طاره الدركسيون والعجل !!!

[Mostafa.Ramdan]

السلام عليكم ورحمة الله وبركاته

رجاله اسكودا يارب يكون الكل بخير وتمام

الحمد لله بعد حل مشكله السخونيه فى الفيليشا حبيتها والله بعد ما كنت مقرر انى ابيعها

دلوقتى بقى ظهرلى حاجة جديده !!!

انا طاره الدركسيون لازم تكون جايه شمال شويه عشان العربيه تمشى علطول (ستريت يعنى)

ولو عدلت الطاره العربيه بتحدف يمين !!!

هل ده ظبط الزوايا ولا مشكله فى الطاره نفسها ؟؟

[EngAhmedSayed]

السلام عليكم ورحمة الله وبركاته

رجاله اسكودا يارب يكون الكل بخير وتمام

الحمد لله بعد حل مشكله السخونيه فى الفيليشا حبيتها والله بعد ما كنت مقرر انى ابيعها

دلوقتى بقى ظهرلى حاجة جديده !!!

انا طاره الدركسيون لازم تكون جايه شمال شويه عشان العربيه تمشى علطول (ستريت يعنى)

ولو عدلت الطاره العربيه بتحدف يمين !!!

هل ده ظبط الزوايا ولا مشكله فى الطاره نفسها ؟؟

الموضوع ده سهل جداااااااااااااا و بسيط
انتا هتروح عند اى حد ظبط زاويا بالكمبيوتر و هو هيفك الكلاكس بالمفتاح الصليبه تحتيه هيلاقى صمولة هيفكها و يطلع الطاره و هيظبط اتجاه العجل على الكمبيوتر و يركب الطاره على الوضع الصح
الموضوع كله 20 او 25 جنيه بسيطه و بالمره ابقى ظبط زاويا هى هى نفس التكلفه
ياله يا عم علشان تحبها اكتر من الاول احنا مش عاوزين اى حد متعكر دمه
عارفة ياعم
بس كده

[ابو لؤى]

ينهار ابيض دى مشكله تبيعها على عيبها وامرى لله ههههههههه

[sakr_skoda]

ينهار ابيض دى مشكله تبيعها على عيبها وامرى لله ههههههههه

بس يانتيهازى الراجل خلاص بيقول حل مشكلة السخونة وحبها

موضوع طارة الديريكسيون دى عادى لما تروح تظبط زوايه حيظبتلك الموضوع دا وعلى فكرة من غير ما يفك الطارة ولا حاجة هو بيشتغل على عفشة العربية من تحت وهى بتظبط تمام التمام والموضوع كله تقريبا 25 بس
وبالمرة كمان يارت ترصص الاربع عجلات ومتنساش الاستبن

[aw2100]

السلام عليكم ورحمة الله وبركاته

رجاله اسكودا يارب يكون الكل بخير وتمام

الحمد لله بعد حل مشكله السخونيه فى الفيليشا حبيتها والله بعد ما كنت مقرر انى ابيعها

دلوقتى بقى ظهرلى حاجة جديده !!!

انا طاره الدركسيون لازم تكون جايه شمال شويه عشان العربيه تمشى علطول (ستريت يعنى)

ولو عدلت الطاره العربيه بتحدف يمين !!!

هل ده ظبط الزوايا ولا مشكله فى الطاره نفسها ؟؟

اهم حاجة فى الفليشيا لما تلاقيها تحدف يمين او شمال تراجع على ضبط هواء العجل لانها حساسة جدا لو عجلة ريحت شوية وانا اكتشفت الموضوع دة بعد كذا ضبط زوايا لقيت ان الموضوع ان فية عجلة بتريح وبعد ماصلحتها العربية اتضبطت وبقيت بتابع الكاوتش بمجرد ماالاقى حدفة فى العربية وممكن العجلة المريحة تعمل صرخة فى الفرملة !!

[ابو لؤى]

بس يانتيهازى الراجل خلاص بيقول حل مشكلة السخونة وحبها

كنا عاوزين نخدم بس ههههههههه ربنا يباركله فيها ويكفى شرها لسه جايب 128 ولسه مرخصتش حتى هبقى انزل صورها ان شاء الله
دعواتك بقى لحسن شكلها عاوزه ماتور

[طارق _عبد السلام]

هى لها حلين
الاول من طاره الدريكسيون والثانى من ظبط الزوايا
الاسهل لك تعمله
وبالنسبه للطاره لازم انت تحدد اتجاه الطاره بالظبط وانت ماشى علشان توقف العربيه على نفس عدله الدريكسيون والكهربائى هيفك الطاره ويعدلها لك تانى انا قولت الكهربائى لانه عندنا بيفك الطاره لظبط ريش الكلاكس اذرعه النور
لكن ظبط الزوايا هيوفر عليك الموضوع ده

[Mostafa.Ramdan]

كنا عاوزين نخدم بس ههههههههه ربنا يباركله فيها ويكفى شرها لسه جايب 128 ولسه مرخصتش حتى هبقى انزل صورها ان شاء الله
دعواتك بقى لحسن شكلها عاوزه ماتور

ربنا يخليك يا باشا ويباركلك فى ال 128 الجديده ويقويك على المرور وترخص على خير

[Mostafa.Ramdan]

الحمد لله كانت مشكله ظغط اطارات

بس عاوز اعرف فى الايام دى اخلى الراجل اللى بيزود العجل يظبطها على كام عشان سمعت واحد كان بيزود عجل جنبى بيقولوا اظبها على 40

ده صح ولا غلط ؟؟

[wael abbas]

الحمد لله كانت مشكله ظغط اطارات

بس عاوز اعرف فى الايام دى اخلى الراجل اللى بيزود العجل يظبطها على كام عشان سمعت واحد كان بيزود عجل جنبى بيقولوا اظبها على 40

ده صح ولا غلط ؟؟

40 ليه
انا اللى اعرفه انه فى الصيف تظبطها على 28 وفى الشتا على 30

[EngAhmedSayed]

40 ليه
انا اللى اعرفه انه فى الصيف تظبطها على 28 وفى الشتا على 30

صح كلامك 100%

[aw2100]

انا باضبطها 30 صيف وشتاء علشان اعلى العربية شوية علشان اعالج مشكلة الفليشيا لانها واطية قوى بالأخص الفتيس

[Mostafa.Ramdan]

يعنى الراجل اللى كان بيزود العجل ده كان بيخرف :))))))))))

[aw2100]

يعنى الراجل اللى كان بيزود العجل ده كان بيخرف :))))))))))

يمكن كان بيزود مقاس كاوتش تانى اعتقد المقاسات الكبيرة الضغط بتعها بيكون اكبر ؟؟

[طارق _عبد السلام]

الحمد لله كانت مشكله ظغط اطارات

بس عاوز اعرف فى الايام دى اخلى الراجل اللى بيزود العجل يظبطها على كام عشان سمعت واحد كان بيزود عجل جنبى بيقولوا اظبها على 40

ده صح ولا غلط ؟؟

40 لا كتير اوى هيخلى العربيه ناشفه وترزع
الغالبيه العظمى بتظبط على 30