تكييف فليشيا

[ehabbasha30]

السلام عليكم
انا عندى فليشيا 97 حالتها ممتازة جدا
لكن فكرت ابيعها عشان مفيهاش تكييف
وبعدين قلت هى حالتها كويسة جدا ومريحانى ومفيش فيها اعطال والحمد لله
ففكرت اركبلها تكييف
ياترى التفكير دة مظبوط ولا اية؟؟؟؟؟
واية تكلفة التركيب وانواعة واماكن التركيب مع العلم انى من المنصورة لكن ممكن انزل القاهرة لو الموضوع فى القاهرة افضل وأوفر
واهم من كل دة ... اداء التكييف اية اخبارة؟؟؟ .. محسوس ولا زى قلتة؟؟؟
وهل يوجد بة اعطال لانة متركب مش اساسى مع العربية ؟؟؟؟ .... ولا محدش بيشتكى منة
اسف على الاطالة وانا متأكد انى هلاقى الرد الشافى والوافى منكم
شكرا

[IronHead]

لا بعها وهات حاجه بتكييف احسن مليون مره
لو ركبتلها تكييف مش اصلى هتسخن قوى مع الحر الشديد وادائه مش قد كده

[benmatar]

موضوع التكييف ده ذاكرت فيه شوية على قدي
بالنسبة للتكييف الأصلي معدل تبريده مش قوي أوي عشان الكويل في حوض الموتور مش داخل الصالون (نوع تصميم) أما الأفضل وبالأخص للدول الحارة إن الكويل يكون في الداخل، وده اللي ممكن تعمله لما تركب تكييف ياباني، ده بصفة خاصة للفيليشا.
بصفة عامة التكييف بيأثر على أي عربية في الدنيا من حيث معدلات الاستهلاك للوقود ومعدلات التسارع، أما لو طريق مفتوح التأثير بيكون أقل، وحالة الموتو مهمة جدا، ولا ينصح بتركيبه لموتور مصاب بأمراض مزمنة، وطبعا التأثير بيكون ملحوظ في المواتير القديمة وقليلة السعة اللترية.
بالنسبة للفيليشيا التكييف الياباني لو ركب فيها بالتعديل اللي بقولو لحضرتك وهيكون التبريد كويس هتكلفك 3000ج.م، ولازم نراعي شوية أمور مهمة، أولا يكون معدل تبريد الموتور كويس ودورة التبريد محترمة، يعني للوقاية هتحتاج تشتري ردياتير صيني جديد ألمنيوم تمنه 150ج.م نظيف وفتحاته مهوية ومواسيره سالكة، وتراجع على الطلمبة والخراطيم والقربة ومروحة الردياتير، لو كله تمام توكل على الله وركب التكييف عند حد كويس مضمون ويركبلك مروحة أمامية (خلف الاكصدام) وبكدة العربية بإذن الله تكون معاك تمام بس زي ماقلنا استهلاك بنزينك هيعلى شوية والسحب والطلعة من السكون اتقل شوية إنما في الجري والطريق عادي، وده شفته في فيليشيا متركبلها، وأعرف ورشة في المهندسين عاينت الفيليشيا معايا وقاللي نفس الكلام ده، واحتمال أستخير وأخطو الخطوات دي بإذن الله.
إنما تبيع وتشتري حاجة مكيفة أنصحك بيه لو هتجيب فئة اعلى ونقلة تانية، يعني تجيب حاجة 1600 مثلا وأحدث واٌوى، إنما تبيع وتشتري مثلا أونو ولا برايد مكيف بنفس السعر يبقى خسارة، آسف للإطالة بس حبيت أوضح معلومات بسيطة متواضعة

[المنسي]

موضوع التكييف ده ذاكرت فيه شوية على قدي
بالنسبة للتكييف الأصلي معدل تبريده مش قوي أوي عشان الكويل في حوض الموتور مش داخل الصالون (نوع تصميم) أما الأفضل وبالأخص للدول الحارة إن الكويل يكون في الداخل، وده اللي ممكن تعمله لما تركب تكييف ياباني، ده بصفة خاصة للفيليشا.
بصفة عامة التكييف بيأثر على أي عربية في الدنيا من حيث معدلات الاستهلاك للوقود ومعدلات التسارع، أما لو طريق مفتوح التأثير بيكون أقل، وحالة الموتو مهمة جدا، ولا ينصح بتركيبه لموتور مصاب بأمراض مزمنة، وطبعا التأثير بيكون ملحوظ في المواتير القديمة وقليلة السعة اللترية.
بالنسبة للفيليشيا التكييف الياباني لو ركب فيها بالتعديل اللي بقولو لحضرتك وهيكون التبريد كويس هتكلفك 3000ج.م، ولازم نراعي شوية أمور مهمة، أولا يكون معدل تبريد الموتور كويس ودورة التبريد محترمة، يعني للوقاية هتحتاج تشتري ردياتير صيني جديد ألمنيوم تمنه 150ج.م نظيف وفتحاته مهوية ومواسيره سالكة، وتراجع على الطلمبة والخراطيم والقربة ومروحة الردياتير، لو كله تمام توكل على الله وركب التكييف عند حد كويس مضمون ويركبلك مروحة أمامية (خلف الاكصدام) وبكدة العربية بإذن الله تكون معاك تمام بس زي ماقلنا استهلاك بنزينك هيعلى شوية والسحب والطلعة من السكون اتقل شوية إنما في الجري والطريق عادي، وده شفته في فيليشيا متركبلها، وأعرف ورشة في المهندسين عاينت الفيليشيا معايا وقاللي نفس الكلام ده، واحتمال أستخير وأخطو الخطوات دي بإذن الله.
إنما تبيع وتشتري حاجة مكيفة أنصحك بيه لو هتجيب فئة اعلى ونقلة تانية، يعني تجيب حاجة 1600 مثلا وأحدث واٌوى، إنما تبيع وتشتري مثلا أونو ولا برايد مكيف بنفس السعر يبقى خسارة، آسف للإطالة بس حبيت أوضح معلومات بسيطة متواضعة

دايما بتجيب من الاخر ومبتبخلش بالمعلومة ومفيش كلام تانى يتقال بعد الكلام اللى انت قلته ومن راى لو هو عايز حاجة فيها تكييف يشوف فعلا فئة اعلى مثلا 1600 ويعلى شوية فى السعر وده رايي

[ehabbasha30]

متشكر جدا جدا لكل مشاركة فى الموضوع
بالنسبة لعربيتى دورة التبريد فيها ممتازة جدا والحمد لله درجة الحرارة مبتوصلش لل90 ....و الموتور بحالتة ومفيش اى مشاكل الحمد لله
لكن فعلا انا حاسس ان كفائة التكييف ممكن تكون ضعيفة
فانا ان شاء الله هحاول ابيع واشترى حاجة اكبر ان شاء الله .... المشكلة انى سامع ان الاسعار نازلة جدا اليومين دول .......... على العموم ربنا يقدم اللى فية الخير
والف شكر مرة تانية على الافادة

[benmatar]

دايما بتجيب من الاخر ومبتبخلش بالمعلومة ومفيش كلام تانى يتقال بعد الكلام اللى انت قلته ومن راى لو هو عايز حاجة فيها تكييف يشوف فعلا فئة اعلى مثلا 1600 ويعلى شوية فى السعر وده رايي

تلاميذك ياريس، وفرسان الفيليشيا يستحقوا إن الواحد مايبخلش عليهم بمعلومة

[lad]

بيع وهات حاجة تانية

[EngAhmedSayed]

موضوع التكييف ده ذاكرت فيه شوية على قدي
بالنسبة للتكييف الأصلي معدل تبريده مش قوي أوي عشان الكويل في حوض الموتور مش داخل الصالون (نوع تصميم) أما الأفضل وبالأخص للدول الحارة إن الكويل يكون في الداخل، وده اللي ممكن تعمله لما تركب تكييف ياباني، ده بصفة خاصة للفيليشا.
بصفة عامة التكييف بيأثر على أي عربية في الدنيا من حيث معدلات الاستهلاك للوقود ومعدلات التسارع، أما لو طريق مفتوح التأثير بيكون أقل، وحالة الموتو مهمة جدا، ولا ينصح بتركيبه لموتور مصاب بأمراض مزمنة، وطبعا التأثير بيكون ملحوظ في المواتير القديمة وقليلة السعة اللترية.
بالنسبة للفيليشيا التكييف الياباني لو ركب فيها بالتعديل اللي بقولو لحضرتك وهيكون التبريد كويس هتكلفك 3000ج.م، ولازم نراعي شوية أمور مهمة، أولا يكون معدل تبريد الموتور كويس ودورة التبريد محترمة، يعني للوقاية هتحتاج تشتري ردياتير صيني جديد ألمنيوم تمنه 150ج.م نظيف وفتحاته مهوية ومواسيره سالكة، وتراجع على الطلمبة والخراطيم والقربة ومروحة الردياتير، لو كله تمام توكل على الله وركب التكييف عند حد كويس مضمون ويركبلك مروحة أمامية (خلف الاكصدام) وبكدة العربية بإذن الله تكون معاك تمام بس زي ماقلنا استهلاك بنزينك هيعلى شوية والسحب والطلعة من السكون اتقل شوية إنما في الجري والطريق عادي، وده شفته في فيليشيا متركبلها، وأعرف ورشة في المهندسين عاينت الفيليشيا معايا وقاللي نفس الكلام ده، واحتمال أستخير وأخطو الخطوات دي بإذن الله.
إنما تبيع وتشتري حاجة مكيفة أنصحك بيه لو هتجيب فئة اعلى ونقلة تانية، يعني تجيب حاجة 1600 مثلا وأحدث واٌوى، إنما تبيع وتشتري مثلا أونو ولا برايد مكيف بنفس السعر يبقى خسارة، آسف للإطالة بس حبيت أوضح معلومات بسيطة متواضعة

1111111111111111111
صح كلامك و مفيش حاجه بعد قولك

[benmatar]

شكرا للمتابعة، تحياتي

[amagroup]

لاحظ ان في فرق في الموتور بتاع الفليشيا اللي بينزل بتكييف واللي من غير وفي فرق في الدينامو والبطارية بيكون امبيرها اعلي
في رأيي اتاكد كويس قبل ما تعمل حاجه زي كده عشان متخنقش الماكنة ومتسخنش منك

[ehabbasha30]

الف شكر لكل الردود والمشاركات ودة عشمى برضو فى رجالة نايل موتورز