاكسبراتير بتبقى عالية بس مبرجلة وبتبطل لوحدها ,
غيرت البوجيهات برضو مفيش فايدة

وبعد كذا مرة تدوير بترفض انها تدور اصلا لغاية اما ارجعلها تانى يوم ,

المشكلة انها فى البلد ومصاريف نقلها للقاهرة 700جنيه
والحل التانى عم سيد قالى هات اسبيراتير وبوبينة عادة بتوع بيجو 504 استيراد ب250 جنيه يمشوك لغاية القاهرة وده حل برضو مش كويس

فمش عارف اعمل ايه
_________

[sakr_skoda]

طيب الكاربرتير اخباره ايه على فكرة المشاكل دى ممن تكون بسببه لو سليم يبقى مفيش قدامك الا انك تغير السبراتير وسعرة انا لسة شارية ب 175 جنية صينى وشغال زى الفل بسم الله مشاء الله ....

[wael_ghreez]

انت بتقول لما بتشيل رجلك من على البنزين بتبطل , بص قبل ماتغير الليله دي كلها و لو ان ردي متأخر حاول تغير حاجة اسمها سلانسيه كهربا بــ 25 جنيه بتبقى في الكربراتير من ورا و جرب , عموما بصفه عامة لو العربيه قطعت نبص على البوجيهات و ننضف الكربراتير و يستحسن نجيب سبراي تنضيف كربراتير و سعره رخيص و يقعد معاك سنة او اكتر بــ 20 جنية من عند اي حد بيبيع قطغ غيار اي نوع , لو تنضيف الكربراتير و تغيير البوجيهات مانفعش و بتبطل لما تشيل رجلك من على البنزين يبقى على طول السلانسيه الكهربا و دة سهل تغييره و سعره رخيص