مطلوب سكودا فليشيا سليمة

[Shiref_mohamed]

السلام عليكم اعضاء قسم سكودا المحترمين
انا اخوكم شريف محمد من قسم رينو وكنت محتاج عربية فليشيا سليمة لوالدي
ياريت لو حد قدامه واحده كويسة يقولى وكمان محتاج اعرف رينج سعرها لآني بلاقي ناس بتتكلم في موديل 95 مثلاً في 25 الف وناس تانية بتتكلم في 32 الف بس طبعاً كلهم تجار للأسف وانا مش بحب اشترى من تجار لآن 99% منهم غشاشين إلا من رحم ربي
وجزاكم الله كل خير

[Mostafa.Ramdan]

هتلاقيها فى سعر من 25 لحد 29 او ممكن 30
انا كنت مشترى بتاعتى ب 26 الف

ربنا يوفقك ويكفيك شرها

[المنسي]

ربنا يوفقك وتلاقى حاجة حالتها كويسة

[Shiref_mohamed]

شكراً لرد حضرتك
محدش بقى يعرف حد او معاه واحده عاوز يبيعها معلش استحملوني شوية

[المنسي]

شوف الموقع ده
Search Results البحث عن سيارة مستعملة

[Shiref_mohamed]

شكراً لحضرتك بس انا عارف مواقع البيع كلها وللأسف كلها بقت تجار برضه انا بسال هنا ممكن يكون حد من الأعضاء معاه واحده نضيفة وعاوز يبيعها او يعرف حد معاه واحد عاوز يبيعها .

[kabo_dody]

سكودا فليشيا 97 فبريكه دواخل سنتر+ تكييف يحتاج شحن + زجاج امامى كهرباء + ريدياتير جديد + فتيس استيراد بحالته الماتور بحالته لونها زيتى ميتالك صالون جلد تابلوه بحالته رخصه 10 اشهر وفحص بعد 3 سنوات باسمى لو لسه ملقتش عربيه سيبلى رد فى مشاركه علشان نتواصل
نهائى32 الف بدون فصال

[shaban]

السلام عليكم
الاخ شريف انا عارض سيارتى للبيع فى الموقع - بعنوان فيليشيا للبيع فى صفحة رقم 2
ويوجد صور مرفوعة للسيارة
على فكرة انا مش تاجر - و السيارة الحمد لله بحالة جيدة جدا" - شوف الاعلان و كلمنى
السيارة مو 97 - عداد 118000 - تكييف ,سنتر , ريموت - رخصة حتى 2015/3
السعر 30000 ج قابل للتفاوض البسيط

[gergeswaheeb14]

عندى سيارة

واحد صاحبى عندة سيارة فليشيا كومبى فعلا حالة الفابريكة وبيفكر يبيعها-مويل 96 -اعتقد ممكن تخلص 28000 جنية او تنزل شوية - فى مينة نصر لو عايزها راسلنى