سكودا فليشيا 96

[أحمد جودة]

السلام عليكم ورحمة الله وبركاتة
أخوكم أحمد سكوداوي جديد ويسعدني ويشرفني إنضمامي لكم
أنا اشتريت العربية وجبتها امبارح حالتها الحمد لله زي الفل موتورها صوتة كويس عن العربيات اللي شوفتها قبل كدة

معملتش فيها حاجة من سعات ماجبتها غير تغيير بعض لمبات الاشارة كانت محترقة

المهم عاوز نصائحكم أعمل اية أنا عاوز أكشف على دورة التبريد وأغسل الردياتير كويس
وأحطلها مياة خضراء وعاوز أعرف أى نوع مياة أجيبة وهل المياة دي بتتغير كل فترة أم ماذا

وكمان لاحظت أن مروحة الردياتير 5 ريشة شكلها صغير بس لما جبنا العربية مشينها بيها 15 كيلو فى عز الحر كانت الساعة 2 الظهر ولاحظت أن درجة الحرارة لم تزيد عن 80

وكمان هل أغير زيوت وفلاتر دلوقتي مع العلم أن صاحبها قال أنه مغير زيت 1000 كيلو من فترة قريبة وكمان مركبلها ردياتير نحاس 3 ماسورة

وكمان بيمون العربية بنزين 92 وأنا ناوي أكمل 92 على طول

برجاء نصايحكم مع العلم أن دي أول عربية ليا ولسة بتعلم السواقة


تقبلو تحياتي

[benmatar]

السلام عليكم
ما شاء الله تبارك الله، يا رب تكون خير ليك وعليك بإذن الله ويكفيك شرها.
وأهلا بيك فارس من فرسان الفيليشا
أحب أهنيك اختيارك سكودا فيليشيا، وأقول حضرتك أحسنت الإختيار إلى حد كبير
سكودا فيليشيا عربية محترمة وكويسة ونتائج أدائها يرضيك لو حالتها كويسة وموتورها مظبوط وبتراعيه، هتستحمل المجهود الشاق وتشرفك في الطريق، أهم شئ هو إنك تعمل الصيانة عند فني متخصص سكودا وشاطر وأمين، العربية مش معقدة بس تحتاج واحد عنده دراية وخبرة في صياناتها.
كأي عربية مستعملة لازم تعمل شوية حاجات بسيطة ومهمة جدا زي:
- فحص شامل لكهرباء الموتور والكهرباء العامة من فوانيس وإشارات ومساحات....إلخ
- تغييير زيوت وفلاتر (زيت وفلتر موتور، زيت فيتيس، زيت فرامل، فلتر هواء، فلتر بنزين)
بالنسبة لزيت الموتور فحضرتك تستخدم زيت درجة 20w50 وده كل الأنواع بتنتجه، وبالنسبالي بحط زيت ليكوي مولي (ألماني)
بالنسبة لزيت الفيتيس حضرتك تحط زيت مانيوال درجة 75w90 وتلاقي منه أنواع كتير.
وفلتر الهواء رخيص ومهم جدا، ومعاه فلتر بنزين.
- الكشف على نظام الفرامل بداية من التيل، والماستر والطنابير وبالأخص الأمامية.
- تغيير سير المجموعة (سير دينامو، طلمبة المياه) بيكون واحد في الفيليشيا.
- بالنسبة لسير الكاتينة بيكون جنزير حديد ومش بيتقطع بس صوته بيعلى وعلى فكرة مش هيعيش للأبد وإنما برضه يتغير عشان نحافظ على الأداء ومعدلات التسارع ونعومة الموتور عشان مع الوقت بيريح ولو ملليمترات بسيطة.
- فحص ومراجعة على العفشة
زي المساعدين، المقصات، علبة الدركسيون، الجلب، الكوبلن وكاوتشه... وتغيير ما يلزم تغييره
- كشف على حالة الإطارات وضبط الضغوط للإطمئنان لأهمية الإطارات.
أعتقد إن كل ده مش هياخد أكتر من يوم لو مفيش حاجة هتغيرها أو تصلحها، والزيارة ممكن تكون لورشة واحدة فقط.
وبكدة أعتقد إن حضرتك تكون مطمئن لحد كبير، وأي رتوش بسيطة أو أمور فرعية تكون سهلة وبسيطة زي حاجة في الصالون أو الأبواب.
أرجو أكون أفدتك، وأكيد فرسان فيليشيا هيفيدوك أكتر لأي استفسار

[أحمد جودة]

السلام عليكم
ما شاء الله تبارك الله، يا رب تكون خير ليك وعليك بإذن الله ويكفيك شرها.
وأهلا بيك فارس من فرسان الفيليشا
أحب أهنيك اختيارك سكودا فيليشيا، وأقول حضرتك أحسنت الإختيار إلى حد كبير
سكودا فيليشيا عربية محترمة وكويسة ونتائج أدائها يرضيك لو حالتها كويسة وموتورها مظبوط وبتراعيه، هتستحمل المجهود الشاق وتشرفك في الطريق، أهم شئ هو إنك تعمل الصيانة عند فني متخصص سكودا وشاطر وأمين، العربية مش معقدة بس تحتاج واحد عنده دراية وخبرة في صياناتها.
كأي عربية مستعملة لازم تعمل شوية حاجات بسيطة ومهمة جدا زي:
- فحص شامل لكهرباء الموتور والكهرباء العامة من فوانيس وإشارات ومساحات....إلخ
- تغييير زيوت وفلاتر (زيت وفلتر موتور، زيت فيتيس، زيت فرامل، فلتر هواء، فلتر بنزين)
بالنسبة لزيت الموتور فحضرتك تستخدم زيت درجة 20w50 وده كل الأنواع بتنتجه، وبالنسبالي بحط زيت ليكوي مولي (ألماني)
بالنسبة لزيت الفيتيس حضرتك تحط زيت مانيوال درجة 75w90 وتلاقي منه أنواع كتير.
وفلتر الهواء رخيص ومهم جدا، ومعاه فلتر بنزين.
- الكشف على نظام الفرامل بداية من التيل، والماستر والطنابير وبالأخص الأمامية.
- تغيير سير المجموعة (سير دينامو، طلمبة المياه) بيكون واحد في الفيليشيا.
- بالنسبة لسير الكاتينة بيكون جنزير حديد ومش بيتقطع بس صوته بيعلى وعلى فكرة مش هيعيش للأبد وإنما برضه يتغير عشان نحافظ على الأداء ومعدلات التسارع ونعومة الموتور عشان مع الوقت بيريح ولو ملليمترات بسيطة.
- فحص ومراجعة على العفشة
زي المساعدين، المقصات، علبة الدركسيون، الجلب، الكوبلن وكاوتشه... وتغيير ما يلزم تغييره
- كشف على حالة الإطارات وضبط الضغوط للإطمئنان لأهمية الإطارات.
أعتقد إن كل ده مش هياخد أكتر من يوم لو مفيش حاجة هتغيرها أو تصلحها، والزيارة ممكن تكون لورشة واحدة فقط.
وبكدة أعتقد إن حضرتك تكون مطمئن لحد كبير، وأي رتوش بسيطة أو أمور فرعية تكون سهلة وبسيطة زي حاجة في الصالون أو الأبواب.
أرجو أكون أفدتك، وأكيد فرسان فيليشيا هيفيدوك أكتر لأي استفسار

أشكرك أخي العزيز لسرعة التفاعل والرد

إنشاء الله هاخد بنصيحة حضرتك بس بصراحة أنا معرفش ميكانيكي كويس بيشتغل فى سكودا فليشيا
ياريت لو حضرتك ترشحلي واحد تكون أتعاملت معاة يبقي ليك جزيل الشكر أنا عموماً من سكان مدينة حلوان

وكمان موضوع درائرة التبريد تنصحني بالمياة الخضراء ولا لاء مع العلم أني عرفت أن فية كتير أنواع مياة خضراء وفية منها مضروب

معلش طولت عليك بس صاحب العربية أكدلي أنه عمل الصيانات دي كلها من فترة قريبة فهل أخد بكلامة ولا اية ؟؟؟؟؟؟

ملحوظة مهمة :- موتور عربيتي إستيراد متغير من شهرين ونصف فهل أغير سير الكاتينة ولا اعمل اية .
أرجو أن لا أكون أثقلت على حضرتك ولك مني خالص تحياتي وتقديري

[المنسي]

السلام عليكم ورحمة الله وبركاتة
أخوكم أحمد سكوداوي جديد ويسعدني ويشرفني إنضمامي لكم
أنا اشتريت العربية وجبتها امبارح حالتها الحمد لله زي الفل موتورها صوتة كويس عن العربيات اللي شوفتها قبل كدة

معملتش فيها حاجة من سعات ماجبتها غير تغيير بعض لمبات الاشارة كانت محترقة

المهم عاوز نصائحكم أعمل اية أنا عاوز أكشف على دورة التبريد وأغسل الردياتير كويس
وأحطلها مياة خضراء وعاوز أعرف أى نوع مياة أجيبة وهل المياة دي بتتغير كل فترة أم ماذا

وكمان لاحظت أن مروحة الردياتير 5 ريشة شكلها صغير بس لما جبنا العربية مشينها بيها 15 كيلو فى عز الحر كانت الساعة 2 الظهر ولاحظت أن درجة الحرارة لم تزيد عن 80

وكمان هل أغير زيوت وفلاتر دلوقتي مع العلم أن صاحبها قال أنه مغير زيت 1000 كيلو من فترة قريبة وكمان مركبلها ردياتير نحاس 3 ماسورة

وكمان بيمون العربية بنزين 92 وأنا ناوي أكمل 92 على طول

برجاء نصايحكم مع العلم أن دي أول عربية ليا ولسة بتعلم السواقة


تقبلو تحياتي

الف مبروك ليك على العربية وربنا يديك خيرها ويكفيك شرها ان شاء الله وياريت تشرفنا ان شاء الله فى المقابلة الجاية يوم الجمعه http://www.nilemotors.net/Nile/288009-5-18-a.html
اكشف على دورة التبريد عند متخصص ردياتيرات ويعملك تنظيف للدورة كلها وتسليك للريداتير اما بالنسبة للمية الخضرا انا بستعمل نوع اسبانى اسمه IADA
وشوف الترموستات حالتها ايه اما بالنسبة لباقى الحاجات اللى ممكن تعملها انك تغير لها زيت موتور وزيت فتيس وفلاتر ولو عايز تكمل شوف البوجيهات كمان وربنا يباركلك فيها يارب

[thunder155]

مبروك على العربية و ربنا يديك خيرها و يكفيك شرها

[sakr_skoda]

مبروك على العربية و ربنا يديك خيرها و يكفيك شرها....

وياريت ماتفحرش عن المشاكل العربيات لو فتحت بتفتح خليك ماشى واحمد ربنا ان السخونة بعيده عنه بعد الشر علينا احنا كمان .... فقط لاحظ اى تغيير فى صوت الموتور او العفشة او اى اجزاء الحركة فقط ساعتها يجب الكشف عن العطل........

[Ahm662]

ألف مبروك يا ريس و ربنا يعطيك خيرها و يكفيك شرهاو أحب احيي حضرتك علي اختيارك الصائب لأسكودا فليشيا ......نصيحتي لحضرتك ما تفتحش علي نفسك فواتيح في العربية . بس أعمل للعربية طقم سرفيس و غير مياه التبريد و شوف حالة زيت الموتور و الفتيس .ولو في حاجة ثانية عايزة تتعمل أعملها بس اهتم بالصيانة الدورية و حافظ علي العربية و هي عمرها ما هاتخذلك بإذن الله

[أحمد جودة]

أشكركم جميعا على التفاعل

بس من يومين أخدت العربية وخرجت بيها لوحدي وأنا لسة بتعلم السواقة ومشيت شوية بيها وللاسف كان فية مطب عالي فى شارع فطلعت فوق المطب وأنا نازل سمعت صوت حكة وخبطة ولما ركنت العربية لقيت الصبح تحتها بعض نقط الزيت مش كتير وكمان الزيت كان من ناحية كوبلن كرسي السائق وكمان بسمع صوت دبدبة لما بكون ماشي على التالت فى الكاوتش الشمال قدام فواحد صاحبي قالي ممكن يكون الجنط اتخبط وعاوز إستعدال


وكمان كان مطلوب تغيير الكبالن من ساعت ماجبت العربية المهم أنا هاخدها للميكانيكي اليوم لتغير الكبالن والكشف على الموتور وتغيير مايلزوم وبعد كدة هراجع على العفشة والترصيص وضبط الزوايا

وكمان عاوز أراجع على الكهربا بتاعت العربية لان أول ماجبتها كان فية شوية لمبات أشارة محروقة غيرتها بس الكهربائي اللي غيرهم حاسس أنه كهربائي على أدة علشان قعد يعمل كباري على اللمبات وحالياً رجع الوضع على قديمة لمبات مش شغالة

أرجوكم اللى يعرف تمن الكبالن الالماني بكام واجيبهم منين يبقي لية جزيل الشكر

وأرجوكم تابعوني لاني جديد فى موضوع العربيات ومعنديش خبرة فى أى حاجة ولسة بتعلم السواقة
أرجو منكم النصيحة

ملحوظة كمان إمبارح خرجت بالعربية نصف ساعة وبعد مارجعت لقيت مياة تحت الردياتير بس مش كتير وانهاردة الصبح بصيت تحت العربية مافيش تنقيط مياة

[المنسي]

أشكركم جميعا على التفاعل

بس من يومين أخدت العربية وخرجت بيها لوحدي وأنا لسة بتعلم السواقة ومشيت شوية بيها وللاسف كان فية مطب عالي فى شارع فطلعت فوق المطب وأنا نازل سمعت صوت حكة وخبطة
على مهلك فالمطبات لان العربية معروف ان عفشتها اساسا ناشفة
ولما ركنت العربية لقيت الصبح تحتها بعض نقط الزيت مش كتير وكمان الزيت كان من ناحية كوبلن كرسي السائق
ده غالبة الخبطة جت من ناحية اويل سيل الكوبلن وده خاص بزيت الفتيس فمتقلقش اوى لو الزيت التنقيط بتاعه خفيف بس بس كمان متصبرش عليه وديها لميكانيكي كويس يغير الاويل سيا ويحطلك زيت فتيس 75w 90 ولما تجيب الاويل سيل هاته الاصلى وخلي بالك بيبقي فيه حتة نحاسي كده فيه
وكمان بسمع صوت دبدبة لما بكون ماشي على التالت فى الكاوتش الشمال قدام فواحد صاحبي قالي ممكن يكون الجنط اتخبط وعاوز إستعدال
صوت الدبدبة ممكن يكون من الجنط اتعوج او حاجة هتروح لحد بتاع استعدال جنوط يعملهولك بس من الافضل تروح الاول لبتاع ترصيص وهو هيقولك فعلا اذا كان اتعوج ومحتاج استعدال ولا لا لو محتاج استعدال يبقي اعمله وارجع رصص لو متعرفش حد بتاع استعدال ابتعلى على الخاص واوديك لواحد فالمنيل شاطر جدا كل ده فى حالة لو الدبدبة طلعت من الجنط وممكن تكون بسبب نقص زيت الفتيس فهل الفتيس بيعض معاك فى النقلات؟؟؟؟؟؟؟؟؟

وكمان كان مطلوب تغيير الكبالن من ساعت ماجبت العربية المهم أنا هاخدها للميكانيكي اليوم لتغير الكبالن والكشف على الموتور وتغيير مايلزوم وبعد كدة هراجع على العفشة والترصيص وضبط الزوايا
غير الكبالن وخليه يبصلك على قواعد الموتور ممكن تكون الهبدة دى اثرت عليها
وكمان عاوز أراجع على الكهربا بتاعت العربية لان أول ماجبتها كان فية شوية لمبات أشارة محروقة غيرتها بس الكهربائي اللي غيرهم حاسس أنه كهربائي على أدة علشان قعد يعمل كباري على اللمبات وحالياً رجع الوضع على قديمة لمبات مش شغالة
بلاش موضوع الكبارى واللعب فى ضفيرة العربية حاول تروح لكهربائى نظيف وفاهم
أرجوكم اللى يعرف تمن الكبالن الالماني بكام واجيبهم منين يبقي لية جزيل الشكر
شوف الموضوع ده ممكن تلاقى فيه شوية اسعار ويبقى عندك فكرة قبل ماتشترى حاجة http://www.nilemotors.net/nile/285933-2012.html
وأرجوكم تابعوني لاني جديد فى موضوع العربيات ومعنديش خبرة فى أى حاجة ولسة بتعلم السواقة
أرجو منكم النصيحة
احنا النصيحة اللى نقولها ليك هيه خلى بالك من الميكانيكية الفتايين
ملحوظة كمان إمبارح خرجت بالعربية نصف ساعة وبعد مارجعت لقيت مياة تحت الردياتير بس مش كتير وانهاردة الصبح بصيت تحت العربية مافيش تنقيط مياة
خلى بالك ودور على تسريب المية ده جاى منين ولازم يوميا تبص على منسوب المية فى القربة قبل ماتتحرك بالعربية وياسلام لو عملت مراجعة على كل الخراطيم عشان تمنع اى تسريب ولو التسريب من الريداتير نفسه شوف بتاع الدرياتيرات لو قدر يعمله كان بها مكانش يبقي هات واحد الومنيوم صينى وريح دماغك وده موضوع خاص بسخونية العربية والردياتير http://www.nilemotors.net/nile/278242-a.html

لو احتجت حاجة تانية قول احنا اخوات هنا فى المنتدى

[benmatar]

أشكرك أخي العزيز لسرعة التفاعل والرد

إنشاء الله هاخد بنصيحة حضرتك بس بصراحة أنا معرفش ميكانيكي كويس بيشتغل فى سكودا فليشيا
ياريت لو حضرتك ترشحلي واحد تكون أتعاملت معاة يبقي ليك جزيل الشكر أنا عموماً من سكان مدينة حلوان

وكمان موضوع درائرة التبريد تنصحني بالمياة الخضراء ولا لاء مع العلم أني عرفت أن فية كتير أنواع مياة خضراء وفية منها مضروب

معلش طولت عليك بس صاحب العربية أكدلي أنه عمل الصيانات دي كلها من فترة قريبة فهل أخد بكلامة ولا اية ؟؟؟؟؟؟

ملحوظة مهمة :- موتور عربيتي إستيراد متغير من شهرين ونصف فهل أغير سير الكاتينة ولا اعمل اية .
أرجو أن لا أكون أثقلت على حضرتك ولك مني خالص تحياتي وتقديري

ممكن حضرتك تتعامل مع ورشة محمد أصلان في مدينة نصر ورقمه 01005804585 الحي السابع، وورشة خالد اسماعيل الحي العاشر 01002970564 وورشة عادل في بين السرايات 0105126123 شوف مين اقربلك وبالتوفيق

[Ahm662]

الدبدبة دي ممكن تكون من كاوتشة البطاحات ......روح لعفشجي يشوف هي من ايه أفضل.....

[sh13]

ممكن اعرف حضرتك اخدتها بكام ؟ عشان انا معروض عليا برضو 96

[أحمد جودة]

السلام عليكم ورحمة الله وبركاتة

أسف أخي العزيز للتأخير فى الرد

العربية عملت معايا 27 ألف والعربية مرشوشة حديثاً زيتي ميتالك دهان محترم مافيهاش برومة الشاسية تمام
كان فيها حاجات بسيطة الكبالن غيرتها وشوية حاجات فى العفشة كلفتني حوال 800 جنية

أرجو أن أكون أفدتك بالمعلومات دي

[benmatar]

ربنا يباركلك ويكفيك شرها

[sh13]

شكرا جزيلا