ظبط زوايا الفليشيا !!

[Mostafa.Ramdan]

السلام عليكم ورحمة الله وبركاته

بفض النظر عن موضوع السخونيه اللى مجننى الايام دى

الايام دى العربيه بتعمل حاجه جميله اوى اسيب الدركسيون ترمى شمال ولما اجى اكسر الدركسيون يمين بيكون تقيل اوى وسألت قالولى دى عاوزة ظبط زوايا

عاوز اعرف بقى الموضوع هيتكلف فى حدود كام و اعمله فين فى مدينه نصر ؟؟

حد قالى اشرفكو ده حلو اوى وهيشيك على عفشه العربيه كلها بالكمبيوتر

[YHYAKOTB]

روح لاى حد عندو عفشة وظبط زوايا ممكن تكون اخدت بيها مطب
ظبط الزوايا بس ب30 جنية ولو فى شغل فى العفشة هيقولك هو بقى التكلفة

[benmatar]

طالما في مدينة نصر، تروح لمركز المهندس عمرو، ممتاز جدا
لو تعرف محمد أصلان استشاري سكودا في ظهر أبور امي بتاع الكبدة... عارفه؟؟
في نفس الشارع وعلى نفس صف محمد أصلان وانت متجه لجامعة الأزهر
عارف الحتة دي؟؟؟ مش عارف اسم الشارع بروحله من المهندسين مخصوص
المركز معروف وبيظبط الزوايا بالليزر (بجد مش هجص) والجهاز اللي عنده حديث وبينجز
مش هتكلف أكتر من 40ج.م

[sakr_skoda]

حدف يمين او حدف شمال دا ظبط زوايه ومقدرش ازود عن اللى قلهولك عباقرة المنتدى انما انا نفسى اقول حاجة تانيه خالص....*

موضوع ان الدريكسيون تقيل معاك دا مش موضوع زوايه ولا ترصيص دا موضوع اسكاترة الدريكسيون روح لعفشجى محترم ياما يحشيها وانا لا احبذ ذالك او تغيرها وهيا تقريبا على بعضها كدة حتكلفك فى حدود 350 جنيهتقريبا....*

[Mostafa.Ramdan]

طالما في مدينة نصر، تروح لمركز المهندس عمرو، ممتاز جدا
لو تعرف محمد أصلان استشاري سكودا في ظهر أبور امي بتاع الكبدة... عارفه؟؟
في نفس الشارع وعلى نفس صف محمد أصلان وانت متجه لجامعة الأزهر
عارف الحتة دي؟؟؟ مش عارف اسم الشارع بروحله من المهندسين مخصوص
المركز معروف وبيظبط الزوايا بالليزر (بجد مش هجص) والجهاز اللي عنده حديث وبينجز
مش هتكلف أكتر من 40ج.م

ابو رامى ده على اول الشارع اللى انا ساكن فيه :)

ان شاء الله هدور عليه واروحله ويبصلى على عفشه العربيه كلها ويقلى بقى فيها ايه

[Mostafa.Ramdan]

حدف يمين او حدف شمال دا ظبط زوايه ومقدرش ازود عن اللى قلهولك عباقرة المنتدى انما انا نفسى اقول حاجة تانيه خالص....*

موضوع ان الدريكسيون تقيل معاك دا مش موضوع زوايه ولا ترصيص دا موضوع اسكاترة الدريكسيون روح لعفشجى محترم ياما يحشيها وانا لا احبذ ذالك او تغيرها وهيا تقريبا على بعضها كدة حتكلفك فى حدود 350 جنيهتقريبا....*

هنشوف بتاع العفشه هيقول ايه وهاجى اخد رأيكم يا رجاله السكودا

[EngAhmedSayed]

و على فكره كمان ممكن يكون فى ضغط عجله اقل من ضغط عجله تانيه ده بيخلى العربيه تحدف يمين و شمال على حسب العجله قلى نايمه شويه و بتخلى الدركسيون تقييل
فعلا من جنب و جنب

[sakr_skoda]

و على فكره كمان ممكن يكون فى ضغط عجله اقل من ضغط عجله تانيه ده بيخلى العربيه تحدف يمين و شمال على حسب العجله قلى نايمه شويه و بتخلى الدركسيون تقييل
فعلا من جنب و جنب

برضوا وارد كمان لأنها حصلت معايا كتير....*

[Mostafa.Ramdan]

و على فكره كمان ممكن يكون فى ضغط عجله اقل من ضغط عجله تانيه ده بيخلى العربيه تحدف يمين و شمال على حسب العجله قلى نايمه شويه و بتخلى الدركسيون تقييل
فعلا من جنب و جنب

فعلا كلامك مظبوط لانى صحيت تانى يوم الصبح لقيت العجله الشمال على الارض

وركبت الاستبن وعملتها ومشيت بالعربيه مفيهاش حدف ولا يمين ولا شمال

الحمد لله جت على خرم فى الكاوتش