الفيلشيا مجنناني

[Creative2t]

:embarrassed2:فليشيا موديل ٩٧ مكيفة كانت بتسخن لما بشغل التكييف روحت لمييكانيكي غير وش السلندر وبعدها بقت بتسخن وانا ماشي في العادي من غير تكييف المشكلة اني لما بجري فوق ال ٩٠ كم بتغلي ولما امشي ٤٠ كم مش بتسخن خالص .
سلكت الراديتير مرتين وغير كل الترموستات (اللي في الراديتير واللي فوق اللي هوا صباع الحرارة ورجعت ترموستات الكوعه) وغيرت قربة الميه وغيركاوتشات الميه وغيرت غطا القربة وغلست سربنتينة التكييف ولسة بتسخن جداً ومش عارف بجد اعمل ايه انا كان معايه ١٢٧ وكيا برايد وكيا برايد ايراني مفيش ولا واحد كانت بتسخن بالطريقة دي
اعمل ايه غير اني ابيعها؟

[harban]

ya Creative, kan zamanak gebt Felicia 2000, om wesh Octavia
enta bas roo7 le wa7ed mechanician beyefham, we balash el wad Saber

hwa how much el Scoda Felicia now, same model men elly mesh betes7'en?

[amir]

اعمل ايه غير اني ابيعها؟

اقرء مواضيع قسم الاسكودا و انت تلاقي الاجابه

[Creative2t]

حاضر يا دكتور

[kalmah]

ركبلها مروحة تانية 2 سرعة
لما يبقيء في مروحتين هيخلولك الحرارة ثابتة عند 70 ان شاء الله
هيا بتتكلف في حدود 350

[amir]

ركبلها مروحة تانية 2 سرعة
لما يبقيء في مروحتين هيخلولك الحرارة ثابتة عند 70 ان شاء الله
هيا بتتكلف في حدود 350

اسمع كلامه و ادفع الفلوس دي كلها و رحب بالهيلوكبتر اللي هتركبها زائد ان الحراره مش هتظبط قوي

ياريت الاخ يكون مجرب الموضوع ده في اسكودا و مستمتع بأداءه قبل ما ينصح الناس بيه

[ahmedhamdy]

انا مجرب عربيتي سكودا كومبي موديل 97 ركبت فيها مروحة سرعتبن والعربية الحمد لله زي الفل والكلام من سنتين وكان سعر المروحة 300 جنية

[harban]

يا جماعة المروحة التانية مش حل , انا معايا سكودا نفس الموديل.
هو دخول مياة الرادياتير للموتور لة علاقة بسرعة الموتور؟؟

[Creative2t]

بعد عناء لمدة اسبوعين وتغير كل ما له علاقه بدورة التبريد بقينا تمام. بس رجعنا تاني للمشملة اللي كانت سبب في كل ده لما جيت اصلحها المشكلة هي ان التكييف بيسخن العربيه اوي.
في حلول؟

[amir]

بص بقي انا فعلا زهقت من المشاكل المعقربه دي و معرفش ليه الناس مبتهتمش بالفليشيا من ناحيه التظبيط و التعديلات مع انها من وجهه نظري متشابه مع معشوقه الشباب الجولف من ناحيه الشكل الخارجي (حد خد بالو من كده؟؟؟)
المهم عندك الميكانيكي بتاعي اللي انا كاتب عنو في قسم الاسكودا و لو ده كمان منفعش معاك حاجه من تلاته
انسي التكييف
بيعها
تعايش مع المشكله لو الحراره اقل من الاحمر

[Chicco]

أنا من ملاك الفيلشيا السابقين ...كل اللي أقدر أقوله إن عيب العربية الأساسي أن المكانيكية بيفتوا فيها .....الحل أنك تلاقي مكانيكي بيفهم فيها و دول كتير ..... و فيه منهم كانوا بيشتغلوا في التوكيل أصلا و بعدين ربنا فتح عليهم و فتحوا ورشات

[ahmed1981]

تأكد من أن الطرمبة بتقلب كويس
والردياتير متسلك كويس وأصلي
والمروحة سريعة

ولو مفيش فايدة وهذا عيب طبيعي

يبقى ركب فيها مروحة سرعة عالية وأمرك لله

وبالنسبة لتشابه هذه السيارة مع الجولف فأنا أرى أنهما لا يتشابهان في أي شيء
لا ميكانيكا ولا شكل ولا شاسيه ولا أداء ولا متانة
ويمكن لأن الإثنين هاتش باك فقط

[waelgaber]

انا معايا نفس عربيتك 97 وعندى نفس المشكلة ومش لقيلها حل والمروحة سرعتين وشغالة على السرعة تاعالية

[farafiroooo]

يعني يا جماعة مش معقولة ان كل العربيات الاسكودا اللي فمصر اصحابها بيشتكوا من الحرارة العالية (غير منطقي)
اكيد في عربيات تمام وزي الفل ولا بتسخن ولا اي حاجة
* انت ممكن تشوف حد معاه سكودا فالشارع حتي وتسألوا مفيهاش احراج اعتقد لو في اشارة مثلا .
* ممكن تطلع عالتوكيل والعملية باذن الله مليون % هتتظبط هناك بس جيبك اللي هتركبله مروحة بسبب اسعارهم العالية
* في اعضاء كان عندهم نفس المشكلة واتحلت معاهم وبيشكروا فالتعديلات ممكن
تراسلهم عالخاص وتشوف راحوا لمين مثلا


فالحقيقة انا كنت ناوي اشتري اسكودا وبعد الاطلاع علي البوست اللي حضرتك نشرته
صرفت نظر
الله يوفقنا جميعا

[Creative2t]

والهي يا دكتور انت عندك حق . العربية دي لو اتظبطط حتبى حاجة حلوة اوي
بس انا اسف مع كل احترامي للميكانيكية ...... العربية دي محدش فاهم فيها حاجة كلهم بيجربوا يا دكتور انا غيرت ريديتير و طلمبة ميه في حين ان العيب كان من كوعة الميه الجديدة برضه كان الخرم بتاعها مسدود. انا حستحمل الحرارة لحد ما تتباع ان شاء الله