استفسار بخصوص فيفوريت

[aswth]

السلام عليكم ... عندى استفسار بخصوص سيارتى السكودا فيفوريت موديل 1994... السيارة بحالة ممتازة و فابريقة من الخارج و الداخل و محافظ عليها جدااا ... ظهر منذ حوالى اسبوعين مشكلة فى سيرفو الفرامل و يحتاج تغيير و بالاضافة الى ذلك محتاج تغيير قاعدةالموتور و قاعدة الفتيس ... نزلت شارع دمشق و كل قطع الغيار لا أصلى و تركى و لا حتى صينى حاجة كدا من غير بلد منشأ او حتى كلمة مكتوبه على قطعة الغيار و بما انى مش مستعد انى أركب اى عك او حتى اوديها لأى ميكانيكى ... فأنا عاوز مركز صيانة ممتاز لتركيب قطع غيار الأقرب الى الأصلى بما ان الأصلى بتاعها غير متوفر ... و هذا هو استفسارى
حد يعرف مركز صيانة سكودا؟؟
و منين اقدر اجيب قطع الغيار الأقرب الى الأصلى أو حتى تركى؟؟
الصيانة المطلوبة :
1- تغيير سيرفو الفرامل
2- تغيير قاعدةالموتور
3- تغيير قاعدةالفتيس
4- تغيير شداد الموتور
و شكرا جدااااااا
أحمد

[sakr_skoda]

السلام عليكم ورحمة الله وبركاته ::

طبعا حضرتك بتدور على الأصلى ومش لاقى تفتكر لو روحت مركز صيانة اسكودا حتلاقى الأصلى بتاع عروستنا؟؟ مافتكرش

انا مغيير مستر الفرامل اللى عندى وكنت جايبة ب 175 جنية وصينى وشغال عشرة على عشرة بقاله سنة تقريبا........

قواعد الموتور بجد انا برضوا غيرتهم بس الميكانيكى اللى اشتراهم ومعرقش هما ايسه بالظبط بس ما فيش منهم مشاكل من سنة ونصف تقريبا لحد دلوقتى....

فا انتا حضرتك تروح تشترى الطلبات وتروح لى ميكانيكى يركبهم ليك وتوكل على الله صدقنى الفيفوريت دى عربية اصيلة قوى قوى وبترض بقلييله وبتمشى زى الفل ربما يحميها يارب....*

[Ahm662]

يا ريس أنا ريحت دماغي و جيبت سيرفو بالماستر كامل بحالة الفابريكا استيراد علي ٢٥٠ و بصراحة بسم الله ما شاء الله مية مية

[aswth]

السلام عليكم و رحمة الله

اولا: شكرا جزيلا لكل السادة الأعضاء اللى ردوا
ثانيا: انا اشتريت
1- ماستر فرامل صينى 125 جنيه
2- سيرفو جديد مالوش اى ماركة و لا معروف دا ايه بس محل قطع الغيار بيقوللى انه صينى!!!! 200 جنيه
3- قاعدة موتور و قاعدة فتيس المفروض انهم أصلى بس طبعا مفيش أى حاجة بتأكد كلام التاجر 195 جنيه
4- شداد موتور صينى 50 جنيه
5- ماستر فرامل ورا صينى 45 جنيه

الميكانيكى خد 220 جنيه غير البقشيش

ركبتهم عند ميكانيكى فى مدينة نصر الحى السادس ... طبعا الفرامل بقيت سيئة جدااااا و مش بتمسك أصلا و لازم تدوس جامد علشان تمسك ... ضعيفه جدااا و كمان بسمع صوت خروج الهواء من السيرفو تحت رجلى و البدال واطى جدااااا
دا بالاضافة ان الميكانيكى مش عارف يصلحها او بمعنى أصح مش عايز يضيع وقته فيها علشان شغل الاسكودا الجديد فانتازيا و غيرها أسهل و بيجيب فلوس أكتر
ثالثا: الميكانيكى بعد خناقة معاه راح معلى الفرامل اللى ورا بحيث ان الفرامل اللى ورا تمسك قبل اللى قدام و بكدا قدرت أمشى بيها شوية لكن طبعاااااااااا من غير سيرفو يعنى الفرامل محجرة تحت رجلى
رابعا: بعد المصاريف اللى صرفتها دى كلها مش مستعد اروح لميكانيكى تانى يشتغلنى زى الأخ بتاع مدينة نصر و مش عارف اتصرف ازاى و بفكر جديااااااااااااا انى اتخلص من العربية دى بسبب اللى شفته من تجار قطع الغيار و الميكانيكية اللى مش فاهمين حاجة و التوكيل اللى بيستكبر يشتغل فيها على الرغم من ان حالة العربية ممتازة

[Ahm662]

السلام عليكم و رحمة الله

اولا: شكرا جزيلا لكل السادة الأعضاء اللى ردوا
ثانيا: انا اشتريت
1- ماستر فرامل صينى 125 جنيه
2- سيرفو جديد مالوش اى ماركة و لا معروف دا ايه بس محل قطع الغيار بيقوللى انه صينى!!!! 200 جنيه
3- قاعدة موتور و قاعدة فتيس المفروض انهم أصلى بس طبعا مفيش أى حاجة بتأكد كلام التاجر 195 جنيه
4- شداد موتور صينى 50 جنيه
5- ماستر فرامل ورا صينى 45 جنيه

الميكانيكى خد 220 جنيه غير البقشيش

ركبتهم عند ميكانيكى فى مدينة نصر الحى السادس ... طبعا الفرامل بقيت سيئة جدااااا و مش بتمسك أصلا و لازم تدوس جامد علشان تمسك ... ضعيفه جدااا و كمان بسمع صوت خروج الهواء من السيرفو تحت رجلى و البدال واطى جدااااا
دا بالاضافة ان الميكانيكى مش عارف يصلحها او بمعنى أصح مش عايز يضيع وقته فيها علشان شغل الاسكودا الجديد فانتازيا و غيرها أسهل و بيجيب فلوس أكتر
ثالثا: الميكانيكى بعد خناقة معاه راح معلى الفرامل اللى ورا بحيث ان الفرامل اللى ورا تمسك قبل اللى قدام و بكدا قدرت أمشى بيها شوية لكن طبعاااااااااا من غير سيرفو يعنى الفرامل محجرة تحت رجلى
رابعا: بعد المصاريف اللى صرفتها دى كلها مش مستعد اروح لميكانيكى تانى يشتغلنى زى الأخ بتاع مدينة نصر و مش عارف اتصرف ازاى و بفكر جديااااااااااااا انى اتخلص من العربية دى بسبب اللى شفته من تجار قطع الغيار و الميكانيكية اللى مش فاهمين حاجة و التوكيل اللى بيستكبر يشتغل فيها على الرغم من ان حالة العربية ممتازة

لا حول و لا قوة الا بالله .هو الأفندي ده عمل ايه .هو انتا بتسمع صوت هواء علي طول و لا ايه .اشتريت قطع الغيار دي من مين . ارجع ثاني لصاحب المحل اللي اشتريت منه و وريله العربية .روح لورشة محمد أصلان في مدينة نصر برده .أنا ما روحتلوش قبل كده بس هنا بيشكروا اوي فيه

[benmatar]

الكلام ده خطير
إزاي بعد كل ده يحصل كدة؟؟
يا فندم أنصح حضرتك طالما الموضوع نواحي مدينة نصر بورشة محمد أصلان في الحي السابع لو داخل في الطيران لغاية أبو رامي بتاع الكبدة وتخش يمين هتلاقي جامع والورشة بعده بحوالي 5-6 ورش تانية، وجنبه المهدي لقطع غيار سكودا، ومحل علاء سكودا، وكل حاجتك تلاقيها بإذن الله، والحاج علاء شخصيا عربيته سكودا فورمان، وهينصحك.
تاني حاجة كل قطع غيار فيفوريت موجودة في كذا مكان زي سيد صلاح في وسط البلد وراضي في التوفيقية، والهاشمية والحاج عثمان في مجلس الأمة وغيرهم.
عارف إن ردي متأخر بس لسة شايف موضوعك، المهم قدر الله وما شاء فعل وتلحق تظبط الحاجات دي عنده.

[aswth]

لا حول و لا قوة الا بالله .هو الأفندي ده عمل ايه .هو انتا بتسمع صوت هواء علي طول و لا ايه .اشتريت قطع الغيار دي من مين . ارجع ثاني لصاحب المحل اللي اشتريت منه و وريله العربية .روح لورشة محمد أصلان في مدينة نصر برده .أنا ما روحتلوش قبل كده بس هنا بيشكروا اوي فيه

شكرا جزيلا على الرد ... الحمد لله اولا و اخيرا طبعا ... الهوا بيطلع مع الضغط على الفرامل
اشتريت قطع الغيار من شارع دمشق فى مصر الجديدة
و انا عملت العربية عند محمد اصلان و هو اللى سلمنى العربية بالعيب دا ... لو عايز تفاصيل اكتر عن تجربتى مع محمد أصلان ممكن ابعتها لحضرتك على الخاص ... انا روحتله يومين ورا بعض علشان العيب دا لدرجة انه كان قرب يقولى مع السلامة و دا عادى فى معظم الميكانيكية مش عايزين يضيعوا وقت فى العربيات القديمة دى و روحت برضه قبل كدا علشان شغل فى العفشة لورشة م/ خالد فى الحى العاشر وبرضه ماكانش عايز يشتغل فيها علشان موديل قديم بالعافية لما رضى يركبلى علبة الدريكسيون وقتها ... مع ان العربية و الله زى الفل و مافيهاش حاجة دى حتى فابريقة بره وجوه و كل الميكانيكية اللى بيشوفوها بيبقوا عايزين يشتروها !!!!!!!!!!!!

انا راكن العربيه شويه و باركب تاكسيات لحد اما اعرف هاتصرف ازاى

[aswth]

الكلام ده خطير
إزاي بعد كل ده يحصل كدة؟؟
يا فندم أنصح حضرتك طالما الموضوع نواحي مدينة نصر بورشة محمد أصلان في الحي السابع لو داخل في الطيران لغاية أبو رامي بتاع الكبدة وتخش يمين هتلاقي جامع والورشة بعده بحوالي 5-6 ورش تانية، وجنبه المهدي لقطع غيار سكودا، ومحل علاء سكودا، وكل حاجتك تلاقيها بإذن الله، والحاج علاء شخصيا عربيته سكودا فورمان، وهينصحك.
تاني حاجة كل قطع غيار فيفوريت موجودة في كذا مكان زي سيد صلاح في وسط البلد وراضي في التوفيقية، والهاشمية والحاج عثمان في مجلس الأمة وغيرهم.
عارف إن ردي متأخر بس لسة شايف موضوعك، المهم قدر الله وما شاء فعل وتلحق تظبط الحاجات دي عنده.

شكرا لرد حضرتك ... و الله يا فندم دا اللى حصل معايا و دا الوضع الحالى من غير تفاصيل كمان !!! :)...
انا عملت العربية عند محمد اصلان و هو اللى سلمنى العربية بالعيب دا ... انا رحتله يومين ورا بعض و اشتريت حاجات من أ/ علاء و اللى مالقيتوش جبته من شارع دمشق ... بلغت الميكانيكى فى كل مره بأن فى صوت هواء تحت رجلى لما باضغط على البدال و هو رافض تماما يكشف على السيرفو و بيأكد انه سليم ... المهم انه اخر حاجة عاللى الفرامل اللى ورا و طبعا دا مش حل ... لو عايز تفاصيل أكتر ممكن ابعت لحضرتك على الخاص
الحمد لله اولا و اخيرا طبعا

[ايمن الشربينى]

خلى بالك

معلش الغلط عند حضرتك ، لأنك دخلت وسألت واحد الزملاء قال انة اشترى السيرفو بالماستر استيراد ب 250ج وشغالين زى الفل ودى حقيقة مؤكدة ان البضاعة الاستيراد فوق الممتازة بالنسبة للموديل دة والسبب انها مستعملة اغلب الظن مدة لا تزيد عن سنة واحدة هى عمر الموديل نفسة لأن الفليشيا بدأت 95
ومع ذلك اشتريت جديد صينى يبقى لا تلوم غير نفسك
بالنسبة لمشكلة الفرامل دى مش مشكلة ماستر دى مشكلة السيرفو نفسة هو اللى بايظ
بالإضافة ان تغيير الماستر لة اصول لا يعرفها معظم اخوانا الحرامية اقصد الميكانيكية
وهو ان الماستر قبل التركيب يتفتح غطاة ونصب زيت باكين واحدة واحدة من غير ضغط لغاية ما يخرج الزيت من الاربع مواسير لوحدة وبهدوء وبعدين نركبة ونقفل المواسير
ونملا العلبة زيت وننزل عند العجل نحل هوا الفرامل من الجهاز نهوية بس مش نحلة خالص وتسيبة لغاية الزيت ما ينزل صافى بدون فقاعات وكل دة من غير ما الباشا يقولك اطلع كارج فرامل يا باشا لأن الضغط المستمر والمتكرر بقوة يؤدى الى تلف كامل للأورسيلات الكوتش داخل الماستر
ونقفل قدام ونرجع للعجل الخلفى نكرر نفس المسألة مع تزويد خزان الزيت باستمرار حتى يسيل الزيت من الفايظ بدون فقاعات هوا وبعد كدة نراجع التيل لو مش كويس نغيرة الامامى كورى علبة زرقاء ب 55ج والخلفى تشيكى اصلى ب 140ج ونشد على فرامل اليد من داخل العربية هتلاقى معاك فرامل بتاكل فى الارض
واى خدمة ، وعلى فكرة القاعدتين تركى تمنهم 70ج ممتازين 35
+25
ومش عارف اية شداد الموتور اللى بتتكلم علية؟

[aswth]

معلش الغلط عند حضرتك ، لأنك دخلت وسألت واحد الزملاء قال انة اشترى السيرفو بالماستر استيراد ب 250ج وشغالين زى الفل ودى حقيقة مؤكدة ان البضاعة الاستيراد فوق الممتازة بالنسبة للموديل دة والسبب انها مستعملة اغلب الظن مدة لا تزيد عن سنة واحدة هى عمر الموديل نفسة لأن الفليشيا بدأت 95
ومع ذلك اشتريت جديد صينى يبقى لا تلوم غير نفسك
بالنسبة لمشكلة الفرامل دى مش مشكلة ماستر دى مشكلة السيرفو نفسة هو اللى بايظ
بالإضافة ان تغيير الماستر لة اصول لا يعرفها معظم اخوانا الحرامية اقصد الميكانيكية
وهو ان الماستر قبل التركيب يتفتح غطاة ونصب زيت باكين واحدة واحدة من غير ضغط لغاية ما يخرج الزيت من الاربع مواسير لوحدة وبهدوء وبعدين نركبة ونقفل المواسير
ونملا العلبة زيت وننزل عند العجل نحل هوا الفرامل من الجهاز نهوية بس مش نحلة خالص وتسيبة لغاية الزيت ما ينزل صافى بدون فقاعات وكل دة من غير ما الباشا يقولك اطلع كارج فرامل يا باشا لأن الضغط المستمر والمتكرر بقوة يؤدى الى تلف كامل للأورسيلات الكوتش داخل الماستر
ونقفل قدام ونرجع للعجل الخلفى نكرر نفس المسألة مع تزويد خزان الزيت باستمرار حتى يسيل الزيت من الفايظ بدون فقاعات هوا وبعد كدة نراجع التيل لو مش كويس نغيرة الامامى كورى علبة زرقاء ب 55ج والخلفى تشيكى اصلى ب 140ج ونشد على فرامل اليد من داخل العربية هتلاقى معاك فرامل بتاكل فى الارض
واى خدمة ، وعلى فكرة القاعدتين تركى تمنهم 70ج ممتازين 35
+25
ومش عارف اية شداد الموتور اللى بتتكلم علية؟:n_no[1]:

استاذ ايمن
شكرا جزيلا لردك ... فى حاجة عايز اوضحها لحضرتك اولا: انا مش باعرف اجيب استيراد لأنى ماعنديش ادنى خبره فيه و النصب فيه كتير جداااااااا فأنا كنت باستبعد الاستيراد كأساس لما باعمل اى صيانة فى العربية ثانيا: الفكرة بتاعت الاستيراد جت اساسا بعد ما كنت خلاص اشتريت الصينى و ركبته كمان.
طبعا الميكانيكى معملش اى حاجة من اللى حضرتك ذكرتها كخطوات لتغيير الماستر و تفريغ الهواء و قعدنا نكارج على الفرامل و انا متأكد انه عمل حاجة غلط اثناء تركيب السيرفو بس مش عارفها نظرا لقلة خبرتى الفنية فى هذا المجال ... انت بسم الله ما شاء الله خبرتك واسعة جدا

طيب ممكن حضرتك تقولى اتصرف ازاى و لو فى ميكانيكى شاطر كدا و عنده ضمير ممكن يعمل الخطوات اللى حضرتك قلتها و يعيد تركيب الماستر و السيرفو بصورة صحيحة و بالنسبة للماستر و السيرفو الصينى ياخدو وقتهم و بعد كدا هاشترى الاستيراد ان شاء الله