مشكلة فى كبود الفيفوريت........*

[sakr_skoda]

السلام عليكم ورحمة الله وبركاته

اخوانى اصدقائى الأعزاء كما تعودت وددت ان أخذ ارائكم السديدة فى اى مشكله تعترضنى ....

فاليوم انكسر بنز كبود الفيفوريت وانا ماشى وسقط ولم اجده وكاد الكبود ان ينفتح حيث كنت اسير بسرعة 100 ك م تقريبا لولا الله سلم وستر السؤال اين يمكن عمل بنز الكبود هل اذهب للمخرطة او سمكرى وهل البنز بيتباع لوحد واروح ورشة لحام الحمة؟؟؟؟؟

[sakr_skoda]

فينكم يارجاله الاسكودا!!!!!!!!!!!!!

[المنسي]

الناس لسه نايمة يا استاذ صقر انا عن نفسي مش هقدر افيدك استني لما الناس تشوف موضوعك وان شاء الله حد يفيدك منهم وقدر الله ماشاء فعل

[HAITHAM1985]

البنوز دى standard وبتتباع حسب القطر الخارجى بتاعها بس ياترى ده بنز بتيله ولا بنز مقلوظ

على العموم بتتباع عند محلات التوريدات الهندسية

ده اللى قدرت أساعد بيه

[eldeep]

روح عزبة شلبى هتلاقى فيها كل اللى حضرتك عايزه إن شاء الله

[sakr_skoda]

انا متشكر جدا جدا لجميع الزملاء الذين ردو على الموضوع....

وعلى العموم انا النهاردة روحت لسمكرى وقال ممكن تشترى قفل الشيفورلية ونركبه او تخرط ليك بنز ونثبته بس انا روحت لقيت قفل الشيفورليه مختلف بكرة اسال عن قفل اسكودا ولو ملقتش يبقى حنخرط بنز ونلحمه....*

[sakr_skoda]

الحمد الله المشكله اتحلت....

رحت لواحد سمكرى سيارات واشترينا بنز كبود عربية شيفورليه ب 10 جنية....

ورحنا المخرطه جلخ راس البنزشوية علشات تدخل فى كالون الكبود ومشك سن 14 لأن السن القديم 12 واخد 10 جنيه....

السمكرى يدوبك ركب البنز وبس واخد 10جنيه ومعرفش يظبط الطبود كان علشان افتح الكبود لازم ارزعه بايدى واشد يفتح روحت البيت جبت العدة وظبطط المسائل والحمد الله دلوقتى يقفل بسهولة ويفتح بسهولة والكبود ثبت والحمد الله....

اللى عاوز اقوله فى الموضوع دا كله انى كان ممكن اعمل الحجات دى كلها بنفسى ولاكن عدم وجود ردود تفيد جعلتنى اذهب لسمكرى حتى معرفش يظبط الكبود ودفعت 30 جنيه بس اتعلمت حاجة وحبيت انقلها ليكم ومش كل من مسك لمبة لحام بقى سمكرى ولاكل من مسك مفتاح بقى ميكانيكى ولاكل من مسك مفك بقى كهربائية يامعليمن الصنايعيه عندنا واخدينها بالدراع وربنا يسترها علينا جميعا....

وكل عام وانتم بكل خير وسعادة....*