ياترى اعمر ولا اسقط موتور للفيفوريت ؟؟؟

[sakr_skoda]

السلام عليكم ورحمة الله وبركات

ه

مش عارف والله يجماعة ايه اللى حصل لفيفورتى يظهر عين ورشقت كل لما اظلع من حفرة اقع فى دوجديرة طبعا كلكم عرفتم موضوع السير واللى عمله فيه المهم السير خلصنا منه والحمد الله بعد كدا ظهرت مشكله لاحظتها اليوم انو العربية سحبها ضعف جدا وبتنتش فى الغيار الثانى روحت البيت طبعا انا عارف انو المشكله مشكلة بوجيهات المهم اختبرتهم لقيت واحد فاصل فكيته لقيته مرشح زيت على شمعة البوجيه فانا عارف انو الشكله طقم شنمبر ويمكن ادخل على الشمايز كمان تغيرها بس حبيت اخد رئيكم واشرككم معايا وانتم عارفين انتم شركائى فى الخير والشر يعنى على الحلوه والمرة ياحلوين فانصحونى بجد اعمر ولا اسقط موتور استيراد؟؟؟؟؟؟

[khalid_adel]

عادي مانا ساعات بلاقي زيت على بوجيه بفكهم انضفهم وانطر الزيت وترجع زي الفل متقلقش لسه بدري ان شاء الله :)

[MohammedAladel]

وبعدين شوف لون الدخان ومستوى الزيت هتعرف إذا كان الموتور ابتدى يبوظ ولا لا

[AhMeD MeTwAlY]

ولو وصلت لعمره
لو عربيتك بتسخن غير الموتور مش بتسخن عمرها وانا هقولك علي طريقه جامد للتلين وتفتيح الموتور

[khalid_adel]

ولو وصلت لعمره
لو عربيتك بتسخن غير الموتور مش بتسخن عمرها وانا هقولك علي طريقه جامد للتلين وتفتيح الموتور

طب معلش ماتفهمنا ايه الفرق بين انها بتسخن او لا ؟؟ حتفرق او بتأثر في ايه عشان كده بتقوله لا غير الموتور مثلا
ولو تكرمت بالمره تقولنا طريقه تلين وتفتيح الماتور المتعمر ؟

[modo88]

لو اتاكدت ان الموتور جاب اخره نصيحة سقط موتور وريح بالك واعصابك واشتري موتور علي تجربه وليكن 10 ايام عشان لو فيه حاجه ترجعه للتاجر تاني
ومتقلقش حورات اثبات الموتور ف المرور بسيطه وسهله وليها طريقتين لو حابب تعرفهم اقولك
تحياتي للجميع

[AhMeD MeTwAlY]

طب معلش ماتفهمنا ايه الفرق بين انها بتسخن او لا ؟؟ حتفرق او بتأثر في ايه عشان كده بتقوله لا غير الموتور مثلا
ولو تكرمت بالمره تقولنا طريقه تلين وتفتيح الماتور المتعمر ؟

العربيه الفليشيا لما تكون بتسخن بيكون النص الي تحت من الموتور الي فيه البساتم بيكون ملح من المايه السخنه وطبعا الملح بيعشق السخونه يعني اي تكه هتسخن
دا موضوع هتلاقي فيه ملااحل التليين

https://www.nilemotors.net/Nile/270345-95.html

[khalid_adel]

تسلم يا باشا كده فهمت الموضوع

[AhMeD MeTwAlY]

تسلم يا باشا كده فهمت الموضوع

ولي يهمك يا باشا تحت امرك بس فهمني فهمت ايه؟؟

[khalid_adel]

ان لو العربيه بتسخن بيتكون ملح في (المكان اللي بيتحرك فيه البستم) وده بعد كده حيخليها تسخن برضه حتي بعد العمره
بس اعتقد الميكانكي لما بيعمل عمره بينضف كل الكلام ده برضه ولا يعني مبيوصلش للمكان ده خالص اللي بيتكون فيه الملح ؟؟؟

[AhMeD MeTwAlY]

ان لو العربيه بتسخن بيتكون ملح في (المكان اللي بيتحرك فيه البستم) وده بعد كده حيخليها تسخن برضه حتي بعد العمره
بس اعتقد الميكانكي لما بيعمل عمره بينضف كل الكلام ده برضه ولا يعني مبيوصلش للمكان ده خالص اللي بيتكون فيه الملح ؟؟؟

في اماكن اساسا الي بتمر فيها المايه ميقدرش يوصل ليها الميكانيكي وبتكون صعبه عليه فبيكبر دماغه
والمعرفو عن الالماني الموتور الي سخن مره بيسخن علي طووول

[sakr_skoda]

اشكركم جميعا على سرعة الاستجابه والردود الممتازة ....* بس انا ليا كلمه....

طبعا النهاردة وانا مروح من الشغل كان سحب العربية زفت وبتنعر ومبتسحبش فلما وصلت اختبرت البوجيهات لقيت واحد مزيت واصلا البوجيه دا فاصل نهائى هو كان فاصل من زمان وانا غيرتة بس ركبته غلط مرة تانيه....

فيبدوا ان الحاجة ام الاختراع ونما الى فكرة ان البوجيه الفاصل لم يتم الاحتراق بالغرفة المخصصة له مع استمار ضخ البنزين وعدم احتراقة وهذا يسبب زوبان شربون اللى على البستم واستقراره على شمعة البوجيه فيدو لنا ان الشنبر بيسرب زيت ولاكن هو زوبان الشربون اللى على البستم من جراء ضغط البنزين وعدم احتراقه....

وهذا ثبت لى يقينا عندما استبدلت البوجيع الفاصل باخر عادت فيفورتى الى سحبها الطبيعى وصواتها الهادى واخدتهما مشور موت فى الجبل طرق ترابية غير ممهدة ولم انتقل بالفتيس الى الثالث وسحبها مشاء الله يدوبك تشم البزين والحمد رب العالمين....

واهو كل يوم نتعلم حاجة جديده تنفعنا وتنفع الناس جميعا....*

[sakr_skoda]

في اماكن اساسا الي بتمر فيها المايه ميقدرش يوصل ليها الميكانيكي وبتكون صعبه عليه فبيكبر دماغه
والمعرفو عن الالماني الموتور الي سخن مره بيسخن علي طووول

يابو حميد السخونه الشر برة وبعيد والحمد الله من يوم مروحت بيها مستشفى الحميات يدوبك لبوسة فى الشكمان بتاع العربية ومعادتش تسخن ابداااااااااااااا*

[khalid_adel]

ايه لبوسه الشكمان دي كمان ؟؟
:)

[benmatar]

لو الموتور عمل اللي عليه وزيادة يبقى تريحو وتحيله على المعاش وتشتري موتور استيراد كامل وأنصحك من بورسعيد حاجتها كويسة، هتوفر وقت وهي هي نفس التكلفة