عمل سرفيس لسكودا فليشيا 96

[أحمد جودة]

السلام عليكم ورحمة الله وبركاتة

أخواني الأعزاء أرجو إفادتي فى عمل الصيانة الصحيحة لسكودا فليشيا موديل 96

العربية أمتلكها من حوالي 5 شهور تقريباً لما اشتريتها غيرت زيت الموتور ودة كان عند ميكانيكي كنت بغير عنده الكبالن حط زيت معرفش نوعه اية المهم بعد فترة فلتر الزيت رشح زيت رحت لواحدتأني غير الفلتر وحط شوية زيت بردة من برميل كبير معرفش نوعه أية 0000

المهم كنت عاوز أستعمل زيت واحد مغيروش للعربية كل مرة فكنت عاوز أعرف الاتي :-

1- انسب نوع زيت للعربية علشان مغيرش نوع الزيت كل شوية وكمان العربية بتاخد كام كيلو أو لتر زيت
2- هل أكشف على زيت الفتيس وأنا لسه مزودو المرة اللي فاتت وأية أنسب زيت للفتيس مع العلم عندي تنقيط زيت خفيف من الفتيس معرفش منين بالظبط وأصحابي نصحوني أتابع الزيت كل فترة وأزودو
3- هل أغير فلتر الزيت وماهو أفضل نوع فلتر مع العلم أني مغير الفلتر المرة اللي فاتت
4- هل أغير فلتر الهواء مع العلم أن الميكانيكي شاف الفلتر ونظفه وقالي مش محتاج تغيير
5- بالنسبة لزيت الفرامل هل أتابع مقاسه وازودو لو نقص وهل فية زيت معين للفرامل
6- بالنسبة لفتر البنزين متغير مع فلتر الزيت هل أغبرو مرة تانية وكنت بحط بنزين 92 وحالياً بحط 80

ملحوظة مهمة

أنا عربيتي فليشيا 96 وساقط لها موتور استيراد موديل 2002 وكان عندي مشكلة بطلمبة البنزين وتم تغيرها من اسبوعين بواحدة ماليزي كانت بــ 80 جنية بس مش مطمنلها
عاوز أعرف أحسن طلمبة بنزين كهرباء تنفع مع الموتور مع العلم كان الطلمبة القديمة كان مرسوم عليها علامة ميتسوبيشي
وهل كل طلمبات البنزين متشابهة بمعني هل الطلمبات كلها نفس الضغط أو نفس السرعة علشان لما ركبت الطلمبة الماليزي كان ماسورتين دخل وخرج البنزين أوسع من القديمة فغيرت الخراطيم وهل دة بيزود إستهلاك البنزين ولا مالوش علاقة


ملحوظة أخري

عندي مستوي الزيت بعد ماغيرت على طول كان بيعلم لحد علامة الماكسمم
وفضل يقل يقل لحد ماوصل قبل علامة المينيمم بحاجة بسيطة وأنا حاطط زيت 3000كيلو وماشي لحد دلوقتي أقل من 1500 كيلو مع العلم معظم مشاويري صغيرة وفى الزحمة


ملحوظة أخري

أمبارح فتحت قربة المياة علشان أزود مياة أخدت حوال لتر أو أقل من لتر تقريباً مع العلم لا يوجد تسريب أو تنقيط من الردياتير هل هذا طبيعي مع العلم بحط مياة من الحنفية مش مياة خضراء


وأسف على الإطالة وأشكر لكم حسن التعاون دائماً ومتابع ردود حضراتكم





عربيتي فى التوقيع

[sakr_skoda]

السلام عليكم ورحمة الله وبركاتة

أخواني الأعزاء أرجو إفادتي فى عمل الصيانة الصحيحة لسكودا فليشيا موديل 96

العربية أمتلكها من حوالي 5 شهور تقريباً لما اشتريتها غيرت زيت الموتور ودة كان عند ميكانيكي كنت بغير عنده الكبالن حط زيت معرفش نوعه اية المهم بعد فترة فلتر الزيت رشح زيت رحت لواحدتأني غير الفلتر وحط شوية زيت بردة من برميل كبير معرفش نوعه أية 0000

المهم كنت عاوز أستعمل زيت واحد مغيروش للعربية كل مرة فكنت عاوز أعرف الاتي :-


استعمل زيت موبيل 1000 كيلو او اى نوع زيت 1000 بكدة حتغير الزيت تقريبا كل شهر و بالتالى لن تحتاج الى تزويد الزيتمثل التعاون الجركن الأحمر
1- انسب نوع زيت للعربية علشان مغيرش نوع الزيت كل شوية وكمان العربية بتاخد كام كيلو أو لتر زيت

العربية بتاخد 3 لتر زيت بالظبط دا من غير الفللتر اما لو حتغير الفلتر يبقى 4 لتر بالتمام والكمال
2- هل أكشف على زيت الفتيس وأنا لسه مزودو المرة اللي فاتت وأية أنسب زيت للفتيس مع العلم عندي تنقيط زيت خفيف من الفتيس معرفش منين بالظبط وأصحابي نصحوني أتابع الزيت كل فترة وأزودو

نفس المشكلة عندى وتقريبا عند كل الفليشياويه الحلوين فنصحتى اشترى جركن زيت فتيس وزود لتر زيت كل شهرين بالتمام والكمال ولو عاوز تعرف ازاى انا تحت امرك....

3- هل أغير فلتر الزيت وماهو أفضل نوع فلتر مع العلم أني مغير الفلتر المرة اللي فاتت

فلتر الزيت بيتغير كل 3 تغيرات زيت وممكن 4 مرات وافضل فلتر ايفكو وعلى فكرة انتا ممكن تركبة وتفكة بنفسك....


4- هل أغير فلتر الهواء مع العلم أن الميكانيكي شاف الفلتر ونظفه وقالي مش محتاج تغيير

مش ضرورى تغير فلتر الهوا ....


5- بالنسبة لزيت الفرامل هل أتابع مقاسه وازودو لو نقص وهل فية زيت معين للفرامل

طيب زيت الفرامل بتشترى علبة زيت الصاج مش البلاستيك وتقريبا سعرها 10 جنية بتزود بيها كل لما ينقص منسوب الزيت وبيظهر فى خزان زيت الفرامل فيه شرطة المقاس لما ينقص زود وتقريبا بتحتاج تزويد كل 5 او 6 اشهر يعنى فترات متباعدة دا لو دايرة الفرامل عندك مظبوطه....*

6- بالنسبة لفتر البنزين متغير مع فلتر الزيت هل أغبرو مرة تانية وكنت بحط بنزين 92 وحالياً بحط 80

فلتر البنزين بيتغير بالنظر لما تلاقى لونة اسود وبقى زى الطين كدا يبقى لازم تغيرة وتقريبا كدا بيتغير كل 6 اشهر تقريبا....

ملحوظة مهمة

أنا عربيتي فليشيا 96 وساقط لها موتور استيراد موديل 2002 وكان عندي مشكلة بطلمبة البنزين وتم تغيرها من اسبوعين بواحدة ماليزي كانت بــ 80 جنية بس مش مطمنلها

طلمبة البنزين الكهرباء عيبها انها لو قطعت نهائى اما مادام تقوم بملء فلتر البنزين يبقى تمام ودا بيبان من فلتر البنزين الشفاف فكل الطلومبات عادى وطلوبمة الميتسوبشى دى لسه شاريها ب175 جنية ودا بسبب توقف الطلومبة القديمة عن شفط البنزين من التانك....*

عاوز أعرف أحسن طلمبة بنزين كهرباء تنفع مع الموتور مع العلم كان الطلمبة القديمة كان مرسوم عليها علامة ميتسوبيشي
وهل كل طلمبات البنزين متشابهة بمعني هل الطلمبات كلها نفس الضغط أو نفس السرعة علشان لما ركبت الطلمبة الماليزي كان ماسورتين دخل وخرج البنزين أوسع من القديمة فغيرت الخراطيم وهل دة بيزود إستهلاك البنزين ولا مالوش علاقة


ملحوظة أخري

عندي مستوي الزيت بعد ماغيرت على طول كان بيعلم لحد علامة الماكسمم

تمت الاجابه عن السؤال استعمل زيت ال1000 كيلو بكدا حتغير كل شهر مش حتحتاج تزود....*


وفضل يقل يقل لحد ماوصل قبل علامة المينيمم بحاجة بسيطة وأنا حاطط زيت 3000كيلو وماشي لحد دلوقتي أقل من 1500 كيلو مع العلم معظم مشاويري صغيرة وفى الزحمة


ملحوظة أخري

أمبارح فتحت قربة المياة علشان أزود مياة أخدت حوال لتر أو أقل من لتر تقريباً مع العلم لا يوجد تسريب أو تنقيط من الردياتير هل هذا طبيعي مع العلم بحط مياة من الحنفية مش مياة خضراء


عادى جدا احنا فى الصيف والعربية بتبخر ميه وبعدين حسنية ماتتحملش الحر....


وأسف على الإطالة وأشكر لكم حسن التعاون دائماً ومتابع ردود حضراتكم





عربيتي فى التوقيع

ربنا يهدى حسنية وخليهاك ويريت تكون قامت بالسلامة وجابت فلفوشه صغيرة حلوه....

ياباش مهند على فكر كل الموضوعات اللى حضرتك بتسأل عليها فى موضعك حجات بسيطة وباعملها بنفسى كلها والله فلو عاوز تعمل الحجات دى بنفسك انا تحت امرك ممكن اشرحلك ازاى تركب جوان وش السلندر بنفسك....* وعلى فكرة انا مش ميكانيكى بس حبى للأله يجعلنى اعلم كل كبيرة وصغيرة عنها هوايه بقى....

[darehawk]

كويسة جدن فكرة الزيت ال1000 خصوصا بالنسبة لي عشان مشاويري كتير وبعيد مع نقص الزيت في الموتور

[adiaa222]

نفس المشكلة عندى وتقريبا عند كل الفليشياويه الحلوين فنصحتى اشترى جركن زيت فتيس وزود لتر زيت كل شهرين بالتمام والكمال ولو عاوز تعرف ازاى انا تحت امرك....

انا فعلا عندى نفس المشكلة ياريت تقولنا ازاى نغيير زيت الفتيس. انا سمعت من عداد السرعة بس مش عارف ازاى

[sakr_skoda]

انا فعلا عندى نفس المشكلة ياريت تقولنا ازاى نغيير زيت الفتيس. انا سمعت من عداد السرعة بس مش عارف ازاى

انا تحت امرك....
لازم تحضر الحجات دى قبل العمل:
1- قمع بلاستيك فى نهايته خرطوم حوالى 50 سم....

2-مفتاح 5 وياريت يكون مفتاح لقمة....

3- زيت الفتيس *

فى الصورة كتله واير السرعة وزى ما فى الصورة حتفك المسمار مقاس 8 حتطلع معاك الكتله بالواير ركب الخرطوم فى الخرم وصب الزيت وبعد كده اربط الكتله تانى وخلاص....*

[darehawk]

بس خلي بالك متسحبش الوير بتاع السرعة عشان ساعات بيفصل من التابلوه وده للاسف الليحصل معايا اخر مرة....بالتوفيق

[أحمد جودة]

ربنا يهدى حسنية وخليهاك ويريت تكون قامت بالسلامة وجابت فلفوشه صغيرة حلوه....

ياباش مهند على فكر كل الموضوعات اللى حضرتك بتسأل عليها فى موضعك حجات بسيطة وباعملها بنفسى كلها والله فلو عاوز تعمل الحجات دى بنفسك انا تحت امرك ممكن اشرحلك ازاى تركب جوان وش السلندر بنفسك....* وعلى فكرة انا مش ميكانيكى بس حبى للأله يجعلنى اعلم كل كبيرة وصغيرة عنها هوايه بقى....

أشكرك أخي العزيز علي حسن المتابعة والرد

أنا على فكرة لسة جديد فى موضوع العربيات ولسة بتعلم ويسعدني ويشرفني أتعلم من حضرتك تغير جوان وش السلندر وعلى فكرة أنا كنت قرأت فى أحد موضوعاتك أن العربية ممكن طبيعي تاكل زيت فى الاجواء الحارة والقيادة فى الزحام بصفة مستمرة هل هذا طبيعي

وبالمناسبة أنا زودت الزيت امبارح وكان الراجل ماسك جركن أحمر مكتوب علية شيل
بس ممكن يكون حاطط فية زيت تاني

عموماً قررت أخد بنصيحة حضرتك وأحط زيت موبيل بس هل لازم 1000 كيلو مش ممكن أحط 3000 كيلو

أشكر حضرتك مرة تانية على الاهتمام أخوك الصغير أحمد

[EngAhmedSayed]

انا عاوز اعرف بس ايه موضوع الموتور 2002
ده قلى راكب على الفلشيا ممكن توضحلنا القصه ايه
كان نازل على انى موديل
و كام سىسى
و انجكشن و له كرابرتير
و ياريت لو تصورلنا الموتور من جو و بكذا زاويا
ممكن و على ما اعتقد انى الاستاذ او عم صبحى زى ما بحب اقوله رد على حضرتك بالردود الوافية
متبخلش علينا با لطلبته منك
وربك المستعان

[AhMeD MeTwAlY]

انا كنت جايب النص الي تحت فوق من موديل فوووق 2000 والنص الي فوق موديل 95
وفتيس 98 1600 سي سي
تشكيله كويسه بتدي اداء للعربيه جبار

[sakr_skoda]

أشكرك أخي العزيز علي حسن المتابعة والرد

أنا على فكرة لسة جديد فى موضوع العربيات ولسة بتعلم ويسعدني ويشرفني أتعلم من حضرتك تغير جوان وش السلندر وعلى فكرة أنا كنت قرأت فى أحد موضوعاتك أن العربية ممكن طبيعي تاكل زيت فى الاجواء الحارة والقيادة فى الزحام بصفة مستمرة هل هذا طبيعي

وبالمناسبة أنا زودت الزيت امبارح وكان الراجل ماسك جركن أحمر مكتوب علية شيل
بس ممكن يكون حاطط فية زيت تاني

عموماً قررت أخد بنصيحة حضرتك وأحط زيت موبيل بس هل لازم 1000 كيلو مش ممكن أحط 3000 كيلو

أشكر حضرتك مرة تانية على الاهتمام أخوك الصغير أحمد

كلاكيت ثالث مرة عاوز اقول ثالث مرة ارد عليك وقبل ماخلص الرد ياما الجهاز يرستر ياما الكهربا تقطع....*

المهم انا تحت امرك اخى الكريم وكلانا هنا اخوات احباء فى الله....


شوف ياخ احمد انا عاوزك تشوف سبب نقصان الزيت ايه وطبعا لو الموتور بتاع حضرتك سحبة كويس ومافيش دخنه بيضا يبقى تمام ....

يبقى التسريب فى مكان من ثلاثة او اثنين ساشرح لحضرتك الثلاث احتمالات لتسريب الزيت وطريقة المعالجه....

أولا : كارتيرة الزيت وطبة الزيت حاول تحرق على مسامير كرتيرة الزيت هما تقريبا 8 مسامير 10 اختبر مدى ربطهم من عدمه وبص كدا على جوان الكرتيره....

ثانيا: وش الكستبينات ودا اللى تحت البوجيهات وفوق الفلتر بالظبط واظن ان هو السبب فى تسريب الزيت على الفلتر لأن فى الغالب كافة الناس لايعطون لهذا الوش اهمام وهو وش مربوط باربع مسامير 10 وله جوان غليظ فيجب التحريك على تلك المسامير بصفة دوريه....*

ثالثا : وش التاكيهات وجوان التكيهات بص كدا تحت الجون وحط صابعك ها فى ترشيح يبقى حرق على المسامرين ال10 اللى فى الوش....

دولا الثلاث احتمالات لتسريب الزيت وعلى فكرة انا اطلمط من موضوع الزيت غيرت جوان الكرتيرة حرقت على وش الكيهات لما طق ولحمته واخيرا وجدت التسريب من وش الكستبينات حرقت على الأربع مسامير والحمد الله التسريب انتهى مع ان الميكانيكا عندنا غلبو فى الموضوع ولاكن يوضع سره فى اضعف خلقه........

[benmatar]

كلام زي الفل وبالذات موضوع وش الكوستبينات فعلا بيكون السبب في أغلب الأحيان لأن كتير بينسوه

[sabermm]

السلام عليكم
انا عندى اسكودا فليشيا يوجد دخان ابيض وعند الضغط على البنزين يخرج الدخان بكثافة وسحب السيارة ضعيف جدا
ذهبت الى الميكانيكى قال الدخانة سببها ان الماتور عايز شمبر وارشدنى ان اسقط ماتور
ومشكلة السحب فغير طقم دبرياج وغير زيت وفلتر ووضع زيت شنبر.
النيجة السحب معقول ولاكن الدخانة شديدة

اصحابى يقولون ان التكيهات ممكن ان تتسبب فى الدخانة البيضة
وممكن اعرف اسعار مواتير الفليشيا كام واماكن وجودها
انا اسف على الاطالة

[أحمد جودة]

انا عاوز اعرف بس ايه موضوع الموتور 2002
ده قلى راكب على الفلشيا ممكن توضحلنا القصه ايه
كان نازل على انى موديل
و كام سىسى
و انجكشن و له كرابرتير
و ياريت لو تصورلنا الموتور من جو و بكذا زاويا
ممكن و على ما اعتقد انى الاستاذ او عم صبحى زى ما بحب اقوله رد على حضرتك بالردود الوافية
متبخلش علينا با لطلبته منك
وربك المستعان

أشكرك أخي العزيز على المتابعة
أولاً الموتور زي ما صاحب العربية قاللي هوة إنجكشن موديل 2002 وعمل تعديل علية ومشغلة كاربيراتير وعندي الانجكشن موجود معايا فى البيت

ثاانياً هوة الموتور دة ألماني ومكتوب على الفارغة بتاعتة Skoda وهوة 1300 سي سي وسحبة ماشاء الله كويس

ثالثاً بالنسبة للصور حاضر من عيني هصور الموتور بأكتر من زاوية وهرفع الصور

ملحوظة موجود فى المشاركة ملف مرفق الافراج الجمركي للموتور أكيد حضرتك تفهم أكتر مني


[img3][/img3]

[أحمد جودة]

كلاكيت ثالث مرة عاوز اقول ثالث مرة ارد عليك وقبل ماخلص الرد ياما الجهاز يرستر ياما الكهربا تقطع....*

المهم انا تحت امرك اخى الكريم وكلانا هنا اخوات احباء فى الله....


شوف ياخ احمد انا عاوزك تشوف سبب نقصان الزيت ايه وطبعا لو الموتور بتاع حضرتك سحبة كويس ومافيش دخنه بيضا يبقى تمام ....

يبقى التسريب فى مكان من ثلاثة او اثنين ساشرح لحضرتك الثلاث احتمالات لتسريب الزيت وطريقة المعالجه....

أولا : كارتيرة الزيت وطبة الزيت حاول تحرق على مسامير كرتيرة الزيت هما تقريبا 8 مسامير 10 اختبر مدى ربطهم من عدمه وبص كدا على جوان الكرتيره....

ثانيا: وش الكستبينات ودا اللى تحت البوجيهات وفوق الفلتر بالظبط واظن ان هو السبب فى تسريب الزيت على الفلتر لأن فى الغالب كافة الناس لايعطون لهذا الوش اهمام وهو وش مربوط باربع مسامير 10 وله جوان غليظ فيجب التحريك على تلك المسامير بصفة دوريه....*

ثالثا : وش التاكيهات وجوان التكيهات بص كدا تحت الجون وحط صابعك ها فى ترشيح يبقى حرق على المسامرين ال10 اللى فى الوش....

دولا الثلاث احتمالات لتسريب الزيت وعلى فكرة انا اطلمط من موضوع الزيت غيرت جوان الكرتيرة حرقت على وش الكيهات لما طق ولحمته واخيرا وجدت التسريب من وش الكستبينات حرقت على الأربع مسامير والحمد الله التسريب انتهى مع ان الميكانيكا عندنا غلبو فى الموضوع ولاكن يوضع سره فى اضعف خلقه........

أشكرك أستاذ صبحي على الاهتمام أنا أمبارح بعد ماروحت فتحت الكبوت وكان فية تعريق زيت بسيط جداً على غطاء التاكيهات والكارتيرة مافيهاش اي تسريب ولا من عند الفلتر

اليوم إنشاء الله هشوف من غطاء الكستبينات

وكمان فتحت غطاء الزيت من وكان الغطاء نظيف

بالمناسبة واحد صاحبي قاللي لو الزيت مش كويس أو أنا ساعات بحرق على الموتور يعني بغير متأخر أحيانا مع حرارة الجو والزحام والسخونية ممكن يبقي طبيعي العربية الزيت ينقص

وكمان أنا قست الزيت امبارح بعد تزويد نصف كيلو زيت المقاس مظبوط
وأنا مغير زيت من حوالي شهرين وزيادة وطلع الزيت غالباً كان بتاع التعاون

أشكر لحضرتك سعة صدرك

[أحمد جودة]

كلام زي الفل وبالذات موضوع وش الكوستبينات فعلا بيكون السبب في أغلب الأحيان لأن كتير بينسوه

أشكرك أخي العزيز على الاهتمام والرد