إعـــــــلان

Collapse

.

,
See more
See less

طلب تسعيير سكودا فيليشيا 1997

Collapse
X
 
  • Filter
  • الوقت
  • Show
Clear All
new posts

  • طلب تسعيير سكودا فيليشيا 1997

    بسم الله الرحمن الرحيم

    عرضت علي اليوم سيارة سكودا فيليشيا موديل 1997

    بالمواصفات التالية :

    1- دواخل فبريكة .

    2- رشه حزام .... علي كلام البائع نظافة ... علي فكرة شكلها من برة شديدة بجد مش متهانة خالص .

    - وفرشها حالته معقوله جداً ... لإما اللي كان بيستخدمها نضيف ... لإما كان عليه كسوة تقريباً .

    3- عمله 82000 كيلو ... البائع بيقول أنها كانت مرفوعة ... ووراني أثار زيت عند حلق الباب الأمامي قال أنها من أثار الرفع .

    4- يوجد بها سنتر .

    5- لا يوجد بها تكييف ... البائع قال أن ده ميزه علشان معني كده أن الماتور متهلكش في تشغيل التكييف .

    6- لا يوجد بها كاسيت .

    7- فيها مروحة ودفاية .

    8- بطارية جديدة مش جافة .

    9- البائع أشتراها من أسبوع بتوكيل ... هو بيقول مش تاجر لكن بيسترزق لما يلاقي عربية حالتها شاذة .

    10- الشنطة في حاجتين بيرفعوها من علي الجنبين ... الفردة الشمال بيظه ... قالي دي حاجة بسيطه الأثنين بـ 60 جنيه .

    11- وبيقولي فردتين الكوتش اللي ورا محتاجين يتغيروا .

    العربية حالتها بشكل عام أنا شيفها ممتازة ... وعلي فكرة أنا خبرتي بسم الله ما شاء الله تحت الصفر ... بس ده إنطباعي بالأحساس وبشكلها

    وكمان رميت ودني وكذا واحد بيعينها قالوا عربية كويسه جداً لكن فاضية ... تقريباً أستغلوا الثمن المطلوب فيها ..

    وعلي فكرة لسه هخلي ميكانيكي يعاينها وكمان هرفعها في البنزينة

    بس أنا عايز أعرف تسعيرها المبدئي كام وحد السعر الأقصي كام .

  • #2
    بص يا فندم فكك من الشكل دا نهائي الحكم مش حكم شكل ما انا عربيتي من بره تشوفها تقول عليه رشه فوق الفبريكا
    وبعتها بـ 24.5 ليه لانها كانت من جوه متبهدله وعايزه عافشه مكنش فيها غير موتور بسم الله ما شاء الله بيناطح السحاب التسارع بتاعه من 0-100 في 13 ثانيه وكانت غير مكيفه
    في حجات لازم تاخد بالك منها العربيه فبريكا جوه ولي هو بيقول كدا
    ثانيا الصالون سليم ولي في حاجه مكسره
    الشنطه فبريكا ولي كلام وبس
    قوايم العربيه والابواب من جوه
    في برومه ولي لا
    الموتور خفيف وعايز يعمر ولي لا
    كدا يا فندم مش تتفرج من بره بس

    Comment


    • #3
      طبعا لازم تاخد كلام الأخ احمد متولى فى الأعتبار وانا مش حزود على كلامة....

      بس انا حقلك من الاخر تسعيرة العربية دى يبداء من 27 واقصى سعر ليها 30 الف اكتر من كدا تبقى غاليه شويتين....
      [rmade]http://im60.gulfup.com/1KWugz.jpg[/rmade]

      Comment


      • #4
        طبعا 27 الف دا لما تكون عربيه نضيفه مش نضيفه نصيحه بلاش الفليشيا لما تركبها تعبانه هتبهدلك مصاريف

        Comment


        • #5
          المشاركة الأصلية كتبت بواسطة ahmed metwaly مشاهدة المشاركة
          بص يا فندم فكك من الشكل دا نهائي الحكم مش حكم شكل ما انا عربيتي من بره تشوفها تقول عليه رشه فوق الفبريكا
          وبعتها بـ 24.5 ليه لانها كانت من جوه متبهدله وعايزه عافشه مكنش فيها غير موتور بسم الله ما شاء الله بيناطح السحاب التسارع بتاعه من 0-100 في 13 ثانيه وكانت غير مكيفه
          في حجات لازم تاخد بالك منها العربيه فبريكا جوه ولي هو بيقول كدا
          ثانيا الصالون سليم ولي في حاجه مكسره
          الشنطه فبريكا ولي كلام وبس
          قوايم العربيه والابواب من جوه
          في برومه ولي لا
          الموتور خفيف وعايز يعمر ولي لا
          كدا يا فندم مش تتفرج من بره بس
          بداية مبروك علي بيع السيارة أ/ أحمد
          ثانياً أكيد إن شاء الله هخلي الميكانيكي يتأكد من اللي أنت قلته مع أني خايف من الميكانيكي نفسه .

          Comment


          • #6
            المشاركة الأصلية كتبت بواسطة sakr1964 مشاهدة المشاركة
            طبعا لازم تاخد كلام الأخ احمد متولى فى الأعتبار وانا مش حزود على كلامة....

            بس انا حقلك من الاخر تسعيرة العربية دى يبداء من 27 واقصى سعر ليها 30 الف اكتر من كدا تبقى غاليه شويتين....
            والله أ/ صقر البائع ماسك علي 30500 وراسه وألف سيف ليكون هو ده السعر النهائي أجيبه شمال يمين أبداً

            بس سيبك أنت لو شفت أخوك النهارده وأنا بعمل بنصيحتك في الموضوع التاني وبشوف عتب العربية من الأسفل تقول إيه بشمهندس كبير مع أني مكنتش عارف أنا ببص علي إيه

            المهم يعني أفهم من كلامك أخد معايا مكانيكي وأرفعها في بنزينه ولو طلعت نضيفه أتوكل علي الله

            Comment


            • #7
              المشاركة الأصلية كتبت بواسطة بلال أحمد مشاهدة المشاركة
              بداية مبروك علي بيع السيارة أ/ أحمد
              ثانياً أكيد إن شاء الله هخلي الميكانيكي يتأكد من اللي أنت قلته مع أني خايف من الميكانيكي نفسه .
              لا لا لا لا لا متثقش في ميكانيكي خد معاك صديق يكون فاهم في العربيات

              Comment


              • #8
                المشاركة الأصلية كتبت بواسطة بلال أحمد مشاهدة المشاركة
                والله أ/ صقر البائع ماسك علي 30500 وراسه وألف سيف ليكون هو ده السعر النهائي أجيبه شمال يمين أبداً

                بس سيبك أنت لو شفت أخوك النهارده وأنا بعمل بنصيحتك في الموضوع التاني وبشوف عتب العربية من الأسفل تقول إيه بشمهندس كبير مع أني مكنتش عارف أنا ببص علي إيه

                المهم يعني أفهم من كلامك أخد معايا مكانيكي وأرفعها في بنزينه ولو طلعت نضيفه أتوكل علي الله
                أحناا فى الخدمة اخى الكريم:
                بالنسبة لموضوع العتب انتا مش لازم ترفعها ولا تنزل تحت العربية وتبص انتا تمشى ايدك على العتب اللى هو اسفل الأبواب وتحس كدا العتب سليم ولا فيه حفر الحفر دى برومة وعلى فكرا غالبا حتلاقى برومة فى العتب من بدايته ودا لآن العجل الأمامى بيشيل الطين ويحته عليها انما بالنسبة لميكانيكى شاطر ومخلص يبقى قولى لقيته فين........
                [rmade]http://im60.gulfup.com/1KWugz.jpg[/rmade]

                Comment


                • #9
                  زى ماقالك الاخ احمد العربية دى وموديل 97 سعرها من 27 لغاية 30 ومتزيدش جنيه يقولك مرفوعة مش مرفوعة اسمع اللى بقلك عليه ماهو ممكن اللى كان رافعها ده كان زهق مثلا من سخونيتها وراح رافعها واشترى دماغه وقالك عشان لا اجى ابيعها اقول انها مرفوعة وحتة انه بسترزق منها كل التجار بيقولو الكلام ده المهم الخلاصة فالموضوع العربية تاخد ميكانيكي اسكودا شاطر ييصلك عليها وهيقولك اخرها كام ومتاخدش بالمظاهر ياما عربيات شكلها متهان بس بسم الله ماشاء الله عربية حالتها من جوة عشرة على عشرة موتور وعفشة دول اللى الواحد بيشتريهم وربنا يوفقك
                  [img2]http://nileup.com/up/uploads/nilemotors_13649876441.jpg[/img2]

                  Comment

                  Working...
                  X