الفليشيا والسخونة .........( استشارة )

[farafiroooo]

السلام عليكم

اعضاء نايل موتورز المحترمين بجد

انا ناوي والنية لله علي فليشيا 95-96-97 عندي شوية حيرة فحاجات
1* وسمعت عنها انها بتسخن فاللسمعة دي قلقتني لاني اول مرة اركب .
2* عاوز اجيبها من غير تكييف علشان الميزانية
وابقي اركبلها تكييف اسمه جديد برضه مش شغال من عمر العربية (نظرية)
3*هل الفليشيا اللي من غير تكييف هتفرق عن اللي بتكييف
4* التكييف هيفرق في السخونة

ومتشكر للدعم من كل اعضاء المنتدى

[د.محمود صلاح]

أنا معايا الفليشيا 97 اشتريتها من 6 شهور ووضبتها واستعملتها لمدة شهر وسافرت وركنتها , السخونة بتاعتها سخونة عادية زى أى عربية بس لازم تكون مظبط الاوتوماتيك يتاع مروحة التبريد ( والأفضل انك تشغلها يدوى اول ما تطلع بالعربية ) وتكون متأكد ان قطعة الحرارة سليمة ( لأنها كانت خربانة عندى وكانت بتعطى قراءة اقل من الحقيقى ادى ذلك الى تلف جوان وش السلندر عندى ) .
التكييف الأصلى أفضل من اللى راكب بس بيقولوا عليه ضعيف أما اللى عندىفهو تكييف راكبلها يابانى وبرضه ضعيف
طبعا تشترى السيارة بتكييف لأنه مالوش حل فى الصيف والحرارة . التكييف له مروحة تبريد اخرى بخلاف الموجودة على الريداتير فلما بتشغل التكييف المروحتين بيشتغلوا والعربية مابتسخنش ,
اقرا آراء الناس عن العربية هنا فى المنتدى وربنا يوفقك فى الشراء

[farafiroooo]

الف شكر يا دكتور علي النصيحة
بس كون ان الترموستات بتاع الحرارة ممكن انه يتلف وانا معرفش دي ممكن تسبب مشكلة فوش السلندر زى محصل معاك
* كلفك كام وش السلندر بعد الصيانة ؟؟؟

[د.محمود صلاح]

انا غيرت الجوان فقط بدون مخرطه او كشط , الجوان - مزدوج ب 40 ج - الميكانيكى خد 50 ج فقط , وش السلندر على بعضه استيراد ب 450 ج

[farafiroooo]

الف شكر دكتور علي معلوماتك
ويارب دايما يجيب العواقب سليمة
والله انا لسة بدور وانت عارف تعب التدوير علي حاجة نضيفة بيبقي عامل ازاي ....
فلو حد قدامة يا جماعة حاجة ياريت
انا بدور علي فليشيا 96-97 بتكييف
وحاطت بوست فقسم طلبات الشراء
الف شكر يا دكتور ويديمها نعمه عليك ويكفيك شرها
وجزاكم الله كل خير