إعـــــــلان

Collapse

.

,
See more
See less

سؤال : الرادياتير النحاس الـ 3 ماسورة للفليشيا افضل و لا الالومنيوم الصيني ؟

Collapse
X
 
  • Filter
  • الوقت
  • Show
Clear All
new posts

  • سؤال : الرادياتير النحاس الـ 3 ماسورة للفليشيا افضل و لا الالومنيوم الصيني ؟

    السلام عليكم ,

    لو سمحتم انا عايز اعرف الرادياتير النحاس دة اشطة و لا بلح ؟؟ يعني مهم و لا حوار على الفاضي ؟

    انا بصراحة حكاية السخونة دي مزعج جدا رغم اني تأقلمت عليه , هي عربيتي مكيفه ,العربية بتسخن كل مازود في القرص سواء مشغل التكييف او لأ , كل مالسرعة تزيد كل مالحرارة تزيد جدا بالتوازي مع انه المفروض العكس و الكل مجمع ان كمية الهوا اللي داخله العربية مش كافيه و انا متفق معاهم بس اعمل ايه بس , انا عملت كل شىء ممكن تتخيلوه

    غيرت بوش سلندر + الجوان الاصلي
    غيرت برادياتير صيني
    غيرت برادياتير اصلي مستعمل نضيف
    غيرت بمروحة اصلي 6 ريشة الماني 2 سرعة
    غيرت بمروحة شاهين حرقتلي الضفيره من كتر قوتها عشان الترموستات مابيفصلش من شده حراره العربية
    حطيت قميص للرادياتير و شلته و حطيته هههههه ( جربت كدة و كدة )
    بعمل صيانة لدورة التبريد و بحط مياة خضراء غالية
    عليت الترموستات و وطيتها
    المياة مش بتنقص خالص يعني الموتور زي الفل ما شاء الله و الحمد لله و لا اله الا الله
    حطيت مروحة امام سربنتينة التكييف كبيرة عشان اندفاع الهواء يبقى افضل
    عملت زرار للمروحة للطوارىء


    بصوا يا جماعة . . . انا عملت كل شىء الا 3 حاجات

    1 - اني اركب رادياتير عمولة نحاس 3 ماسورة و عايز رأيكم و خصوصا الناس اللي جربت
    2 - اني اغير السربنتينة بتاعة التكييف لان بقالها 5 سنين ماتغيرتش , و دة حل ماحدش كتير اتناقش فيه , معظمنا لا قدر الله بيعمل حوادث او تخيشات بسيطة او تريحات من الامام و انا بعتقد ان السربنتينة ممكن الريش بتاعتها تكون تأثرت أو حصلها ثنيات باعتبار السربنتينه في مقدمه العربية بالتالي ها تقلل مرور الهوا للداخل الى الرادياتير
    3 - اخر حاجة ماجربتهاش هي اني اوسع تهوية العربية من قدام يعني الموضوع هايبقى عايز متخصص تعديلات فايبر هايشيل العلامة ويوسع مكان التهوية بطريقته بقى

    هي دي قصة السخونة معايا

    ملحوظة العربية دي انا بحبها جدا و تأقلمت مع عيبها القاتل الا و هو السخونة بخلاف كدة للامانة عربية قوية و صاجها قوي و موتورها كويس و موفر للبنزين و عربية ممتازة و تقفيلها عالي

  • #2
    هو الريديتير الاصلي بتاعها ايه؟؟؟ لو نحاس فالافضل في حدود علمي هيبقى النحاس بينما ل الومينيوم هيبقى الالومينيوم احسن

    جربت تشيل الشبكه الاماميه تمشي من غيرها؟؟؟
    عايز تتأكد من ان الهوا هوا المشكله ممكن تشيل الشبكه الاماميه والاكصدام وتجرب تمشي بدونهم


    متابع لموضوعك ...


    تحياتي
    don't judge a car unless you have driven it

    hm414 سابقا

    Comment


    • #3
      انا جربت اني اشيل الشبكة الامامية طبعا و طبعا في فرق , و الراداتير الاصلي المونيوم بس انا مؤمن بان مش كل حاجة عاملها الخواجه مناسبة لينا , انا مش بثق غير في الخواجة الياباني فقط و مؤخرا الكوري لانهم عرفوا يصمموا سياراتهم حسب اقليم و ظروف كل بلد عشان كدة في الخليجي و في الاوروبي و هكذا , المهم بالنسبة للفيليشيا مش مهيئة تماما انها تشتغل بكفائتها الطبيعية في افريقيا او البلاد الحارة , دي اول تجربة ناجحة للسيارة التشيكية فكانوا لسه بيحاولوا يقتحموا العالمية بعد ما كانوا منغلقين على كام دولة بيصدرولها عربياتهم فكانت العربية دي فيها عيب اساسي و هو انها مصممة عشان تتناسب مع ظروفهم الباردة و الدليل ان كل مكوناتها بتسخن بسرعة عشان تناسب الظروف الاوروبية , و الدليل على كلامي ان فيليشيا موديل 98 تم تعديل الشبكة الامامية عشان تدخل كمية هوا اكبر للرادياتير , عموما متشكر جدا لنصيحتك الجميلة و اقتراحاتك البناءة و المناقشة دي هاتكون مفيدة لنا و للجميع ان شاء الله

      Comment


      • #4
        طيب انتا عملت كل حاجة مش ممكن يكون عداد الحرارة مهيس او حساس الحرارة اللى على القوعه مهيس؟؟؟؟


        انا مريت بكافة المراحل اللى حضرتك قلت عليها فى موضوعك وغرمت الجلد والسقط زى ما بيقولو وبرضوا مؤشر الحرار ساكن على الحمر ما بيفرقهوش وكنت بمشى بالعربية يدوبك 5 كيلو واركن ابرد العربية لحد المؤشر مينزل وفى النهايه اكتشفنا ان حساس الحراره مهيس احساسة عالى جداا جدا من اى حرارة بيدى اشاره للعداد يعلى لفوق لفوق طبعا غيرته ب 55 جنيه وركبته فى الشارع قدام المحل ومشيت بالعربية والحمد الله العداد اخد اشارة سليمة وقرا قرائه سليمة بتقول عربيتك تمام التمام والحمد الله بقالى سنتين فى عز الحر والسخونه بعد الشر وبعيد عننا....*

        حاول تبص على حساس الحرارة كده وقولى؟؟؟؟
        [rmade]http://im60.gulfup.com/1KWugz.jpg[/rmade]

        Comment


        • #5
          نسيت اكتب اني غيرت حساس الحرارة بواحد اصلي و مظبوط جدا لانه ماشي مع ترموستات المروحة بالظبط و دة دليل انه مظبوط . . . و بعدين العربية بتاعتي مش بتوصل للاحمر بصراحة الا مع القرص المفتري و الحمد لله بس انا مش عاجبني انها بتوصل لــ 100 مع التكييف و من غير تكييف 95 و مع القرص الجامد تزيد جدا جدا و ممكن ساعتها توصل للاحمر طبعا الكلام دة في عز الحر . . . بيقولوا انه كدة طبيعي بس انا مش عاجبني الكلام لان السخونية دي منغصه على الواحد حياته ,هو انا ليا سؤال للناس اللي جربت الرادياتير النحاس 3 ماسورة . . . هو في جدوى من شراءه و لا الالومنيوم الصيني احسن ؟؟

          Comment


          • #6
            لو الكهرباء عاليه تسخن مع الجرى اكتر , عن تجربه خاصه وده اللى ممرتش عليه

            Comment


            • #7
              بصراحة ان مركب الريداتير الأمنييوم ووجدته افضل من النحاس بكتر....*
              وممكن ترجع للموضوع اللى فى الرابط*
              *

              http://www.nilemotors.net/Nile/226010-a.html
              [rmade]http://im60.gulfup.com/1KWugz.jpg[/rmade]

              Comment


              • #8
                ممكن اجرب حكاية الكهربا دي بس لو الكهربا قلت ممكن تأثر على السحب , عموما ضعف السحب احسن من السخونية . . . هاجرب ان شاء الله و يارب يبقى في تحسن و متشكر للمشاركة , واضح ان الرادياتير النحاس مالوش شعبيه هههههههه خلينا في الالومنيوم و خلاص

                Comment


                • #9
                  طالما العربيه بتنزل اصلا بالالمينيم يبقى خليك فيه
                  سيبك من موضوع الخواجه التشيكي

                  الخواجه الصيني مخلاش لحد حاجه!!!
                  انا في الماتي جربت الراديتير الصيني وشغال تمام التمام وانصح بيه

                  عيب الالمينيوم حاجه واحده بس
                  انه مبيتلحمش لو اتخرم بعيد الشر

                  غير كده هو افضل في التبادل الحراري....


                  تحياتي
                  don't judge a car unless you have driven it

                  hm414 سابقا

                  Comment


                  • #10
                    خليك فى الردياتير الصينى وغير الترموستات وهاتها 82\68 هتفرق معاك وزود عليهم مية خضرا تكون نوع نظيف وانسي بعد كده
                    [img2]http://nileup.com/up/uploads/nilemotors_13649876441.jpg[/img2]

                    Comment


                    • #11
                      انا عندي نفس المشكلة بالظبط انا عملت بعض اللي حضرتك عملته بس ملمستش الماتور يعني مغيرتش جوانات ولا كده.عندي ريدتير المونيوم و مروحة سرعتين بالقميص ومروحة على السربنتينا بس العربية مبتجبشي احمر خالص. بس انا ملاحظ حاجة
                      انا البطارية عندي 55 وبحس وانا ماشي بليل واطفي النور احس ان المروحة شددها بتزيد وبحس من صوتها. فأكيد ده دليل على ان الكهرباء ضعيفة مش عارف هل ده معناه اني محتاج اركب بطارية أعلى 70 مثلا, لو حد عنده خبره في الموضوع ده يقول.
                      هل سير الكاتينة ليه علاقة بسخونة العربية. أغلب الناس مغيرتشي سير الكاتينة عشان جنزير هل ده ليه علاقة بالسخونة؟

                      Comment


                      • #12
                        نقطة تانية انا كنت سألت بتاع الريداتير على موضوع الريداتير النحاس قالي ده عك لأن الماتور الزهر بيركبله نحاس اما الانتيمونيا بيركبله المونيوم.

                        Comment


                        • #13
                          المشاركة الأصلية كتبت بواسطة asaid مشاهدة المشاركة
                          انا عندي نفس المشكلة بالظبط انا عملت بعض اللي حضرتك عملته بس ملمستش الماتور يعني مغيرتش جوانات ولا كده.عندي ريدتير المونيوم و مروحة سرعتين بالقميص ومروحة على السربنتينا بس العربية مبتجبشي احمر خالص. بس انا ملاحظ حاجة
                          انا البطارية عندي 55 وبحس وانا ماشي بليل واطفي النور احس ان المروحة شددها بتزيد وبحس من صوتها. فأكيد ده دليل على ان الكهرباء ضعيفة مش عارف هل ده معناه اني محتاج اركب بطارية أعلى 70 مثلا, لو حد عنده خبره في الموضوع ده يقول.
                          هل سير الكاتينة ليه علاقة بسخونة العربية. أغلب الناس مغيرتشي سير الكاتينة عشان جنزير هل ده ليه علاقة بالسخونة؟
                          معلومة عرفتها كل ماتزود اضاءة فالعربية او حاجة تحتاج شحنة كهربائية زيادة كل مايفضل تكون البطارية ذات امبير اعلى والله اعلم بمدى صحة المعلومة دى اما النسبة لسير الكاتينة ملوش اى علاقة بسخونة العربية
                          [img2]http://nileup.com/up/uploads/nilemotors_13649876441.jpg[/img2]

                          Comment


                          • #14
                            المشاركة الأصلية كتبت بواسطة المنسي مشاهدة المشاركة
                            معلومة عرفتها كل ماتزود اضاءة فالعربية او حاجة تحتاج شحنة كهربائية زيادة كل مايفضل تكون البطارية ذات امبير اعلى والله اعلم بمدى صحة المعلومة دى اما النسبة لسير الكاتينة ملوش اى علاقة بسخونة العربية

                            تمام التمام الأمبير لما يكون أعلى شوية يكون أفضل عشان تعويض النور العالي والتكييف والمراوح وبالأخص لو استخدام مروحة الردياتير بيكون كتير في الصيف، والكاتينة فعلا ملهاش دعوة، بس مينفعش نحط مثلا أمبير عالي جدا عن العربية عشان الدينامو برضو يعرف يشحن كويس، يعني بالنسبة للفيليشيا 70 أمبير بدل 55 كويس جدا.
                            [CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]

                            Comment


                            • #15
                              الرادياتير النحاس الثلاثة ماسورة ممتاز جدا جدا جدا جدا جدا انا حاطه عندي و الحرارة لايمكن تزيد عن 90 درجة خالص الا لما بعدي ال120 و بتزيد عن التسعين درجة بشعرة و بانصح كل الفليشياوية بيه

                              Comment

                              Working...
                              X